Category Archives: news

Mbura ya muiyuro wa gikuu kuraga mutumia na mwana wake, Kibera

Mutumia umwe na mwana wake nimakuite thutha wa guthererio ni maai ma muiyuro maria marahurire gicigo gia Sarang’ombe kurumirira mbura iria yaurire hwai-ini wa muthenya wa  keeri. Kurerikana mutumia ucio na mwana wake mararutirwo kuuma nyumba  ni muiyuro, na marathererio. Hugururu-ini cia ruui rwa Nairobi  gicigo-ini gia Sarang’ombe  Kibera, aikari mari mihang’o-ini  ya kugeria gucokaniriria  […]

Ciaigana ni ciaigana! Aikari kururungana ni bara guthuka, Gachie

Aikari a itura ria Gachie kuuma kaunti ya Kiambu nimarurunganite makimenereria uria barabara ciao ithukite muno makiria ihinda-ini riri  mbura yambiriirie. Aikari aya maugite makoretwo magiteta gwa kahinda ka miaka itano riu gutari ikinya rioetwo na riu barabara ithukite nginyagia matingihota gutabania mihango yao ya omuthenya. O riri mbura yambiriirie kuura miena itiganite guuku bururi-ini […]

Aikari a Garissa kuhimbiria urimi mweru uria urahuthira maai

Ariithia kuuma kaunti ya Garissa  riu nimahimbiirie urimi-ini thengia ya icigo icio gukorwo igumiirwo ni riua inene. Ariithia aya maugite mahimbiirie urimi uyu ari ta njira ingi ya kuimathira riria mahiu mao magumirwo ni ng’aragu. Aikari aingi a icigo cia rugongo rwa bururi wa Kenya makoragwo mari ariithia a mahiu, kuria makoragwo magithama thama gwetha […]

Aikari gukaya uhaguku wa ugitiri, Laikipia

Aikari a Laikipia ni makaiire thirikari imateithiririe kugacirithia ugitiri uria marauga urathii na mbere na kuhaguka o gwakia. Aria mahutitio muno ni aria mari muhaka-ini wa Laikipia na Baringo undu uria marauga wihiriirie kumana na uici wa mahiu. Thina wa uici wa mahiu kaunti ini ya Laikipia  ti undu mugeni matu-ini ma aingi, ona gutuika […]

Aikari kururungana magikaya uhaguku wa ugitiri, Njoro-Nakuru

Mihang’o ya ukui mwena wa Kihingo Njoro kaunti-ini ya Naikuru ni ithararire thutha wa muingi kururungana makimenereria uhaguku wa ugitiri mwena ucio . Aikari maugiite  ciiko cia wikinai ni ciongererekete  na uguo gutiga muingi hatika-ini. Aikari a Kihingo Njoro mararurunganire na kuhinga barabara na mathigi na cuba, marakia miaki kuonani maruru mao niundu wa wagi  […]

Andu 3 gukua thutha wa kuguthwo ni thitima, Naivasha

Andu atatu nimakuite kuumana na kuguthwo ni thitima gicagi-ini gia Kongoni mwena wa Naivasha kaunti ya Naikuru, thutha wa waya cia  thitima kugwa na kuruta mwaki. Giiko giki kiracungiriirio ni mbura nene iria iraurire mwena ucio. Kieha na kimako nicio ciyurite itura-ini ria Kongoni mwena wa Naivasha  aikari magicakaya gikuu kia andu atatu aria ni […]

Kieha iguru ria kingi:, Muriithi akua ki ona muriu atari muthike, Kirinyaga?

