Mbunge 39 cia matuura itiri irahetukia kana kuregana na ndereti ya gucenjia gatiba ya Punguza Mizigo, oriri ihinda riao ritigaritie kiumia kimwe. Nginyagia riu ciikaro mugwanja cia mbunge cia matuura ni iteyaniirie ndereti iyo ya kiama gia Thirdway Alliance, no Uasin Gishu ikamihetukia. Kuringana na gatiba ya bururi, ndereti iyo irabatara gukorwo iheyanirwo mwerekera mbere […]
Arutwo eri ni makomete thibitari guku angi 175 makirigitwo na kuinuka thutha wao gutharikirwo ni njuki thukuruini wa Kanyariri mwena wa Kabete.Arutwo aya maratharikiirwo mathaa-ini ma miaraho oriri mareharagiria guthii kuria. Mihang’o ya mathomo thukuru-ini uyu irathararire miaraho yothe ya muthenya wa Jumatatu thutha wa njuki gutharikira arutwo. Kuringana na mwarimu munene wa thukuru uyu […]
Miiri 7 hari miiri 24 iria ikoretwo itiganiirio thibitari ini wa Mama Lucy guku Nairobi niirikitie gutamburwo. Urugamiriri wa thibitari ino ugite miingi ya mirii ino ni iria irakuruhanite mitino-ini ya barabara. Murugamiriri wa urigiti Musa Mohamed, riu niorotie bamiri cia ene miiri iyo ithii ikoe miiri ino, kuona imwe iikarite makiria ma mieri 4, […]
Ngero cia andu kuiruta muoyo kaunti-ini ya Kirinyaga niciongererekete na gikiro gia kuguoyohia, kuria muthenya wa umuthi andu 3 a gatagati ka ukuru wa miaka 20 na miaka 45 merutire muoyo icigo-ini cia umbunge cia Ndia na Gichugu. Ni ndeto itumuriite wagagu munene kuri muingi hamwe na maabithaa a ruhonge rwa wathani wa matuura, munini […]
Mwiri wa muthungu billionaire Tob Cohen niwarikia kuoneka uthikitwo gwake mucii irima-ini ria maai ma giko. Riboti ya kwaga gwa Cohen yamenyekire thiku 40 hituku. Borithi nio mahithuririe mwiri uyu irima-ini riu nja gwake mucii mwena wa Spring Valley, Nairobi miarahuko ya umuthi. Kuoneka kwa mwiri wake gukite muthenya umwe thutha wa mutumia wake Sarah […]
Muthenya umwe thutha wa ceceni ya iNooro TV kumurika uguni wa magoko ma marigu mwena wa Kirinyaga, riu arimi a marigu mena gitumi gia gukena thutha wa kiama kia ahuri biachara Kirinyaga kuga nikianjitie mitaratara ya gucariria arimi thoko ya ciondo iria itumagwo kumana na magoko maya. Arimi a marigu kaunti-ini ya Kirinyaga riu mari […]
Kwiragwo wira ni wira, na Nairobi ni mugunda wa mahiga, na nikio andu aingi moka guku Nairobi metungumanagia mawira-ini matiganite naari mone kaa nimakeruta. Na niundu wa uria andu maingihirie mihang’o Nairobi, kuri onjoria maambiriirie biacara cia kuigira andu mirigo yao, niguo mahote kuriunga matagukuwania mbigiga. Iratu, maguta, nguo ,keki mitungi na ngunia no imwe […]
Arimi kuuma ituura ini ria Keeni ward ya Kamacharia gicigo-ini kia umbunge kia Mathioya nimambiriirie urimi wa matunda ari ta njira imwe ya kuhura njeki urimi wa kahua uria makoretwo mahimbiirie miaka miini. Ituura-ini riri, turaingira mugunda wa Fredrick Muya uria ni murimi wa matunda wi gatu guku. Mugunda uyu wake uiyuire uthaka wa matunda […]
Atumia 3 nimakuite nao angi 5 marathii nambere na gutangikirwo thibitari-ini cia Mama Fridah na Cherengànyi mwena wa Kitale thutha wa kuheo ndawa cia miti ni ndagitari wa kinduire wa maigiriira ituura-ini ria Kiminini kaunti-ini ya Trans Nzoia. Cibu wa ituura riu Silas Kilaleti augiite ndagitari ucio wa maigiriira uria urekuirwo kuuma burui-ini wa Uganda […]
President wa tene wa bururi wa Zimbabwe Robert Mugambe gukua. Ndumiriri ino irutitwo ni President wa bururi ucio Emmerson Mnangagwa rurenda-ini rwa twitter ruciini rwa umuthi. Mugambe akuiriire thibitari-ini wa Singaporean kuria akoretwo akirigitwo thutha wa ndwari ya ihinda nene. Akoretwo ari president wa bururi ucio kwa ihinda ria miaka 37(1980-2017). Ahuruka ari na ukuru […]
