Category Archives: news

Uthiu mweru wa thibitari ya Kiambogo Geta’bushi, Nyandarua

Thibitari nini ya Kiambogo ituura-ini ria Geta’bush, Nyandarua,  niyararamitio na kwongererwo wondi cia atumia kuherwo ciana. Miaka 20 mithiru, aikari  manyitanire na gwaka  tunyumba tutatu  turia  twambiriirie thibitari iyo,  no riu thirikari ya  Nyandarua  ihuthirite ciringi mirioni ikumi na ithano kwararamia na kwongerera macini cia gutungatira arwaru. Ikinya ria mbere ria gwaka thibitari ya gikiro […]

Hahu kuri aikari a Kiangage, Murang’a ni tharikira cia ekinai

Aikari a ituura ria Kiangage na matuura maria marigiciirie mwena wa Kiharu kaunti ya Murang’a maraikara na hahu, thuutha wa ekinai kumanyamaria na njira ya kumahithukia mathaa-ini ma utuku mari toro. Aikari aya riu marenda mabithaa a borithi a Kiangage matabanie uthuthuria niguo guikia ngono ekinai acio. Ituura-ini ria Kiangage gichigo-ini kia ubunge gia Kiharu, […]

Uthaka, ugemu na utonga wa magoto

Kuri arimi aingi a  marigu bata wa  muramba ukoragwo uri kuhe murimi  marigu. No kuri muikari umwe wa Embu, magoto ma muramba niguo utonga wake, kuona athondekaga indo itiganite cia mahuthiro na magemio ta migathi. Henry kariuki kuuma ituura ria Kavutiri kaunti-ini ya Embu, ekuraniire ta mundu wa kurumbuiya maria maturigiciirie. Indo ici aronania haha […]

Matiang’i gwathana onjoria aria mari guku bururi-ini mugaru na watho macokio kwao

Ahuri biacara kuuma mabururi ma nanja aria mari guku bururi-ini mugaru na watho nimegucokio mabururi-ini mao. Minister wa ugitiri wa thiini Fred Matiang’i niwe uheanite mwerekera uyu akiuga thirikari ndiheanaga marua ma wonjoria kuri raiya a mabururi mangi. Watho uyu wa Matiang’i ukite oriri gukoretwo na makaya megii wongerereku wa onjoria kuuma bururi wa China […]

Thukuru wa Ichang’i nduri wagia na murutwo ona umwe kuuma mwaka wa 2015 riria waakirwo, Kirinyaga

Thukuru wa secondary wa Ichang’i mwena wa Mwea, kaunti-ini ya Kirinyaga, wari utuike uteithio kuri arutwo na njira ya kumanyihiria thabari ndaya guthii kwimathira mathomo. No nginya riu thukuru ucio nduri wagia ona murutwo ona umwe kuuma mwaka wa 2015 riria waakirwo. Mugunda-ini uyu wa ika ithatu, niho thukuru uyu wa thekondari wiikariire, na itanya […]

Arimu anene a secondary kuuga mongererwo kigina kiria maheyagwo kuuma kuri thirikari nene.

Arimu anene a Secondary maugite kigina kiria mahegwo kuuma kuri thirikari nene gitiraigana macukuru maingi. Makiaria hindi ya mucemanio wa o mwaka kaunti ya Mombatha, arimu acio ningi maugite mubango mweru wa githomo ndukuhotekeka angikorwo thirikari ndigwikirira kingí mehariria mega. Ni mucemanio uria urehete atongoria a arutani bururi wothe gicuani, ndereti nene iri mbeca iria […]

Ceceni ya iNooro TV gutugwo ni Youtube

Ceceni ya iNooro TV  ni itugitwo na ngerenwa ni rurenda rwa ukinyiniria rwa YouTube thutha wa gukinyia arumiriri kana (Subscribers) ngiri igana rimwe. iNooro TV niyo ceceni ya mbere hari ceceni iria cimemerekagia na thiomi cia kiunduire kwamukira ngerenwa ta ino. Riera ria gikeno na ucanjamuku nirio riraihurite riko-ini ria mohoro miaraho ya ira, thutha […]

