Author Archives: Winnie Kimani

Makiria ma mirioni 10 gucenjana munanda-ini wa mahiu, Kimalel

Uteti wa mwaka wa 2022 niguo uthamakire thoko-ini ya o mwaka ya munanda wa mburi mwena wa Kimalel kaunti-ini ya Baringo.Mbatuni iria inyitaga mbaru munini wa president ndagitari William Ruto itwarire urugari wa uteti muromo-ini kwa Gideon Moi, ikimwira ati wathi wake wa uteti ti mukinyaniru wa kuhumania na Ruto. Muthenya umwe tu thutha wa […]

Mutaratara mweru wa githomo no ukuhithika!

Mutaratara mweru wa githomo ugakinyanirio mwambiririo wa mwaka turorete. Kuringana na ndumiriri iria irekereirio kuri   nyumba  cia mohoro ni minister wa githomo Amina Mohammed, yugite mutaratara ucio ukwamba kugomanio kuri arutwo a nathari nginya kirathi gia gatatu. Marua macio mathiite na mbere gutariria ati arutwo a kirathi  gia kana makambiriria mutaratara  ucio mweru mweri wa […]

Murutwo guthikwo ira guku moimirira makirekererio, Gilgil

Ona arutwo magikunguagira moimirira ma kigeranio gia KCSE, family ya murutwo umwe kuuma mwena wa Gilgil kaunti-ini ya Nakuru iihuritwo ni ihoru. David Gichuki Maina ekire kigeranio thibitari, thutha wake kugumirwo ni murimu wa kwaga thakame. Gichuki arathikirwo ira, muthenya uria moimirira ma kigeranio gia KCSE  mararekereirio. Wandi ikumi na ithathatu thibitari-ini ya Nairobi Hospital […]

Andu 18 gukua mitino-ini ya barabara Isiolo-Marsabit na Webuye-Eldoret

Andu ana nimakuite  mutino ini wa barabara mwena wa Archers Post, barabara-ini ya kuuma Isiolo- Marsabit. Mutino ucio uhanikire mathaa  ma kiroko  riria matatu iguthiaga  Isiolo  iguthanire kiongo gwa kiongo na rori iguthiaga Marsabit. Nakuo mwena wa Kakamega, andu aria marakuire mutino-ini wa ira nimongererekete  nginyagia 14. Mutino ucio urahanikire barabara-ini ya kuuma Webuye guthii  […]

Ekuirwo a njama cia uici guikio ngono, Kwale

Ekuirwo 2  nimaikitio ngono kaunti-ini ya Kwale  magituika nio makoretwo makiagagia  agendi miena ya Diani na Ukunda.Hindi o iyo, abithaa a borithi nimanyitire mucinga umwe,  hiu  na nguo  cia  borithi iria kurekuirwo  marahuthagira  hindi ya  njama  ciao cia wikinai. Akiruta riboti iyo kamicona wa Kwale, Ngumo Karuku augite ati ekuirwo aya nimakoretwo magithagathagia thayu wa […]

Arutwo 2 marekire kigeranio gia KCSE kwiyuraga

Arutwo eri ni meyuragite na njira ya kwiita thutha wa kwaga kwandikithia maumirira maria maratanyaga ma igeranio cia kirathi gia form four KCSE. Murutwo wa mbere areyuragire hwai mwena wa Nyamache thiini wa county ya Kisii ihinda inini thutha wa kwamukira maumirira make. Cibu Meshack Nyang’ara wa itura ria Bokomweri kuria murutwo ucio aumite augite […]

Uhotani wa Alfred Mutua, Martin Wambora, Salim Mvurya, Alfred Keter gukindirwo, wa mumbunge Chris Karani guteyanirio

Uhotani wa Ma-Ngabana Alfred Mutua wa Machakos na Salim Mvurya wa Kwale hari ithurano nene cia mwaka muthiru ni ukindiritwo ni igoti ria ngathi ya iguru bururi-ini ria Supreme. Ngabana Mutua ahotanire cira uria ararugamitie agitetia itua ria igoti ria gucokia cira riko riria riamutunyukithitie uhotani hau kabere cira-ini uria warugamitio ni mung’etheri wake Wavinya […]

