Category Archives: news

Maundu kurituhira Waititu guku akihithukirwo ni EACC

Ngabana wa Kiambu Ferdinand Waititu ni akinyitio mbere ya wabici cia komiconi ya kurua na ungumania EACC, gukiirikana arathuthurio iguru ria uhuthiri muuru wa mbeca cia kaunti ya Kiambu. Maabithaa a uthuthuria marokire gwika birigiceni mucii kwa Waititu mwena wa Runda guku Nairobi, na nyunmba-ini yake iria iri mwena Garden Estate thima gutiri kuramenyeka nikii […]

Ukuui gutharara ngucanio-ini ya athii, Laikipia

Ngucanio gatagati ka ene ngari cia matatu  na aria makuaga athii na  ngari cia sienta na  probox  mucii wa Nanyiki no irarikira, makigucaniria ruti cia gutwara athii. Umuthi maabithaa a borithi mahuthirire hinya gutuithania ngucanio ino. Ngarari  cia ukuui  wa muingi mwena wa Nanyuki  niicokereire  thutha wa ene ngari cia  sienta, guthararia mihang’o  makienda matatu  […]

Ngabana Mutua: Aungumania a gicanjama kia Gold nimacirithirio Dubai!

Ngabana wa Machakos Alfred Mutua endekithitie aria othe mahutanitie na wendia wa thahabu cia mathaara mathitangirwo Dubai. Mutua augite ikinya riu norio ringiteithereria kunina uici ucio, kuona makinya ma narua ma kiwatho nimoyagirwo aria manyitikana na mahitia kuri guku bururi-ini. Akiaria wabici-ini yake Mutua  augite kihoto nokioneke naihenya kuri guku bururi-ini, na matingikorwo na mueke […]

Urimi na wendia wa nguku cia kienyeji ikambaini

Arimi a nguku cia gicenji kuuma kaunti cia ikamba-ini ni mataritwo moke hamwe na mathondeke ikundi iria ingimahotithia gutheremia biacara ino ya wendia wa nguku mwena ucio. Murugamiriri wa kabuni imwe ya uthondeki wa irio cia nguku kuuma mwena ucio ougite guthondeka ikundi ici niguguteithiriria arimi aya na njira nene kuona kuumana na ikundi ici […]

Urimi wa waru riu niukigia cama

Arimi na endia a waru guku bururi-ini maribataraga kwiyandikithia na thirikari, kuringana na watho mweru wa mwaka wa 2019. Watho uyu ningi niuguteithiriria arimi, kwendia waru ciao na githimi gia kiro 50, gukiringithanio na hau kabere kuria arimi makoretwo makihinyiririo ni mburuka na onjoria angi aria makoragwo gatagati ka arimi na aguri a muthia. Ikaya […]

Ekinai kumurikwo Kiandutu ni Ali Nuno, kamanda wa borithi, Kiambu

Komanda wa borithi mwena wa Kiambu Ali Nuno ni ahete mukaana aria makoretwo magithagania njama cia wikinai gicagi-ini gia Kiandutu na matuura maria marigiciirie gucokia micinga iria makoretwo meegwatiire. Nuno aheanite mukana ucio hindi ya mucemanio na atwarithia a bodaboda aria onao mahetwo mukana wa gutwarithia nduthi mathaa ma utuku. Njama cia wikinai iria ikoretwo […]

Aikari arakaru a Karimenu kuumururuka mucemanio-ini

Mucemanio wa aikari a matuura maria marahutio ni waki wa ndemu ya Karimenu, niurathararire thutha wa aikari kuumururuka mucemanio-ini ucio. Aikari aya aria ni amwe tu a aria matarihitwo kuuma matura ma Kiriko, Kanyoni, Buana na Gathanji marauga marekuua gukungirio waara marihi-ini ma migunda yao. Mucemanio wa ene migunda ino aria matarihitwo mbeca ciao, urabangitwo […]

Mawatho ma thoko ya makorobia ma Kenya na China

Thirikari  niyuritie  arimi  anini a makorobia  kwiyandikithia na thothaiti cia urimi wa  matunda macio  niguo mateithike wendia-ini wa magetha  mao nja  ya bururi. Riendikithia riri  riukite thutha  wa  arimi anini kuuga mawatho na mitaratara iria  thirikari  ya China iheanite  ngirimiti-ini njeru ya  thuguri ya  makorobia yahota kumagithia  mweke wa kwendia matunda mao. Ona thengia ya […]

