Category Archives: news

Ndumiriri ya kwendithiria akenya thiguku njega kuma kuri President Uhuru na Fisrt Lady

President Uhuru Kenyatta na First Lady  Margaret Kenyatta  nimendithiirie akenya  mahinda  mega hindi ino ya mambura ma thigukuu. Riria akenya mari mihang’o-ini ya guthii  miena itiganite ya bururi na gukunguira  thigukuu na njira ngurani,  President  Uhuru Kenyatta   ari  mwena wa  gicua-ini kuria arathiire muthenya wa ira  akihuthira mugithi wa SGR. President  niaragiire na ihinda ria […]

Njuragano cia unyamu, Kisauni-Mombasa

Andu atatu ni mooragirwo na njira ya unyamu thutha wa kuhithukirwo ni mbatuni ya ekinai itura-ini ria Zimalati mwena wa Kisauni county ya Mombasa. Munene wa borithi gicigo-ini gia Kisauni Sangura Musee augite ekinai acio mekwihumbikite mothiu mao magitabania ngero iyo ya utuku wa gukia umuthi. Andu angi ana aria maguraririo maratangikirwo thibitari-ini nene ya […]

Atongoria kwariria atwarithia a nduthi nigwo meteithie na matherie ritwa riao guothe bururi-ini

Atwarithia   a  nduthi  mwena  wa  Malindi  moritio  guthondeka  na  kwandikithia  gikundi  niguo  mahote  kwamukira  motungata  makinyaniru   kuuma  kuri ruhonge rwa ukuui. Mumbunge wa Malindi  Aisha Jumwa  niwe umoritie kwiyandikithia  na gwithema  na guoko kwa watho mahinda mothe. Araragia na atwarithia a  nduthi   riria  aragiire na giikaro nao ira. Mubunge Aisha Jumwa arari na ihinda ria […]

Kieha kugumira bamiri imwe, Thika

Kieha nikigumiire bamiri igiri kuuma ituura-ini ria Kisii mwena wa Thika counti-ini ya Kiambu, thutha wa ciana ciao igiri gukwira irimaini ria maai. Ciana icio cia airitu a ukuru wa ukuru wa miaka 13 na 11, kurerikana iraguire irima-ini riu cigitega thamaki. Riu akari a ituura riu nimoritie honge iria irumbuyanagia na maria maturigiciirie, guthika […]

Mutumia kuuragwo na mwiri wake gutiganirio, Limuru

Kurokire kieha na  hahu  mwena wa Limuru  thutha wa mwiri wa mutumia umwe gukorwo utiganiirio mukira-ini wa barabara hakuhi na kiganda kimwe kia iria, tauni ini ya Limuru. Mwiri ucio uma na nguraro ngingo gukirikana ati mutumia ucio arakuirwo ni mutwarithia wa nduthi utaramenyeka kuuma  thitinji ya mbathi  ya Limuru. OCPD wa Limuru  Esther Githure  […]

Tariki cia kuhingura cukuru gucenjio

Thirikari niyaniriire  gucenjia tariki cia kuhingura cukuru ciothe cia muthingi, secondary, na ma-college  ma guthomerwo urutani niundu wa term ya mbere ya mwaka wa 2019. Marua-ini  maria  mandikitwo ni ministry ya githomo, tariki  cia kuhingura cukuru icenjetio kuuma tariki  2 january nginya tariki 3 niguo kuhe mweke arutwo na arutani  aria   magakorwo macerete  miena  itiganite […]

Ciana cia ndigwa, andu akuru kuheo thiguku ya christmas, Gilgil

Thiguku  ya  Christmas igithii na mbere kunyita thing’a, mwena wa Gilgil county-ini ya Nakuru gikundi gia ciana cia ndigwa itanyihiirie 60 na gikundi kia andu akuru, niiratugirwo na iheeyo cia christmas. Ikundi ici cieri ciamukirite iheo kuma kuri andu a wendi mwega aria maramacererire na kumatuga. Gikundi gia ciana ciandigwa kia Leleshwa mwena wa Gilgil […]

