Akenya amwe nenda-ini gutumura ndereti hiu igii riboti ya ‘masoda’, migate na maai mathiko-ini ma #MzeeMoi

Riboti ya komicona wa Rift Valley George Natembeya kiroko kia umuthi niyo ikengetie mothiu ma Akenya amwe nenda-ini, kuria aniriire ati Akenya a mbere 30,000 gugakinya mathiko-ini ma #MzeeMoi muthenya wa gatatu nimakaheo soda, mugate, maai, iti hamwe na programme ya mathiko macio.

Akiaria na andiki a mohoro mwena wa Nakuru, Natembeya nieraniire ukuui utari marihi kuri aria mangienda guthii mathiko no matiri na uhoti. Augite ati, mbathi cia cukuru ciothe cia kaunti ya Nakuru igakorwo igikuua andu kuuma Nakuru nginyagia Kabarak.

Natembeya ongereire ati aria magekinyia kuumagaria President wa keeri Daniel Arap Moi muciini gwake Kabarak, othe magakuuo na njira iiganaine hatari uhoro wa ageni a itiyo amu othe mathiite na gitumi kimwe-Gucakaya.

Oho Natembeya niarutiire mukana ahuthuri a barabara ya kuuma Nairobi-Nakuru na Nakuru-Kabarak, akiuga mundu ukanyitwo akiagarara wathho o wothe wa bara, ngari yake ikahingiririo ceceni-ini ya borithi nginyagia kiumia giukite.

Leave a Reply

Your email address will not be published. Required fields are marked *