Arutwo guthoma na riene.

Unyui na uhuthiri wa ndawa cia kurebia cukuru-ini  ni thina ukoretwo ukigomira arutwo aingi, giiko kiria githararagia mathomo mao na muthia muturire wao ukaharagana.

Giko kia arutuo kuaririo ni ciana o tao aria manekora giterenge-ini kia  uhuthiri wa ndawa ici mwena wa murang’a, ni undu wambiriirie kuhimbirio ukirigirirwo guteithiriria arutuo guithemana na mecirira ma kuingirira ndawa cia kurebia kuhetukira ng’ano cia aria manacihuthira.

Aciari makoragwo mahocetie muihoko wa ciana ciao githomo-ini kiao, na ciringi iria marutaga guthomithia mwana ni imuturaga muno, riria yarangiririo thii na mwana agate mwerekera na rimwe gutigira githomo gatagati

Imwe cia itumi iria icungagiriria gutharara kwa muthingi wa ciana nyingi makiria guuku bururi-ini , ni kuingirio unyui-ini na uhuthiri wa ndawa cia kurebia , muri uria wooyaga ihinda iraya kuumunya kuuma kuri mwana ucio.

Cukuru wa muthingi wa  Mariira mwena wa kigumo Murang’a, ni uhimbiirie njira ya mwanya ya kung’ethanira na  guthinga mahoro ma uhuthiri wa ndawa cia kurebya kuri arutuo, na irathi-ini ciao marakorwo na ciana iria ikuretwo ukombo-ini wa uhuthiri wa dawa cia kurebya gutarana aruna acio

Kuringana na arutani , kuri na uuma wa ati kwanakungio ndawa cia kurebya kuri arutuo ona arimu mari cukuru , na kahora murutwo akagaruruka na rimwe agekora ni ahamurithio kuuma cukuru-ini na muturire ugacenjia.

Atarani meegie maundu ma ndawa cia kurebya, mataariirie ati itumi imwe iria igucagiriria arutuo kuhuthira ndawa ici ni kuumana na maria marona mitambo-ini ya ukinyaniria, kuma kuri aciari ao na angi kuhinyiririka ki muturire.

Kirathi giiki kiharagiririo oo ndagika 40 ,thuutha wa arutuo kuria ranji, gugituika giiko kia arutuo guthoma kuma kuri aria makuhaniririe ki miaka ni undu wa bata gukira o kueyagwo ngerekano ciigie ugwati wa kuhuthira ndawa cia kurebya.

Leave a Reply

Your email address will not be published. Required fields are marked *