Mbaara ya nyamu cia githaka na andu, Laikipia

Atongoria  a kiuteti kaunti-ini  ya Laikipia nimamenereirie  ruhonge ruria  rurumbuyanagia na nyamu  cia githaka  KWS  makiuga  ruhonge ruu nirutiganiirie  aikari a  Laikipia  aria makoretwo makinyamario ni nyamu cia githaka. Seneta  wa Laikipia na ambunge eri mararagia igongona-ini ria mathiko ma muthuri umwe wa miaka 71 uria wahithukiirwo ni njogu gwake mugunda. Kuragwo  ni njogu  kwa […]

Mutino wa mwaki, Ichuga Nyeri

Makiria ma bamiri 20  kuuma ituura ria   Ichuga kaunti-ini ya Nyeri, itigitwo itari na uikaro thutha wa nyumba ciao gucinwo ni mwaki. Aikari nimaroria thirikari ya kaunti ya Nyeri imateithiririe na ngari cia kuhoria mwaki niguo riria mitino ta ino yaumira, makahota kuhonokia indo ciao. Gutiri mundu uragurarire mutino-ini uyu ona gutuika aikari matinahota kuhonokia […]

Atumia a ndigwa kuumaniriria unyitaniri-ini wa mwanya, Kiambu

Gikundi kimwe gia atumia mirongo inana a ndigwa kuuma ituura ria Gitwamba  kaunti ya Kiambu nimacokaniriire gwikirana hinya na gwikuria, na njira ya guthondeka indo itiganite iria macokaga makendia. Atumia aya maugite gucemania kuu kwao nikumahotithitie gwitiiria kieha kia mauritu maria mageragira kuuma athuri ao makua, na oho gwithukumira uboco wa omuthenya. Ituraini ria Gituamba […]

Uhotani ni wa Ann Waiguru, igoti gutuithania cira wa ungabana, Kirinyaga

Mutongoria wa kiama kia NARC Kenya Martha Karua niehotorete guthii igoti-ini itugiru, thutha wa cira wa kuregana na uhotani wa ngabana wa Kirinyaga Anne Waiguru guteyanirio ni igoti ria gucokia maciira riko.Igoti riugite no nginya Karua angionania hatari nganja ati kwari na mahaki maheanagwo niguo guthingithia githurano kia ungabana county-ini ya Kirinyaga mwaka ucio urathirire.Itua […]

Thirikari nene kurugamia umomori bururi-ini

Thirikari nene riu yathanite kurugamio kwa umomori o wothe wa nyumba guku bururi-ini. Riboti iria itumitwo nyumb-ini cia mohoro ni munene wa aruti a wira wa muingi Joseph Kinyua yugite ikinya riri riukite thuutha wa giikaro gia thirikari na anyiti itemi ruhonge-ini rwa waaki.Arataariria aria maramomoreirwo nyumba muthenya wa ira mwena wa Nyama Villa no […]

Marakara ma arutani

Mathomo thukuru-ini cia muthingi maya gukahotoma kiambiriria-ini kia mwaka mweru, thutha wa ngwataniro ya kuhuranira ihoto cia arutani, KNUT, kuruta mukana wa gukagomera wira, wona mateta mao maaga gukorwo makinyaniirio ni komiconi ya TSC. Arutani aya nimakumithitie komiconi iyo, makiuga ikoretwo ikiruta mitaratara iragagagia arutani na mutaratara wa mathomo bururi-ini.

Ngucanio iria-ini ria Naivasha

Kamiti ya migunda bururi-ini niguthurima na kuruta mwerekera wa mihaka ya iria ria Naivasha gwa kahinda ka ciumia igiri ciukite, thuutha wa ndugamano iria ikoretwo kuo gatagati ka ategi a thamaki na onjoria a tiri.Muikariri giki wa kamiti iyo Mohamed Swazuri niwe wiraniire ikinya riri, thuutha wa kwamukira makaya ma ategi a thamaki kuuma mwena […]

Aikari gutetio ni giko, Kiambu

Onjoria tauni-ini itiganite kaunti-ini ya Kiambu nimarateta niundu wa giko kiingi  kiri ciara-ini na matangi-ini, kiria marauga gikoretwo gitekurogotwo kwa ihinda ria mweri umwe muhituku. Ria marutagira wira gukuhi na kuria giko giki kiri ona matikoretwo magiikara na thayu kuumana na muruki muuru. Uu ni  thengia wa  wa ngabana Waititu kuruguria rori cia kungania giko. […]

