Aikari a Narok nimekugunika na thoko ya kiriu iria irakwo

Onjoria kaunti-ini ya Narok nimekugunika na thoko ya kiriu iria thirikari ya kaunti iyo iraniire gwaka muhaka-ini wa kaunti iyo na Bomet, undu uria ukuguna gicigo kiu na kaunti iyo, iria tauni ciayo cia Narok na Kilgoris irikitie kwambatirio ikiro na igatuo muthubari ni mbunge ya kaunti iyo.

Ngabana wa kaunti iyo Samuel Tunai augite wonjoria wa kaunti iyo niukwambatira, guuku nao amwe a ma MCA na atongoria angi magiukirira aria mararegana na tauni icio igiri gutuo muthubari. Thoko iyo itanyitwo gwakwo itura-ini ria Mulot, riria riri muhaka-ini wa kaunti ya Bomet na Narok, igitanywo makiria kuhuthika makiria thiinii wa wendia wa mbembe na magetha matiganite ma migunda.

Uyu ari mutarataraini wa kwarahura wonjoria wa kaunti iyo, iria ni imwe ya kaunti cia matura-ini guuku bururi-ini. Gukoretwo na ndugamano cia utongoria kaunti-ini iyo, kuria andu amwe na atongoria makoretwo makiregana na kwambatirio ikiro cia tauni cia Narok na Kilgoris. Aingi a aikari a narok ni a ruriri rwa ukabi, na nimoikaine na kwaga kugayania migunda, undu uria marona niguo uguikika wona tauni icio ciatuo muthubari, kuona andu aingi nimeguthii kuigithia kuu.

Kwanjiriria mweri wa gatandatu mwaka uyu, kaunti itiganite nicianjiriirie kwamukira mbeca cia guthondeka mbondi cia mithubari, tauni cia kaunti ici iria ikinyitie andu 70,000 igitanywo gutuo mithubari, na niigukorwo ikiamukira mbeca cia uthii wa nambere kuuma kuri bengi ya thi. Narok itanyite kwamukira ksh 300m, na tauni ingi itanyitwo kugunika ni Naivasha, Thika, Ruiru, Kikuyu, Machakos, Kisumu, Nakuru, Nyeri,Karuri Ngong’ gatagati-ini ka ingi.

Leave a Reply

Your email address will not be published. Required fields are marked *