Timu ya Kenya ya Malkia Strikers(Volleyball) gukenga

Timu ya airitu ya mubira wa Volleyball niyo Malkia Strikers niyanjiriirie ngucanio cia kwigwatira tigiti wa ngucanio cia volleyball cia gitaru kia Africa na kuhota ngucanio ya mbere . Malkia Strikers maratharikiire timu ya  Rwanda na seti 3-0 cia 25-10, 25-17, na 25-10 na kwanjiriria ngucanio ici weega. Timu ya Uganda iratharikiire timu ya Ethiopia […]

Gikuu gia kiriga cukuru-ini wa airitu, Nyeri

Bamiri imwe kuuma mwena wa Ihururu Nyeri o undu umwe na cukuru wa airitu wa Bishop Gatimu Ngandu, metereire uthuthiria wikwo wa kiria kiracungiriire gikuo kia murutwo wa form 2 ari nyumba-ini ya toro. Murutwo ucio arakorirwo ari mukuu mathaa-ini ma thaa ikumi na nuthu cia hwai-ini muthenya wa kiumia. Thutha wa kwamukira riboti ati […]

Mburoti ni maguta maguta thutha wa Rumuruti kuhumbwo uthiu mweru, Laikipia

Onjoria na aigithia a migunda ni mongererekete  mwena wa Rumuruti kaunti-ini ya Laikipia riri wabici   cia thirikari ya kaunti  cierekeire guthamirio mwena ucio kuuma tauni ya Nanyuki.  Aikari marehoka  wabici icio  ni ikumatwarira uthii wa na mbere ta uria wanjiku wa kimani aratariria. Mubango wa  guthamia wabici cia motungata ma muingi kuuma tauni ya Nanyuki […]

Aikari gukaya nyota, Segera-Laikipia

Aikari a itura ria Nyakumu mwena wa Segera kaunti-ini ya Laikipia nimaikitie ihoya kuri thirikari ya kaunti iyo makiuria irutithanie wira na thirikari nene niguo imakire ndemu iria ikumateithiriria kunina thina wa maai uria umagumiire. Aikari aya maugite makoretwo magithinika niundu wa wagii wa maai mwena ucio na njui iria merigiriire niciambiriirie kuhua kuumana na […]

President Uhuru guceera Rwanda iceera ria thiku imwe

President Uhuru Kenyatta ni aumagarire guthii bururi wa Rwanda icera-ini ria muthenya umwe mucii-ini wa Kigali, kuria ekwariria anyiti itemi kigomano-ini kia  mwaka uyu gia Transform Africa. Kigomano giki kiria gigatirihwo jumaa yukite, kirongoreirie kwaririria mitaratara ya  kwandandura wonjoria wa gitaru kia afrika kugerera mitambo ya kiriu hamwe na kumurika mihinga iria ikoretwo ikigumira uhuthiri […]

Abithaa wa njera kuragwo na njira ina kiriga, Murang’a

Abithaa umwe njera-ini ya murang’a ni akuite na njiira ya kuuragwo na guthecangwo na kahiu ituura-ini ria Kiharu hakuhi na town ya Murang’a. Kurerikana abithaa uyu ndanaingira wira, na umuthi ruciini mwiri wake wakorwo gitanda-ini uri na nguraro njuru. Nyumba-ini ino ituura-ini ria Kiharu nja wa jeela ya Murang’a, nikuo giiko giiki kia magigi kiratuika […]

Utana wa Uplands-Lari kuri ministry ya maundu ma nja wa bururi

Itemi-ini ria gukinyiria gicunji gia 10% kia mititu guku bururini, miti makiria ma mbirioni imwe gaturumo inyanya no nginya  ihandwo. Ministry ya maundu ma nja ya bururi ni igaiirwo gicunji kia mugunda wa mutitu wa Uplands, Lari kiria ikuhanda na kumimenyerera. Barothi 15 kuuma mabururi matiganite ni maranyitaniire kuhanda miti mutitu-ini uyu oriri mbura yanjiriirie […]

