Aikari kunyitana na kwiyakira ndaraca, Kerugoya

Aikari a ituura ria Kimuri wardi-ini ya Keroguya kaunti-ini ya Kirinyaga riu ni mokite hamwe na kwiyakira ndaraca na barabara iria marauga ndikoretwo ikigereka riri kwoura

Magitariria kigiriko kiao, mougite ati ni manogetio ni ciiraniro itakinyanagira undu uria utumite mahothanie mbeca cia waaki uyu.

Atumia na athuri makinyitana moko na kuga matikurira ringi, o mundu akioya ithenya riake hari gutigirira ndaraca yao niyagira. Maugite ona thengia wa gukorwo makiriha igoti, hatiri ikinya o riothe ritacukitwo hari kumehereria gitangiko giiki

Muikariri giti wa gikundi giki, waweru mugo, augite ni makoretwo na ihinda iritu makiria riria marenda guthii thoko, aingi magiitigira kuguithio ni ngathi iria ikoretwo iri ndaraca yao.  Mahothanitie o kiria mundu enakio gukinyaniria ithabu ria kurugamia waaki uyu.

Ndaraca ino ikoretwo iri ugwati kuri ciana riria  cirathii thukuru tondu kaingi citikoragwo na mundu wa gucikiria na gutigirira ati gutiri ugwati ciatungana naguo ciri barabara-ini ino.

Aikari aya riu makihinyiriria thirikari ya kirinyaga kuhingia iriko ciao na makauga matikunogio ni kuhuranira ihoto ciao cia gukinyirio motungata matuura-ini.

Leave a Reply

Your email address will not be published. Required fields are marked *