Thengia ya kwaga kuona, Wanjiku athondekaga detergents na kuriithia nguku, Kirinyaga

Kwiragwo wathe ti kwiremwo na mutumia umwe utari na uhoti wa kuona kuuma mwena wa Gichugu kaunti ya Kirinyaga nionanitie kio gia kwimathira, na njira ya guthondeka thabuni wa maai na kuriithia nguku. Rose Wanjiku niahotete kurera mwana wake na njira ya kwendia thabuni ucio. Iturai-ini ria Gatugura Kabare, Gichugu kaunti-ini ya Kirinyaga, nikuo Rose […]

Mutumia kugurario na guteyo thitinji atekwiigua

Mutumia umwe arathii na mbere kwamukira urigitani thibitari-ini ya Kiambu thutha wake gukorwo acinitwo na gutemangwo na gucoka gutiganirio thitinji-ini ya matatu Githunguri kuringana na andu a nyumba yao Ruth Wangari orire kiumia kimwe githiru mari na mwana wake wa mwaka umwe, na mageria ma gwethana nao marakoretwo maringa ihiga nginya riria maretiirwo mwendwa wao […]

Urimi wa mbaki nouratherema Embu

Urimi wa mbaki kaunti-ini ya Embu nouthiite na mbere na kugacira, thengia ya  kambuni imwe iria ithondekaga thigara gutiga kugura mbaki ya kuuma kaunti ino.. Arimi maugite urimi wa mbaki kaunti-ini ino ndungiringithanio na urimi ungi o wothe , kuona niguo umahotithitie gwikuria kihumuko. Turacemania na Severino Thitima mugunda-ini wake itura-ini ria Gatitu Mbeere ya […]

Gikeno Ngurubani thutha wa Irungu kuuma thibitari kuria araikarite mieri 8

Bamiri imwe kuuma Ngurubani, Mwea kaunti-ini ya Kirinyaga iri na gitumi gia gukunguira thutha wa mwana wao uria ukoretwo thibitari kwa ihinda ria mieri inana akirigitwo mahia kuheo rutha ainuke. Bamiri yothe ya Henry Irungu mahonokire gikuu ciarera thutha wa mutungi wa gas gututhuka no oothe makirigitwo na kurekererio no mwana uyu agitigwo thibitari kuona […]

Mutumia kuraga mwana wake wa miaka iri

Borithi ituura-ini ria Gaturi gicigo-ini kia umbunge gia Kiharu kaunti ya Murang’a ni maraikitie ngono muthuri umwe na mutumia wake, magikuruhanio na gikuu kia mwana wao uria urarutirwo ruui-ini rwa Mathioya. Kuratuika kana kau ka miaka iri gakoretwo gagiethwo kwa ihinda ria kiumia kimwe, na ira nirio nyina mumuciari arahithukirie ati niwe wakoragire. Giiko giki […]

Hihi ni ngari iriku ciagiriire kwehererwo barabara?

Munene wa borithi  bururi-ini Hilary Mutyambai, niekite mogaruruku mwerekera-ini wa  watho  wa  ngari iria ciagiriirwo ni kuheo mweke wa mbere  kuhituka riria kwina muhatikano wa ngari barabara-ini. Munene wa watho na mucirithania munene nimaingiritio kirathi kia anene  aria mahetwo rutha rwa kwaga kurumirira mutaratara  wa  ngari  ingi  barabara-ini. Muhatikano barabara-ini nyingi ta ya Uhuru Highway […]