Kamuingi koyaga ndiri; Aikari kwiyakira ndaraca, Muramati Laikipia

Aikari kuuma mwena wa Muramati gicigo-ini kia umbunge kia Laikipia ya rugongo ni magomanite kwiyakira ndaraca iria ituikite gitango kuri o. Aikari aya aria maugite thirikari ya county ni yagite kumarumbuiya, riu meyoeire wira uyu moko-ini mao, kuona  makiaga mautungata ma bata maria mamukagira murimo uria ungi kumana na waagi wa ndaraca. Aikari a kuuma […]

Raila “kuregwo” ni aikari a Kisumu iceera-ini riake mwena ucio

Mutongoria wa kiama kia ODM Raila Odinga arari na ihinda iritu kuiguithia gicunji kia aikari a kaunti ya Kisumu bata wa mubango wa thirikari nene wa gwaka mucii wa kiganda mwena wa Muhoroni,  uria wirigiriirwo kwarahura kaunti ino na kuheyana mawira. Raila aratinirie ndumiriri yake kwa ihinda thutha wa andu amwe kururungana magitetia mubango uyu […]

Sylvia Wangechi ariku? Kiriga gia kuura kwa murutwo wa miaka 16, Thika

Kiriga ni kirigiciirie riboti cia kuura kwa muiritu umwe, uria ithe arauga orire ari moko-ini ma borithi cia AP mwena wa Kimuchu, Thika kaunti-ini ya Kiambu. Sylvia Wangeci arerikana atwaritwo borithi iri ta njira ya kumuhahura niguo ataririe kuria aari, thutha wake kuura kwa ihinda ria ciumia igiri. James Mungai arauga ndoi thayu nikii. Kwa […]

Maundu matirathii wega bururi-ini

Ngwataniro ya athikabu a kanitha wa gatoreki bururi-ini niyumirite na  kuruta murugamo wao  iguru ria maundu  maria makoretwo magithii na mbere bururi-ini. Kuringana  na  athikabu aya ungumania  nikio kihingica  kinene kigumira   bururi   na makoria  thirikari kwiribariba mihang’o ini ya kuuhukia. Maundu maria makoretwo magithii nambere bururi-ini nimo mahinyiriiire  athikabu kanitha-ini wa gatoreki kuigua  makihiahia na […]

Mabithaa 41 a KRA guikio ngono magicukirwo gukungia waara ungania-ini wa magoti

Aruti wira 41 a ruhonge rwa ungania wa magoti KRA nimaikitio ngono ni ruhonge rwa uthuthuria wa ngero cia wikinai, makirikana gukoretwo mari njama-ini ya gukungia waara ungania-ini wa magoti. Ekuirwo aya ni gatagati ka mirongo inana aria munene wa thitango cia muingi Noordin Hajji athanite mathuthurio, na gukinyagia riu KRA niirugamitie aruti wira ake […]

Ni ya maguta kana niya bangi?

Ukuui ni wa njira nyingi.  Athii  makuagwo ni ngari cia ukui nayo mirigo igakuuo ni ma rori ona kana matinga , namo maguta ni hari ngari iria imakuaga kuma gicigo kimwe   nginya kiria kingi  ciuikaine ta tankers. No nitondu wa wara,  maundu maya mothe no magaruruke, na handu ha  ngari ya  maguta  gwikirwo maguta  kumatwara  […]

Ithurano cia ahuri a biacara, Kagio

Pharis Mugo na Mugo Kanja nio arugamiriri eru a kiama kia onjoria  ruhonge rwa kagio kaunti-ini ya Kirinyaga. Nio  magukorwo makirugamirira  ahuri biacara  mwena  ucio gwa kahinda  ka  miaka  itatu. Matanya ma onjoria  ni  ati atongoria  aya eru nimakuhota  kumateithiriria gwetha  kihonia kia mathina maria makoretwo makigerera. Kanitha-ini wa gatoreki wa Kagio, nikuo ithurano  iratabaniirio. […]

Andu 3 gukua mutino-ini wa rori igiri, Narok

Andu atatu nimakuire mutino-ini wa barabara  uria uhanikire  kiroko  mwena wa Narok  barabara-ini ya guthii maai  mahiu.  Andu angi 2 nimatigirwo na nguraro. Atatu acio makuire riria marori meeri maguthanire hakuhi na cukuru wa airitu wa Suswa. Andu aria maguraririo nimateng’eririo thibitari-ini  ya Narok kuria marathie nambere kurigitwo. Umwe wa aria maguraririo augite kwahoteka  ndereba […]

