Andu 15 guikio ngono magikuruhanio na uici wa kigeranio, Arutwo 2 gukua muthenya wa mbere wa KCSE

Nginyagia  riu  andu  15  ni maikitio ngono magikuruhanio  na kugeria kuiyira arutwo igeranio cia KCSE, icigo-ini cia Nyanza na Western.

Minister wa githomo augite mutaratara uria ministry yake igathikite wa kuhurana na uici wa igeranio, niguo uteithiririe kunyitukia ekuirwo acio.Umuthi ni muthenya wa keri wa kigeranio giki gia KCSE.

Akiheana riboti ya uria kigeranio gia KCSE gikoretwo gigithii na mbere, minister wa githomo Amina Mohammed augite ati andu ikumi na atano, aria mararugamagirira igeranio cukuru-ini igiri miena ya Nyanza na Western ni maikitio ngono.

Ekuirwo aya maranyitiirwo makigeria kuiyira arutwo igeranio, ona gutuika arutwo aya matinakorwo makinyirwo ni kiria arugamiriri aya maramareheire.

Amina  augite gutiri mundu wagiriirwo kuoneka agituikaniria macukuru-ini ihinda-ini riri o tiga arutwo na aria angi maranyita itemi mihang’o-ini ino.

Oho, riboti-ini yake Amina augite arutwo eeri kuuma county cia Murang’a na Nyamira matinahota gwika igeranio thutha wao gukua muthenya wambere wa kigeranio giki.

Riboti cia uici wa igeranio ni cikoretwo cigithii thi, undu uria Amina augite no uguthii na mbere guthingatwo, niguo gutigirira arutwo othe macindanira kiharo-ini kiiganaine.

Leave a Reply

Your email address will not be published. Required fields are marked *