Borithi mwena wa Kirinyaga nimambiriire  uthuthuria wa kumenya kiria kiracungiriirie kuragwo gwa karani umwe wa igoti ria Murang’a, mucii-ini gwake itura-ini ria Gitumbi, Kirinyaga ya gatagati. Kurerikana Muriithi wa Muchiri, aroragirwo o riri macakaya ma mwana wake marathiaga na mbere. Maya nimo matigari ma nyumba ya karani umwe wa igoti ria Murang’a Muriithi wa Muchiri, […]

Ugendi kuriruka makiria ihinda-ini riri ria maambura ma Easter, Mombasa

O kahora bururi wa Kenya urathii ukinenehagia namba ya agendi kuuma guku bururi-ini. Riri mambura ma Easter marathii na mbere, mikawa miingi mwena wa Mombatha iihuire agendi kuuma icigo itiganiite cia guku bururi-ini, undu uria wirikanite ni ucangiire haraya hari gukiria sekta ino, iria yahanite ta ingithingithio ni uhaguku wa ugitiri na wagagu wa ithurano […]

Ugwati uria ugumiire akenya makiria ya mirioni imwe

Makiria ma andu mirioni imwe guku bururi-ini nio mari hatika-ini nene ya ng’aragu. Kuringana na ngwataniro ya IGAD, unyihu wa irio werekeire kwiha makiria ihinda-ini ria mieri iri yukite, angikorwo mbura ya kimera giki iguthii na mbere kuregera iguru. Kaunti ikumi na ithatu nicio ikuhutio makiria ni ng’aragu ino. Kuringana na riboti iri irekereirio ni […]

Mangabana 4 gukaya ng’aragu

Mangabana a Laikipia, Embu, Kitui na Makueni ni maikitie ihoya ria uteithio wa irio kuma kuri thirikari nene thutha wa ng’aragu iria igumiire kaunti ciao. Mangabana aya maugite aikari a kaunti icio ni mahutitio hanene thutha wa waagi wa mbura kuruga imera igiri irumaniriire na no mararongoreria ihoya riao kuri ikundi itari cia githirikari. Kuringana […]

Thogora wa irio kwambatira, akenya guthii nambere na kuhinyiririka

Thogora wa muturire uguthii nambere kwambatira, kurumirira kuongerereka gwa thogora wa irio thoko ini itiganite. Nitugucerete thoko-ini ya Limuru na Kiambu na thogora wa indo itiganite cia kuria no urathii nambere kwambatira. Thutha wa ruhonge rwa riera guku bururi-ini kuuga mbura ya kimera iria iratanyitwo kwambiriria yaya kwaga kuura kana icererwo, nao akenya noguo marathii […]

Rugendo rwa kunyitithania bururi rukirie kurika!

Kamiti ya uiguithanio wa bururi, irorete kurikia  kuhungura kaunti-ini ciothe muoroto-ini wa gukinyaniria itanya ria president Uhuru Kenyatta na mutongoria wa ODM Raila Odinga ria kunina ngahiha cia ki uteti. Gukinyagia riu kaunti 32 nicio ikinyirituo, mubango-ini uria uroneka gutungio ciuria ni atongoria amwe. Rugendo rwa kurehe bururi hamwe thutha wa kugagayukanio ni  ngahiha cia […]

Gikeno kia arimi a thamaki, Nyeri

Githinjiro gia thamaki kia Wamagana county ya Nyeri riu kiambiriirie kurutithio wira. Wira githinjiro-ini kiu ukoretwo urugamite thutha wa ngucanio cia utongoria wa thathaiti ya arimi a thamaki. Akihingura githinjiro kiu ngabana wa Nyeri Mutahi Kahiga ni oritie arimi mandandure urimi makiria ma uria mamenyerete. Ni kiganda ini gia thamaki kia Wamagana,  kiria giakirwo ni […]

Akenya kuhimbiria taritari cia nginyira na akala

Taritari muthemba wa nginyira na akala ciikiragwo muno ni nduriri iria ihimbiirie uriithia wa mahiu no riu akenya aingi nimahimbiirie taritari ici kuona ni ihuthagia mithiire ya thabari cia maguru. Onjoria a iratu ici nao, ni mathundurite njira itiganite cia guthondeka tari tari ici undu cingiguciriria aguri na njira nene. Iratu ni imwe cia mihumbiire […]