Itu ria ndogo ya maithori ya cuba cia njohi, Kandara-Murang’a

Aikari a ituura ria Riandegwa mwena wa Kandara ni macaite kwagithio thaayu ni ndogo njuru iria iraumana na kiganda kimwe mwena ucio, kiria kirutaga wira utuku wa gucina cuba cia njoohi makiuga ugima waao wa miiri uri hatika-ini. Mihang’o ya gucina cuba ici ihanikaga utuku riria andu makomeete, na undu wa kumakania ni ati aikari […]

Kugacirithia githomo, Nyandarua

Thirikari ya county ya nyandarua niikindirite mubango wayo wa kugacirithia githomo na njira ya guteithiriria ciana iria njugi na iria ciumite bamiri-ini citehotete hari kuriha bithi niguo gukinyaniria cioneki ciao. Akiaria ari mwena wa gicigo kia umbunge kia ol-joro orok na milangine hindi ya kuruguria itina ria keeri ria uheani wa bursaries, ngabana wa nyandarua […]

Haria uthuthuria wa gikuu kia Wahome Gakuru ukwambiriria

Itua ria guthuthuria weru mutino uria wacungiriirie gikuu kia ngabana wa gatatu wa kaunti ya Nyeri Wahome Gakuru, uguuritie kironda riu kironekana ta gikoretwo gikiimbirira o gwatuka ngoro-ini cia andu a Nyeri. Uthuthuria ucio uria ugukorwo ugitongorio ni igoti ria Nyeri wirigiriirwo kwambiriria tariki ikumi na ithathatu mweri turorete na aikari a Nyeri meerite Inooro […]

Mawatho ma atwarithia a boda boda

Atwarithia a nduthi riu no mahumuke kwa ihinda, thutha wa thirikari kuongerera ihinda riria yaheanite riao gukorwo mahingitie mawatho matiganite..Kwambiriria mweri wa gatano mwaka ukite niguo atwarithia a bodaboda maratanywo gukorwo marungiriirie na makarumirira mawatho ota ahuthiri angi a barabara. Uhoro uyu waniriirwo ni minister wa ugitiri Fred Matiangi na murunawe wa ukuui James Macharia. […]

Umomori Embakasi gutiga andu makiria ya 6, 000 matari uikaro

Mumbunge  wa Embakasi Central  Benjamin  Gathiru akurara thiini  thutha wake  kunyitwo niundu wa kugeria kurugamia  mihangó ya umomori  wa nyumba  mwena  wa  Nyama  Villa, ituura ria  Kayole, Nairobi. Kurumirira umomori  ucio,  makiria ma andu 6,000  matigirwo matari na uikaro. Kurokire  gicanjama  mathaa ini ma kiroko, riria  matinga matano makinyire guku meharirie kumomora micii itanyihiire magana […]

“Cokiai micinga na kwaga uguo…”

Munini wa kaunti commissioner wa Limuru David Kiprop niaheanite mukana wa kiumia kimwe kuri ekinae mugwanja aria moragire mwonjoria umwe wa town ya Limuru gucokia mucinga uria menaguo mugaru na watho. Kiprop augite wona maaga gukorwo macoketie mucinga ucio gugikinyiria muthia wa kiumia giki megukorwo makiumbuthurwo kuuma imamoini ciao. Ekuirwo aya marerikana gukorwo makiuma kauty […]

Gikuu kia Wahome Gakuru githuthurio

Murugamiriri munene wa ruhonge rwa uthuthuria bururi-ini George Kinoti riu nioritie igoti ria Nyeri riambike uthuthuria wa gikuu kia uria waari ngabana wa Nyeri Wahome Gakuru marua-ini maria mandikiirwo igoti riu ria Nyeri. Kinoti augite munene wa thitango Noordin Hajji athanite uthuthuria ucio ukuruhanie maoni ma muingi, nigetha maumirira magwo makorwo magiitikirika ni andu othe.