Macambiki a ngogoyo guteitheriria muini wa nyimbo cia tene, By-Law

Macambiki a tabarira ya ngogoyo iria ikoragwo ceceni-ini ya Inooro fm,  nimaracemanitie guteithiriria umwe wa aini a nyimbo cia tene uikaine ta By-Law. Macambiki aya maratongoretio ni ngabana wa ngogoyo Kamau wa Kang’ethe uria urehaga tabarira io. By-Law akoretwo agithumburwo ni murimu kwa ihinda. Mashambiki aya aria mararehetwo hamwe ni wendi wao wa nyimbo cia […]

Hathara ya mwaki, Mau Summit

Andu eri ni makuire thutha wa nyumba kihiiri kuhobanirio ni ninimbi cia mwaki itura-ini ria Karunga mwena wa Mau Summit thiini wa county ya Nakuru. Aikari a itura riu maugite mwaki ucio ututhukire kirabu-ini kimwe utuku wa gukia umuthi na wathegea na gucina nyumba ithathatu iria irigainie. Muikari wa itura riu Jane Chepkurui  na njira […]

Makiria ma mirioni 10 gucenjana munanda-ini wa mahiu, Kimalel

Uteti wa mwaka wa 2022 niguo uthamakire thoko-ini ya o mwaka ya munanda wa mburi mwena wa Kimalel kaunti-ini ya Baringo.Mbatuni iria inyitaga mbaru munini wa president ndagitari William Ruto itwarire urugari wa uteti muromo-ini kwa Gideon Moi, ikimwira ati wathi wake wa uteti ti mukinyaniru wa kuhumania na Ruto. Muthenya umwe tu thutha wa […]

Mutaratara mweru wa githomo no ukuhithika!

Mutaratara mweru wa githomo ugakinyanirio mwambiririo wa mwaka turorete. Kuringana na ndumiriri iria irekereirio kuri   nyumba  cia mohoro ni minister wa githomo Amina Mohammed, yugite mutaratara ucio ukwamba kugomanio kuri arutwo a nathari nginya kirathi gia gatatu. Marua macio mathiite na mbere gutariria ati arutwo a kirathi  gia kana makambiriria mutaratara  ucio mweru mweri wa […]

Murutwo guthikwo ira guku moimirira makirekererio, Gilgil

Ona arutwo magikunguagira moimirira ma kigeranio gia KCSE, family ya murutwo umwe kuuma mwena wa Gilgil kaunti-ini ya Nakuru iihuritwo ni ihoru. David Gichuki Maina ekire kigeranio thibitari, thutha wake kugumirwo ni murimu wa kwaga thakame. Gichuki arathikirwo ira, muthenya uria moimirira ma kigeranio gia KCSE  mararekereirio. Wandi ikumi na ithathatu thibitari-ini ya Nairobi Hospital […]

Andu 18 gukua mitino-ini ya barabara Isiolo-Marsabit na Webuye-Eldoret

Andu ana nimakuite  mutino ini wa barabara mwena wa Archers Post, barabara-ini ya kuuma Isiolo- Marsabit. Mutino ucio uhanikire mathaa  ma kiroko  riria matatu iguthiaga  Isiolo  iguthanire kiongo gwa kiongo na rori iguthiaga Marsabit. Nakuo mwena wa Kakamega, andu aria marakuire mutino-ini wa ira nimongererekete  nginyagia 14. Mutino ucio urahanikire barabara-ini ya kuuma Webuye guthii  […]

Ekuirwo a njama cia uici guikio ngono, Kwale

Ekuirwo 2  nimaikitio ngono kaunti-ini ya Kwale  magituika nio makoretwo makiagagia  agendi miena ya Diani na Ukunda.Hindi o iyo, abithaa a borithi nimanyitire mucinga umwe,  hiu  na nguo  cia  borithi iria kurekuirwo  marahuthagira  hindi ya  njama  ciao cia wikinai. Akiruta riboti iyo kamicona wa Kwale, Ngumo Karuku augite ati ekuirwo aya nimakoretwo magithagathagia thayu wa […]

Arutwo 2 marekire kigeranio gia KCSE kwiyuraga

Arutwo eri ni meyuragite na njira ya kwiita thutha wa kwaga kwandikithia maumirira maria maratanyaga ma igeranio cia kirathi gia form four KCSE. Murutwo wa mbere areyuragire hwai mwena wa Nyamache thiini wa county ya Kisii ihinda inini thutha wa kwamukira maumirira make. Cibu Meshack Nyang’ara wa itura ria Bokomweri kuria murutwo ucio aumite augite […]