Aini a Mt. Kenya kwiyukiriria

Aini kuuma gicigo kia Mt. Kenya nimoritio matigatue sacco yao ya ngombo, no mamitwe ya gwikuria na mitaratara itiganite, niguo gwithema na kumomoka gwa sacco ino. Ni ihoya riikitio ni ngabana wa Murang’a Mwangi wa Iria, akiuga sacco nyingi ciramomoka na andu makamenana niundu wa ngombo iria ciagaga kurihwo. Ngabana wa Murang’a Mwangi wa iria, […]

Mwana umwe kurengwo guoko na ungi kuguru gugikuuo ni ‘njanjo itari nginyaniru’, Kiambu

Bamiri igiri mwena wa Kihara kaunti ya Kiambu niicakaite, thuutha wa mwana umwe kurengwo kuguru na ucio ungi guoko, kuumana na kiria kuratuika ni njanjo itari nginyaniru. Kuratuika ciana ici cieri ciarigitiirwo thibitari wa Kihara uria uri rungu rwa thirikari ya Kiambu.  Ministry ya ugima wa mwiri niyambikite uthuthuria wa kumenya nikii kiariire kingi urigiti-ini […]

Ihuhukanio iria igumiire matereba a taxi cia tene

Kuhimbirio kwa ngari cia nenda-ini gwatigire matereba a taxi cia tene hatika-ini ya guthira kwa biacara ciao, kumana na uhuthu wa ukuui uria warehirwo ni ngari ici. No ona thengia wa macindano maya, matereba a tene a taxi nimahotete gwitiria ona gutuika marauga merugamitie na kwihinyaniriria kunene. Gatagati ka mucii wa Nairobi turacemania na Peter […]

Ihoya ria kurumbuiya ciana iria iri na murimu wa cukari

Thirikari cia matuura niciuritio kuhimbiria uheani wa ndawa muthemba wa insulin na ingi cia kurigita murimu wa cukari niguo guteithia ciana iria cikoragwo na murimu uyu. Ihoya riri riikitio ni murugamiriri wa gikundi kiria githaitagira murimu wa cukari guku bururi-ini Eva Muchemi hindi ya uheani wa motungata mao kaunti-ini ya Naikuru. Ciana makiria ya mirongo […]

Makaya ma onjoria a thoko ya Witeithie aria marahoya marekwo meteithie

Onjoria thoko-ini ya Witeithie kaunti-ini ya Kiambu  ni mareganite na riendekithia ria kumeheria kuuma haria matwarirwo riria meheririo mukira-ini wa barabara waki wa ndaraca ya maguru wambiriria. Onjoria aya marathamiirio thoko-ini iria makiirwo ni thirikari ya kaunti ya Kiambu makiuga matingiiganira, kuona ni aingi gukira muigana uria thoko ino ibangiirwo. Kwa ihinda iraya onjoria aya […]

Uici wa cuma cia waaki wa reri ya SGR kuongerereka

Aikari a Maai Mahiu hamwe na Suswa, nimareganite ni riboti cia borithi ati nimaraiya cuuma cia reri ya SGR. Aikari acio maugite wiici ucio warehirwo ni aruti a wira a reri iyo. Makiria ma gicunji kia mirongo kenda kia reli iyo nikirikitio. Kuuma ng’ongo na ng’ongo, guikuruka mikuru na irima, reri ya SGR  ironekana ta […]

No mutangatange mutari na arangiri!…Ateti amwe a mwahu wa tangatanga kuehererio arangiri ao

Mwaria wa mbutu ya borithi Charles Owino augite arangiri a ngabana wa Kiambu hamwe na arangiri a ambunge angi atatu ti kweherio meheretio wira indi nigucenjanio ta uria mutaratara wa urangiri wendekithitie. Kuuma muthenya wa ira atongoria aya matikoretwo na arangiri, makiuga gutiri gitumi mahetwo gia gutunyukithio arangiri ao, no marahurwo ni mirugamo yao ya […]

