Aikari gutetia guthuka gwa barabara, Kariiki-Chinga

Aikari a ituura ria chinga matacukitie ikinya ria guithondekera barabara ya Kariiki, thutha wa honge iria ciagiriire kumithondeka kugonderera wira-ini na muthia-ini kureka marima marituhitie mihangó ya ukuui methegee.

Marauga ati kwa ihinda iraya matuirio ni ciiraniro itakinyanagira undu uria utumite matacukie ikinya riri Matongoretio ni mca wao, aikari a Chinga Othaya county ya Nyeri maugite ciaigana ni ciaigana na makeyuumiria na indo cia wiira, igeria-ini ria gwithondekera barabara na njira ya guthinga marima.

Barabara ino ni ya kariiki guthii kagicha ugereire  gichiche ikoretwo iri gitugi kiria kinyitithanagia matuura maya na aikari maugite  ikoretwo ithuuku kwa ihinda iraya, indi gutiri undu mwike kumithondeka.

Aikari a Chinga maugite nigukoretwo na mitino miingi  ni undu wa uria ihana, na amwe kugia na thina wa gukinya mathibitari-ini gwetha mautungata ma ugima wa mwiri na arimi matingihota kuumiria magetha maao mendio undu uria maugite niuramahinyiriria kuona aingi niho maroraga iguru.

Atwarithia a ngari aria mahuthagira barabara ino maugite kaingi maagaga wiiki, makaraihia njira makiurira marima maria mari barabara-ini ino, kuona no hathara  makoretwo magitara ya kugura indo cia guthondeka ngaari ciao riria ciathuuka.

Aikari aya riu mooritie thirikari itacukie ikinya na ihenya o uria kwahoteka, imathondekere barabara ici niguomacokererie mihang’oini yao o ta mutugo.

Leave a Reply

Your email address will not be published. Required fields are marked *