Kigiriko kia bamiri imwe

Bamiri  imwe irathingata kihoto thutha wa mwanake   wao  wa miaka 28 gukua thutha wa  kuguthwo ni ngari iria iratuika iratwarithagio ni  ndereba  urari  muriu. Mutino uyu uhanikite ona thutha wa  inspekta wa  borithi Joseph Boinet kwanirira  ati birigiceni ya  guthima uriu wa matereba   ugukorwo ugitabanio muthenya na utuku hindi ino ya mabura  ma thiguku.

Njoohi njohi

Mundu umwe niakuite na angi ana gutigwo makirigitwo thibitari-ini thutha wa kuhinda njohi mwena wa Elburgon. Riboti kuuma kuri maobithaa a borithi irauga ati  atano acio marakunguagira kirabu-ini thutha wa kurikia wira wa mwako wa nyumba imwe kuu Elburgon na thutha-ini maranyua njohi nginya marerigwo… Agikira uhoro ucio mukonde, munini wa kamicina kaunti-ini iyo, augire […]

Mundurume umwe kuragwo na guthikwo rungu rwa uriri wake, Nakuru

Aikari a itura ria Mzee Wanyama mwena wa Nakuru matigitwo na kimako thutha wa mundurume umwe kuragwo na guthikwo rungu rwa gikanda giake gwake nyumba. Aikari a itura riu marauga  mundurume ucio wa miaka 50 onekanite ria muthia kiumia kimwe  githiru, na kuuma hau ni mwiri wake uronekire. Gukirite kieha na kigagayo  itura-ini riri, aikari […]

Ngucanio ya mugunda gatagati ka thirikari ya Ngabana Waititu na kambuni ya Posta, Thika

Kambuni ya  utumi  wa  marua  ya  posta yugite  niiguthitanga  thirikari  ya  kaunti ya  Kiambu  hamwe na ngabana Ferdinand Waititu niundu wa kuuna watho  niundu  wa kuingira mugunda-ini wa posta mwena wa Thika. Kurerikana Waititu arenda mugunda ucio utuike  kiwanja  gia kuiga   ngari cia matatu ataguthingata  mawatho na mitaratara. Kihumo  kia  ngucanio  iguru  ria  mugunda  ucio  […]

Mateta ma anyiti itemi githomo-ini

Ona mbere ya minister kuongerera ihinda ria mutaratara uyu mweru, anyiti itemi sekta-ini ya githomo nimakoretwo magiteta makiuga mibango ya kuwambiriria nduthondeketwo uria gutarii. Nao aciari na acabithia a mabuku aria marehariirie kurugurio kuu mweri wa January riu marakaya itua ria Amina ni ria gucokia bururi na thutha. Mwaka ini muhituku, ministry ya githomo ni […]

Mutaratara mweru wa githomo gutiirio

Thirikari umuthi ni itiriirie kwambimbiririo kwa mutaratara mweru wa githomo ciumia ithatu tu mbere ya cukuru ihingurwo. Riu mutaratara ucio ukambiririo mwaka wa 2020 nacio ciana iria irahuthikaga kuugeria cia kirathi gia gatatu riu igocokerera mubango wa tene wa 8-4-4. Minister wa githomo Amina Mohammed aheanire uhoro ucio thutha wa mucemanio wa hi-na-hi na anyiti […]

Makaya ma onjoria, Naromoru

Ahuri biashara a Naromoru county ya Nyeri nimaroria thirikari ya kaunti iyo maake weru thoko iyo.  Ahuri biashara acio maroiga mubango uria wambiririo wa kumathondekera thoko niwatiganiirio. no nio thoko iria ahuri biashara a town ino makiirwo miaka iri mithiru no kuri ouguo ahuri biashara aya maroiga thoko inondiarikire kwona  ona thengia ya gwikirirwo nginya […]

Umomori gicua-ini

Onjoria rutere-ini rwa Kenyatta Beach county ya Mombasa ni maingatirwo gicigirira-ini kiu ni thirikari ya county. Ibanda ciao ni iracinirwo utuku wa ira undu uria uracungiriirie ngucanio gatagati ka onjoria na imwana iria cirahetwo wira wa kumomora ibanda. Ungicera mwena wa Mombasa, ibanda ici ni imwe cia biashara iria mundu acemanagia nacio rutere-ini rwa Kenyatta […]