Aici matari na thoni kuria mararuga, makaria na gukua, Naivasha

Ciiko cia uhaguku wa ugitiri ituura-ini ria Kayole mwena wa Naivasha ni ikoretwo ikiiga aikari na waagagu makiuga ati kwa ihinda ria mieri itano mihituku micii 10 mwena ucio ni irikitie gutharikirwo na eene makagurario. Riu aikari a ituura riu nimarooria ministry ya ugitiri kuruguria ceceni ya borithi iria yakirwo mwena ucio na ikirika miaka […]

Uhenania mubange githurano-ini kuhithurwo, Kirinyaga

Kiama kia ahuri a biacara kaunti ini ya Kirinyaga kiria gitanyitwo gutabania githurano giakio kiumia giukite, nikirutite mukana kuri andu marekuo guthondeka certificate cia ngungo kuri andu matari ahuri biacara, iria marabanga ikahuthika guikia kura githurano-ini kiu. Mukariri giti wa kiama giki kia ahuri biacara mwena wa Kirinyaga, arauga nimambiriirie gwikua kuri na turia nime […]

Aruti wira ruhonge-ini rwa ugendi kumurikwo gatagati ga bururi

Anyiti itemi matiganite ruhonge-ini rwa ugendi kuuma gicigo gia gatagati ga bururi, nimagite na giikaro gia kwaririria uria mangiararamia ugendi gicigo-ini giki.  Anyiti itemi aya marauga kiambiriria gia kuguciriria ageni guku ni gutigirira andu aria maramatungata nimakinyaniirie ikiro iria ciagiriire sektani ya ugendi hari utungata wa agendi. Iguciriro cia agendi itiganite iria iri gitaru-ini gia […]

Thuguri ya ngari kwaga mucamo guku bururi-ini

Nguui niiratuthukire mucemanio-ini wa amemba a ngwataniro ya Kenya Auto Bazaar na maabithaa a ministry ya uthunduri na iganda, hindi ya mucemanio uria uretiitio niguo kuiguanira mogaruruku maria maragathikwo thuguri-ini ya ngari kuuma nja wa bururi. Amemba a  Kenya Auto Bazaar nio marathararirie mucemanio uyu, makiuga matioririo mawoni mao hindi ya kwandika mogaruruku maria makuhutia […]

Murang’a no nugu tu iramagaagia na kuhakura mahiu mao

Aikari a Kabuuta gichigoini kia umbunge gia Kiharu kaunti-ini ya Murang’a, nimarigitwo ni wagwika thutha wa gutura magagagio ni nugu iria ciumaga mutitu wa Kiamuuti na gutharikira migunda hamwe na mahiu maao. Maugiite riu matiri na wagwika tiga kuuraga nugu icio angikorwo ruhonge rwa kurumbuiya nyamu cia githaka rutigutacukia ikinya ria naihenya. Githaka-ini kia Muuti […]

Kuri na mbuu kiama-ini kia Jubilee.

Atongoria a mwahu umwe kiama-ini kia Jubilee riu maugite nimekuhamurithia mwandiki munene wa kiama kiu Raphael Tuju, makiuga ararutithania wira na atongoria a kiama kia mung’ethaniro gwaturania kiama kiria kirathana na matikumuitikiria. Maroria kiama kiu gitabanie ithurano njeru, ndeto ino igiuka o riri kiama kiu githiite nambere gwaturanio ni kiria amwe a atongoria marauga ni […]

Iheo mama gutwarwo Kirinyaga ni iNooro FM kihitahitano-ini kia Jipange na Viu-Sasa

Ceceni ya iNooro FM muthenya wa ira iratwarire nduumo ya jipange na Viu-Sasa mwena wa Kirinyaga kuria aikari a Ngurubani, Kagio na matura matiganite maragiire na mweke wa gucemania na amemerekia a ceceni hakuhi nawe, iNooro FM. Mwago uyu, niwaguthing’iriria muingi ndukahitukwo ni ibindi cia guthomithania, gucanjamura na gutarana iria mundu angiyonera thiini wa Viu-Sasa, […]