Uhotani wa Alfred Mutua, Martin Wambora, Salim Mvurya, Alfred Keter gukindirwo, wa mumbunge Chris Karani guteyanirio

Uhotani wa Ma-Ngabana Alfred Mutua wa Machakos na Salim Mvurya wa Kwale hari ithurano nene cia mwaka muthiru ni ukindiritwo ni igoti ria ngathi ya iguru bururi-ini ria Supreme. Ngabana Mutua ahotanire cira uria ararugamitie agitetia itua ria igoti ria gucokia cira riko riria riamutunyukithitie uhotani hau kabere cira-ini uria warugamitio ni mung’etheri wake Wavinya […]

Mbaara ya nyamu cia githaka na andu, Laikipia

Atongoria  a kiuteti kaunti-ini  ya Laikipia nimamenereirie  ruhonge ruria  rurumbuyanagia na nyamu  cia githaka  KWS  makiuga  ruhonge ruu nirutiganiirie  aikari a  Laikipia  aria makoretwo makinyamario ni nyamu cia githaka. Seneta  wa Laikipia na ambunge eri mararagia igongona-ini ria mathiko ma muthuri umwe wa miaka 71 uria wahithukiirwo ni njogu gwake mugunda. Kuragwo  ni njogu  kwa […]

Mutino wa mwaki, Ichuga Nyeri

Makiria ma bamiri 20  kuuma ituura ria   Ichuga kaunti-ini ya Nyeri, itigitwo itari na uikaro thutha wa nyumba ciao gucinwo ni mwaki. Aikari nimaroria thirikari ya kaunti ya Nyeri imateithiririe na ngari cia kuhoria mwaki niguo riria mitino ta ino yaumira, makahota kuhonokia indo ciao. Gutiri mundu uragurarire mutino-ini uyu ona gutuika aikari matinahota kuhonokia […]

Atumia a ndigwa kuumaniriria unyitaniri-ini wa mwanya, Kiambu

Gikundi kimwe gia atumia mirongo inana a ndigwa kuuma ituura ria Gitwamba  kaunti ya Kiambu nimacokaniriire gwikirana hinya na gwikuria, na njira ya guthondeka indo itiganite iria macokaga makendia. Atumia aya maugite gucemania kuu kwao nikumahotithitie gwitiiria kieha kia mauritu maria mageragira kuuma athuri ao makua, na oho gwithukumira uboco wa omuthenya. Ituraini ria Gituamba […]

Uhotani ni wa Ann Waiguru, igoti gutuithania cira wa ungabana, Kirinyaga

Mutongoria wa kiama kia NARC Kenya Martha Karua niehotorete guthii igoti-ini itugiru, thutha wa cira wa kuregana na uhotani wa ngabana wa Kirinyaga Anne Waiguru guteyanirio ni igoti ria gucokia maciira riko.Igoti riugite no nginya Karua angionania hatari nganja ati kwari na mahaki maheanagwo niguo guthingithia githurano kia ungabana county-ini ya Kirinyaga mwaka ucio urathirire.Itua […]

Thirikari nene kurugamia umomori bururi-ini

Thirikari nene riu yathanite kurugamio kwa umomori o wothe wa nyumba guku bururi-ini. Riboti iria itumitwo nyumb-ini cia mohoro ni munene wa aruti a wira wa muingi Joseph Kinyua yugite ikinya riri riukite thuutha wa giikaro gia thirikari na anyiti itemi ruhonge-ini rwa waaki.Arataariria aria maramomoreirwo nyumba muthenya wa ira mwena wa Nyama Villa no […]

Marakara ma arutani

Mathomo thukuru-ini cia muthingi maya gukahotoma kiambiriria-ini kia mwaka mweru, thutha wa ngwataniro ya kuhuranira ihoto cia arutani, KNUT, kuruta mukana wa gukagomera wira, wona mateta mao maaga gukorwo makinyaniirio ni komiconi ya TSC. Arutani aya nimakumithitie komiconi iyo, makiuga ikoretwo ikiruta mitaratara iragagagia arutani na mutaratara wa mathomo bururi-ini.

