Aikari kwihura njeki na urimi wa tunyondore Murang’a

Arimi kuuma ituura ini ria Keeni ward ya Kamacharia gicigo-ini kia umbunge kia Mathioya nimambiriirie urimi wa matunda ari ta njira imwe ya kuhura njeki urimi wa kahua uria makoretwo mahimbiirie miaka miini.

Ituura-ini riri, turaingira mugunda wa Fredrick Muya uria ni murimi wa matunda wi gatu guku.

Mugunda uyu wake uiyuire uthaka wa matunda ta makorobia, macadamia na mithemba itiganite ya nyeni, no kiria kiraguciriria maitho maitu ni matunda maya ma thakame.

Muya atwiriite anarima kahua miaka miingi, no agiciria kugeria urimi wa matunda one kana hihi niakwiyukiriria makiria kimuhuko.

Eunice Wambui, mutumia wake, aratwira ati thiina umwe umagumagira ni waagi wa maai kuona mahuraga maai na nduthi kuuma ruui.

Thoko ya matunda maya ni nene, na kaunti-ini ya Murang’a kuri na andu aingi aria mahimbiirie urimi uyu wa matunda ma thakame.

Na kuona ituura riri nirigumiirwo ni waagi wa maai, aikari maugite korwo thirikari nene, ya kaunti na atongoria aria maathurire mamekirira maai, onao mahuthirwo ni utuuro na mambiririe urimi uyu,

Ni urimi uthiite weega kuri aria mauhimbiirie

Leave a Reply

Your email address will not be published. Required fields are marked *