Atwarithia nduthi a Kahawa West gukaya ni uhaguku wa ugitiri

Atwarithia a nduthi mwena wa Kahawa West kaunti-ini  ya Nairobi ni macakaiite ni wongerereku wa ciiko cia njuragano kuri atwarithia a nduthi, kuria kwa ihinda ria mieri 2, atwarithia 5 a nduthi kuuma mwena ucio  ni matete mioyo yao na njira ina magigi. Ni giiko kiingiriitie guoya thiini wa matuura ma Kamae, Maziwa, K.U na icigo  iria irigiciirie, riri bamiri iria ihutitio ithiite na mbere na kuhinyiriria kihooto.

Atwarithia a nduthi  mwena wa Kahawa West  kaunti-ini ya Nairobi maugiite ciigana ni cia igana, na makwenda kuheo ugitiri  kurumirira minyamario iria maratungio ni ekinaai. Wongerereku wa ciiko cia njuragano kuri matereba a nduthi ici, ni wa kumakania kuona ati oohindi gutiraga riboti cia andu gutharikirwo na gutunywo nduthi  utuku na muthenya barigici, aria maratabania ngero ici makiirikana gukorwo na bata wa nduthi na muno iria njeru.

Mieri iiri mithiru andu matanyiihiire  5 ni moragitwo na njira ii magigi na gutunywo nduthi, na mucii wa Mary Kariuki niguo wa ica ikuhi uria utigitwo na murigo wa gikuu muthemba uyu,  thuutha wa muthuri wake gukua andu matoikaine aria macokire kumugarurukira mwena wa Utawala. Atwarithia anduthi makuithitio mahitia ma kwaga kuumbura aria maramathigaana kana kumabangira njaama ici, undu uria utakoretwo uri muhihu niundu wa ugitiri waao kiumbe.

Giikaro-ini kia mwanya kiria kiguciriirie mabaathaa a borithi guthikiriria makaya maao, borithi marauga giki ni kihingica kimwe githogete thaayu wa matuura, ona gutuika marauga ni gibarua kirtu kuri oo angikorwo atwarithia aya nyitanira nao. Waganu oo ta uyu wanahaniika matura-ini mangi ,kumwe nduthi ikihuthika gutabania ngero hiu, na kuiga ukui wa nduthi hatika-ini na kuuhumba nguo ya kwaga kwihokeka.

Leave a Reply

Your email address will not be published. Required fields are marked *