Mendekithia ma Dr. SK Macharia megii ucenjia wa gatiba

Ndagitari SK Macharia akiheana woni wake kuri kamiti ino iria inanagio ya BBI, augite gutiri gatiba ingiteithia bururi, kuona niugayukanitio na ukabira na njira nene, akiuga gatiba ndibatii gucenjio undu ikuima mukenya kihoto gia guthura atongoria aria eyendeire. Na riri kwendekithitio gatiba  igarurwo niguo gutura mieke makiria  ya utongoria iria ikunina unduriri, Dr Macharia augite […]

Mitaratara ya kunyihia gicunji kia micaara, Laikipia

Marihi ma micaara ya aruti a wira a thirikari cia kaunti, ni umwe wa mirigo iria igayagirwo kigina kinene kia mbeca cia kaunti. Kaunti nyingi ikihitukia na gikiro kinene gicunji kiria kiagiriirwo kuhuthirwo kuriha micaara. Kaunti ya Laikipia, niyariire mibango itiganite ya gutigirira kigina giki nikianyiha niguo mbeca iria nyingi ihuthike na mibango ya gukuria […]

University ya Kirinyaga, uguni munene ituura-ini ria Kutus, Kirinyaga

Kwa ihinda ria miaka miingi, tauni ya Kutus ikoretwo ikirite ki. No kuuma Univerisyt ya Kirinyaga yaakwo, tauni ino  niyagiire riri na wonjoria ukiambi gutherema na ikiro nene. Kuma kuraya miako mieru niyo ironeka  mwena wa Kutus kaunti ya Kirinyaga. Wendi witu wa kwenda kumenya niki kiracungirira miako ino mieru, nitucereire matura maria marigiciirie tauni […]

Mareferee 3 a Kenya kurugamio wira ni kwendithiriria timu imwe

Mareferee atatu nimarugamitio kwa ihinda ria miaka itatu ni kamitii ya kiama kia mubira bururini nikio FKF. Marebaree aya nio Hosea Omondi, Joshua Achilla na Collins Opiyo manyititwo na mahitia matigamite  ngucanio-ini cia rigi ya Kenya Premier na maria macungiriirie maumirira gucenjia. Achilla na Omondi marugamitio guthakithia imera ithatu cia rigi ya KPL nake Opiyo […]

Mundurume wa miaka 39 kuhobanirio akinyita mwari kiahinya, Subukia

Mundurume umwe wa miaka 39 ni araikirio ngono thutha wa kuhobanirio akinyita mwari kiahinya githaka-ini kimwe itura-ini ria Munanda mwena wa Subukia. Nyina wa muiritu ucio wa miaka ikumi na kenda augite muthuriwe aranyitwo ari njaga agika giiko kiu kia ura thoni. Munene wa borithi mwena wa Subukia Edward Imbwaga, augite muiritu ucio ni arikitie […]

Athitangwo 3 gutuirwo kioho gia gikuu, kuheyo thiku 14 cia gucokia ciira riko, Kerugoya

Igoti inene ria Kerugoya niriratuiriire athitangwo 3 kioho gia gikuu thutha wa kunyitikana na mahitia ma uici wa kiahinya. Mucirithania Eric Wambo niwe uratuiriire athitangwo acio Josphat Njoroge Gichohi, Hilder Lilian Njeri na Mikeson Mutinda Mumbe kioho kiu, thutha wa uthuthuria kuonania hatari nganja ati ni matabanitie ngero ya uci wa kiahinya. Atatu acio aria […]

Marakara ma aruti a wira guku bururi-ini

Muingi na makiria aruti a wira ni mookiriire thirikari niundu wa guitikiria ambunge na masenata gwithukira mbeca cia marihi ma nyumba. Kurumirira ikinya riu o mumbunge ariamukagira muigana wa ciringi ngiri magana meri ma mirongo itano o mucio wa mweri cia kuriha nyumba thengia ya gukorwo ni mahetukiirio ngombo ya ciringi million mirongo iiri o […]