Maratathi ma minyore na diapers ihitukitie matuku kuhithukio Kamukunji, Nairobi

Maabithaa a uthuthuria wa ngero cia wikinai DCI, nimahithukitie mirigo 60 ya maratathi ma minyore, nduka-ini imwe mwena wa Kamukunji guku Nairobi. Uu ni thengia wa wendia na uhuthiri wa minyore, gwikirirwo mukana guku bururi-ini miaka iiri mihituku. Maabithaa aya ningi nimahithukitie ndaipa cia kuoha ciana iria ihitukitie matuku ma kuhuthika gukirikana no irathiaga nambere […]

Tigutheke cukuru-ini wa Kiambogo, Kieni

Aciari aria mari na ciana  cukuru-ini wa muthingi wa Kiambogo, wondi ya Mugunda, gicigo-ini kia umbunge gia  Kieni ni marateta niundu wa guthuka gwa cioro cia arutwo thukuru-ini ucio. Marahoya thirikari kuingirira na kumateithiriria waaki-ini wa irathi na cioro njega niguo guthondeka riri wa cukuru ucio.  Irathi cia thukuru wa Kiambogo irabatara gukorogerwo na kuhingwo […]

DPP: Tigai kuoya mihothi ya ateti ‘aungumania’

Munene wa thitango cia muingi Nordin Haji riu nioritie atongoria a ndini matige kuoya mbeca cia ateti akiuga amwe ao ni aria makuruhanitio na ungumania. No ona kuri ouguo riendikithia riri nirireganitwo nario ni amwe aa atongoria aa kanitha, makiuga ikinya riri riaya kuingata andu a wendi mwega ihoero-ini. Atongoria aya a ndini maugite ni […]

WARMA gutetia kambuni cia mahua mwena wa Naivasha

Ruhonge rwa kuramata ihumo cia maai guku bururi-ini (WARMA) ni rucakaite kuumana na uria kambuni cia urimi wa mahua irahuthira maai hatari na githimi kuuma Iria-ini ria Naivasha. Maabithaa aya maugite mathina macio ma nginya kuhingiriria maai ni ugwati ungicungirira kuhua kwa Iria riu. Muikariri giti wa mbondi ya kuramata ihumo cia maai Joe Mutambu […]

Muthia muthia, onjoria gukenerera utheri thutha wa nduma ya ihinda wonjoria-ini wao

Onjoria mwena wa Nyamakima guku Nairobi riu mari ihenya-ini ria gutigirira ni matambura kontaina iria ciekiritwo mirigo yao iria iturite ihingiriirio ni thirikari kuuma o mwaka wa 2017, thuutha wa president Uhuru Kenyatta gwathana irekererio. Ona gutuika ni metikirite ati kurari na gakundi kanini ka amwe ao aria marakungagia waara niguo gwithema magoti, onjoria aya […]

‘Airitu aitu na atumia marorio ki?’

Atongoria atumia aria athure manyitaniiire na ikundi cia gutetera ihoto cia umundu ni meyumiritie gutetia wongereku wa ciiko cia kunyamario na kuuragwo kwa  airitu na atumia bururi-ini. Makiaria na mugambo umwe mougite ni magatabania mururunagno kiharo-ini kia university ya Nairobi kana ga kiumia giki iri ta njira ya kuhinyiriria thirikari gwika undu iguru ria maundu […]

Githomo gia kugacirithia utheru hindi ya kahinda ka mweri

Arutwo a airitu  kuuma thukuru cia muthingi kaunti-ini itiganite niiramamukirire githomo kia uria mangihota kugacirithia utheru wao riria marona kahinda ka mweri. Atumia  a mangabana nio maratongoririe mathomo maya kuria thuutha wa mathomo arutwo acio maramukirire tauru cia utheru First Lady wa kaunti ya Murang’a Jane Wairia, aratindire thukuru-ini wa muthingi wa Maji Kiboko gichigo-ini […]

