Arangiri nimabatii kuheo micinga?

Thirikari riu ina mubango wa kuhe arangiri micinga. Akiaria hindi ya mucemanio na kambuni cia arangiri aa andu kiumbe guku bururiini, munene wa ruhonge rwa thirikari rwigii ugitiri wa andu kiumbe Fazul Mohammed augite mubango ucio ukwambia thiini wa mieri itandatu yukiite ndeto iria inyititwo guoko ni kiama kia arangiri acio, aria marauga ikinya riri nirikumateithia kung’ethanira na ekinai riria mooka.

Ni ndeto iria ikenereirwo ni arangiri aya aria gwa kahinda kanene makoretwo makiuga ni mareda micinga tondu gwakorwo na wikinai nio makoragwo mari aa mbere gutharikirwo ta uria kurari mukawaini wa Dusit.

Akiaria thiini wa mucemanio ucio mwandiki munene  wa ruhonge rwa thirikari rwa arangiri a andu kiumbe Fazul Mohammed, augite mubango ucio wa kuhe arangiri micinga ni witikiritwo ni thirikari nene, na waya kwambia thuutha wa kahinda ka mieri itandatu yukite, thuutha wa guthomithia arangiri acio.

No kiuria kinene kiria akenya thiini wa nenda maroria ni ugitiri wa micinga iyo na gutumirwo uici-ini, undu uria kiama kiu giteteire gikiuga micinga ndingitumirwo uuru, kuona arangiri acio megukorwo mathomithitio.

Oho niaugite kwina mubango wa kuongerera arangiri aya marihi mao nigetha metheeme na gutumira miciinga iyo uuru.

Ni mubango uria arangiri makiria ma ngiri magana matano merigiriirwo guthomithio ringi, gatagati kao arangiri ngiri mirongo itano nao makihokerwo micinga iyo nigetha marangire matari na guoya kuria akenya aingi macemanagiria ta mukawa wa Dusit kana Westgate.

Leave a Reply

Your email address will not be published. Required fields are marked *