Aikari a Ngaru kuuria mahingurirwo thibitari yarikirio gwakwo miaka 7 mihituku

Aikari a ituura ria Ngaru,gicigo-ini kia umbunge gia Kirinyaga ya gatagati ni maikitie makaya kuri thirikari ya county ya Kirinyaga, makienda kuhingurwo gwa  thibitari ya Ngaru  iria  yakirwo miaka 7 mihituku. Maugite makoretwo magitangika guthii ng’endo ndaihu kwamukira motungata ma urigitani.

Icera-ini riitu ituura-ini ria Ngaru  gicigo-ini kia umbunge gia Kirinyaga ya gatagati, turakora thibitari iria itiganiirio na kumerererwo ni nyeki, igitucorera mbica  ya mitangiko iria aikari a guku mahitukagira magithii kwetha motungata ma urigitani  kundu kuraya ithenya ria makorwo makiwamukira thome.

Ona gutuika thibitari  ya Ngaru niyo yaari ya mbere gwakwo matura-ini maria marigiciirie ta Kiamuthambi na Kirimunge, aikari maugite matumaga thabari ya kuthii thibitari Kerugoya. Thibitari ino iria yakitwo niguo guteithia aikari a Ngaru, Kiamwenja na matuura maria marigiciirie, yatanyitwo kurigitaga mirimu minini, no kieha kia aikari niati matiigana guteithika na mworoto waayo.

Kuratuika mwako uyu wahuthirire ciringi mirion 2.5 iria riu irorira githaka-ini na gutiga aikari na minyamariko, ihoya riao riri thirikari ya Kirinyaga rungu rwa ngabana Ann Waiguru iingirire, thibitari ino yanjie kuruta wira niguo muingi utiithike. Mageria maitu ma kwaraniria na ngabana  Waiguru ni maringite ihiga.

Leave a Reply

Your email address will not be published. Required fields are marked *