Aruti wira a thibitari 450 gutigithio wira Kirinyaga

Aruti wira matanyihiire 450 thibitari-ini cia muingi kaunti-ini ya Kirinyaga ni matigithitio wira thutha wao kwaga gwitika watho uria mararutiirwo ni ngabana wa kaunti iyo Anne Waiguru wa gucokereria mawira-ini mao. Aruti wira aya maraamukirire marua makubutwo wira mwambiririo wa kiumia giki, thuutha wa gukorwo  magomete kwa ihinda magitetia uria thirikari iyo itararumbuiya mabata mao ma kiwira.

Marua ma gubuta wira aruti wira a thibitari cia muingi Kirinyaga maria ceceni ya iNooro TV yonete mataririe ati itua riri rikinyaniirio thutha wa mucemanio wa mbondi ya kwandika aruti wira a kaunti iyo muthenya wa ira. Oho, marua maya nimonanitie ati aruti wira aya matigithirio wira tariki 28 mweri ini wa gatano mwaka-ini uyu, no maramukira marua macio mwambiririo wa kiumia giki.

Muthia-ini wa mweri wa gatano nirio aruti wira mathibitari-ini matiganite mwena wa Kirinyaga maigire miro yao thi. Kwa ihinda riu riothe makoretwo makienda thirikari ya kaunti ito imahe gutu na guthikiriria makaya mao. Kiama gia kuruirira ihoto cia aruti wira aya ni gikirite mukonde ati kuri nao mamukirite marua ma kubutwo wira.

Gitumi kinene kia aruti wira aya gutigithio wira, ari tondu wa kwaga guthii wira hatari na gitumi ona kana rutha undu uria ni mugaru na watho. Marua-ini maya aruti wira aya ni moritio gucokia indo ciothe iria mari nacio cia thibitari kuri aria maramarugamagirira. Kiama giki gia kuruirira ihoto cia aruti wira aya kiugite uyu ti undu ukumahahura amu no maguthii na mbere na gukinyira kihoto kia amemba ao.

Thirikari ya Kirinyaga itacukitie ikinya riri ria kumabuta wira  thutha wa igoti gutitirithia ati mugomo uyu ni mugaru na watho. Ona kuri o uguo kuri na aruti wira maroire ikinya ria gucokereria wira na acio gutiri mundu ubutitwo wira.

Leave a Reply

Your email address will not be published. Required fields are marked *