Ngucanio iria-ini ria Naivasha

Kamiti ya migunda bururi-ini niguthurima na kuruta mwerekera wa mihaka ya iria ria Naivasha gwa kahinda ka ciumia igiri ciukite, thuutha wa ndugamano iria ikoretwo kuo gatagati ka ategi a thamaki na onjoria a tiri.Muikariri giki wa kamiti iyo Mohamed Swazuri niwe wiraniire ikinya riri, thuutha wa kwamukira makaya ma ategi a thamaki kuuma mwena […]

Aikari gutetio ni giko, Kiambu

Onjoria tauni-ini itiganite kaunti-ini ya Kiambu nimarateta niundu wa giko kiingi  kiri ciara-ini na matangi-ini, kiria marauga gikoretwo gitekurogotwo kwa ihinda ria mweri umwe muhituku. Ria marutagira wira gukuhi na kuria giko giki kiri ona matikoretwo magiikara na thayu kuumana na muruki muuru. Uu ni  thengia wa  wa ngabana Waititu kuruguria rori cia kungania giko. […]

Itu ria ndogo ya maithori ya cuba cia njohi, Kandara-Murang’a

Aikari a ituura ria Riandegwa mwena wa Kandara ni macaite kwagithio thaayu ni ndogo njuru iria iraumana na kiganda kimwe mwena ucio, kiria kirutaga wira utuku wa gucina cuba cia njoohi makiuga ugima waao wa miiri uri hatika-ini. Mihang’o ya gucina cuba ici ihanikaga utuku riria andu makomeete, na undu wa kumakania ni ati aikari […]

Kugacirithia githomo, Nyandarua

Thirikari ya county ya nyandarua niikindirite mubango wayo wa kugacirithia githomo na njira ya guteithiriria ciana iria njugi na iria ciumite bamiri-ini citehotete hari kuriha bithi niguo gukinyaniria cioneki ciao. Akiaria ari mwena wa gicigo kia umbunge kia ol-joro orok na milangine hindi ya kuruguria itina ria keeri ria uheani wa bursaries, ngabana wa nyandarua […]

Haria uthuthuria wa gikuu kia Wahome Gakuru ukwambiriria

Itua ria guthuthuria weru mutino uria wacungiriirie gikuu kia ngabana wa gatatu wa kaunti ya Nyeri Wahome Gakuru, uguuritie kironda riu kironekana ta gikoretwo gikiimbirira o gwatuka ngoro-ini cia andu a Nyeri. Uthuthuria ucio uria ugukorwo ugitongorio ni igoti ria Nyeri wirigiriirwo kwambiriria tariki ikumi na ithathatu mweri turorete na aikari a Nyeri meerite Inooro […]

Mawatho ma atwarithia a boda boda

Atwarithia a nduthi riu no mahumuke kwa ihinda, thutha wa thirikari kuongerera ihinda riria yaheanite riao gukorwo mahingitie mawatho matiganite..Kwambiriria mweri wa gatano mwaka ukite niguo atwarithia a bodaboda maratanywo gukorwo marungiriirie na makarumirira mawatho ota ahuthiri angi a barabara. Uhoro uyu waniriirwo ni minister wa ugitiri Fred Matiangi na murunawe wa ukuui James Macharia. […]

Umomori Embakasi gutiga andu makiria ya 6, 000 matari uikaro

Mumbunge  wa Embakasi Central  Benjamin  Gathiru akurara thiini  thutha wake  kunyitwo niundu wa kugeria kurugamia  mihangó ya umomori  wa nyumba  mwena  wa  Nyama  Villa, ituura ria  Kayole, Nairobi. Kurumirira umomori  ucio,  makiria ma andu 6,000  matigirwo matari na uikaro. Kurokire  gicanjama  mathaa ini ma kiroko, riria  matinga matano makinyire guku meharirie kumomora micii itanyihiire magana […]

“Cokiai micinga na kwaga uguo…”

Munini wa kaunti commissioner wa Limuru David Kiprop niaheanite mukana wa kiumia kimwe kuri ekinae mugwanja aria moragire mwonjoria umwe wa town ya Limuru gucokia mucinga uria menaguo mugaru na watho. Kiprop augite wona maaga gukorwo macoketie mucinga ucio gugikinyiria muthia wa kiumia giki megukorwo makiumbuthurwo kuuma imamoini ciao. Ekuirwo aya marerikana gukorwo makiuma kauty […]