Thogora wa muturire kwambatira, Akenya kuhinyiririka makiria

Thogora wa muturire guku bururi-ini niwambatirite na gicunji kia 2.2% ihinda-ini ria mweri umwe. Uhoro  uyu  ni kuringana na riboti ya bengi nene  bururi-ini, ngabana wa bengi ino Patrick Njoroge akiuga wongerereku uyu  umanite na  thogora wa iguru  wa  irio , niundu wa gucererwo  gwa kimera kia mbura. Kuongerereka gwa thogora wa  irio  iria akenya […]

Ukuui wa muingi kugucanirio ni matereba a taxi na onjoria angi

Matereba a ngari cia taxi kuuma tauni ya Meru ni marakaira thirikari ya kaunti iyo kumateithia kwehereria onjoria aria maingiriire biacara iyo matari na marua. Matereba aya marenda maabithaa  a kaunti iyo gutabania birigiceni ya gwethana na akuui aria matari athurime ni kaunti, iri ta njira imwe ya kumagitira. Biacara ya ukuui wa muingi na […]

Aikari a Githogoro gukaya

Aikari a gicagi  gia Githogoro, kaunti ya Kiambu  ni mahoete thirikari kumaririkana hindi ya mubango wa gukuria matuura, makiuga makoretwo matiganiirio thengia yao kugumirwo ni ukia munene. Aingi  a  aikari  aya 2,000  marutaga  mawira  ma ciibarua mugunda-ini  wa  kahua  uria waari ituura-ini riu mbere ya  gwakitwo  nyumba. Matuura  ma  Githogoro ni meeri, na magayanitio ni  […]

Aikari a Kianjokoma kwiiturura, maobithaa a borithi kuheo mukana

Maabithaa a borithi mwena wa Kianjokoma  kaunti-ini ya Embu ni mahetwo mukana wa guthamirio icigo-ini ingi thutha wa muingi gukaya kwa ihinda iraya makiuga maabithaa aya matikoretwo makimateithiriria kuhurana na ciiko cia wikinai. Ruhonge rwa borithi mwena ucio ruorotereiria kaara thirikari ya kaunti iyo rukiuga ati thirikari ikoretwo igitikiria maundu mangicungiriria uhaguku wa ugitiri. Ni […]

Uritu uria ugumiire thuguri ya cuma nguru cia ngari

Onjoria  a cuma  nguru  cia guthondeka ngari mahetwo  mweri umwe  makorwo mendetie  mirigo iria mari nayo matuka-ini mao. Ihinda riu riheanirwo ni thirikari ikiuga cuma icio nicio  itumaga  ngari  igie na mitino ya barabara. Mwaria wa thirikari Cyrus Oguna niateteire thirikari akiuga indo iria iratuika  ikwamite  gicukiro kia meri kia Mombasa itiri na ene. Ni […]

Hahu thutha wa ndaraca kumomoka, Kabare-Kirinyaga

Aikari a matuura ma kia ng’ombe na maang’a mwena wa Kabare, gichugu kaunti-ini ya Kirinyaga maraikara na hahu thutha wa ndaracha iria mahuthagira na  iria inyitithanagia matura maya meeri guthii na  mbere na kumomoka. Aikari  aya  marauga thengia  yao  gukorwo magikinyia  mateta  mao kuri thirikari ya Kirinyaga, gutiri ikinya  rioetwo ria kumateithia. Ndaracha ino niyo […]

Mundurume kunyitwo agithikuria mbirira endie mugunda Kinamba, Naivasha

Borithi ni manyitite mundurume umwe mwena wa Kinamba, Naivasha thutha wake kuhobanirio agithikuria mbirira iria irathikitwo endwa ake. Joseph Macharia ougite mitaratara miingi ya gIthirikari iria arabataragwo kuhingia niguo aheeyo rutha ni igoti niyo iratumire atabanie mihang’o ino na mituki. Na ta uria Festus Lang’o aratariria, Macharia aratanyaga kwendia mugunda ucio kuri mwenji umwe wa […]