Muraiya umwe wa Nigeria na ungi wa Congo nimaikitio ngono thutha wa kuhithukirwo mena noti cia ngiri imwe imwe cia mathaara mwena wa Matuu, mweri ithatu wa kenda mwaka uyu. Umuthi, Ogundeji Olayinka na Tazisong Fabian nimakinyirio igoti-ini mbere ya mucirithania Gilbert Shikwe uria urutire mwerekera wao wa kuhingirio borithi-ini ya Matuu gwa thiku inya […]
Muthigari umwe niarathwo na gukua kurumirira ndathukanirio ya micinga iria iyumiririe gatagati gake na borithi aruna ake, Kawangware. Kurerikana ati muthigari ucio uria ni wa gikiro gia constable, Benson Indenje, arari muriu riria anjiriirie kuhuhania na atwarithi a nduthi akiugaga ati niekumaratha na nirio thigari icio ingi ciingiriire, ciamwira aige mucinga wake thi, na handu […]
Kambuni ya utungata wa thimu ya Safaricom niithingatite yambe irihwo thiiri wa mbeca itanyihiire ciringi Bilioni 1.2 ni kambuni cia Airtel na Telcom iria itanyite guturanira mootungata macio . Kuhitukira ndumiriri kuri metha cia mohoro Murugamiriri munene wa safaricom Michael Joseph, aroiga kambuni ino ndirongoreirie guthinikania ikinya ria Airtel na Telcom, indi hari bata mathiiri […]
Andu a nyumba imwe itura-ini ria Munyaka mwena wa Eldoret ni mahinyiririe kihoto githingatwo thutha wa mwanake umwe wa bamiri yao kuuragwo na njira ya unyamu. Paul Mwangi uria uraari ithe wa kaana kamwe aratungirio ngero iyo ni andu matoikaine tauni-ini ya Eldoret na aracokire gukua ihinda inini thutha wa gukinyio thibitari. Bamiri ya Mwangi […]
Ruthingo ruria ruraihu muno thiini wa thi na kaburi iria nene muno guku muhuro wa riua, iri mwena wa rugongo wa mucii wa Beijing, bururi-ini wa China. Ruthingo ruru rwitagwo The Great Wall of China na rwakirwo kwa ihinda ria miaka 2,000 riria makiria na raiya mirioni 1 a China makuire. Gwitikitio miiri yao yathikanirio […]
Bamiri mirongo iri kuuma tauni ya Maua kaunti-ini ya Meru itigitwo itari na uikaro thutha wa mwaki gututhuka mathaa-ini ma thaa igiri cia utuku na gucina nyumba cia bamiri ici. Kihumo kia mwaki ucio gitiri kiramenyekana no kurerikana mwaki uratuthukire nyumba-ini imwe thutha uria uratambire na kugwatia nyumba ingi iria ciakitwo na mbau. Kihumo kia […]
Abithaa murugamiriri wa kambuni ya guthondeka njohi ya Keroche Tabitha Karanja uria uthitangitwo ni kurega kuriha igooti ria ciringi 14 ni arekereirio na mbondi ya ciringi mirioni 10. Muthuri wake Joseph Karanja onake ni arekereirio na mbondi ya muigana wa shiringi mirioni igiri, ciira wao ukirigirwo gugacokererwo tariki igiri mweri wa kenda.
Mundurume umwe ni akuite thutha wa kuremwo ni kuumira irima ria maai ria biti mirongo mugwanja na ithano itura-ini ria Kanjie gicigo-ini gia Kirinyaga ya gatagati. Benson Wanjogi arahetwo wira wa kuruta ndoo ya gutaha maai ni Mary Wanjiku wa Mwangi uria uramuiriire ciringi ngiri imwe wona arikia wira ucio. Kurerikana gikuu kia Wanjohi kiracungiriirwo […]
Mehariiria ma mihang’o ya utarani riu ni irikiriire, maminister Fred Matiangi wa ugitiri, Ukur Yatani wa kigina na Joe Mucheru wa mohoro na ukinyaniria makiuga mitambo iria ikahuthika mihang’o-ini iyo niihaririirio wega, na ugitiri ukagacirithio mwerekera-ini wa mihang’o iyo. Ihinda-ini riu Matiangi ni arutite mukana kuri ateti aria marabanga kuingiria uteti mihang’o-ini iyo akiuga matikuirica […]
Muthigari umwe wa njera ni oragite mwendwa wake itura-ini ria Kamukunji icigirira-ini cia tauni ya Bomet. Munene wa borithi gicigo-ini kia Bomet ya gatagati Musa Imamai Omar, augite abithaa ucio aguthire muiritu ucio maraari ndugu akihuthira kindu gituuhu na kumuuraga. Riu abithaa ucio uria urutaga wira njera-ini ya Bomet ni arikitie guikio ngono na ni […]
Atongoria matiganite hamwe na Akenya no marathii nambere na gucakaya gikuu kia muini wa nyimbo cia muthungutho uri gatu John Mwangi Ng’ang’a, uria uikaine ta D’Mathew Kenya na nja wa itonga cia Kenya na njira nene. D’Mathew arakuire kuumana na mutino wa bara, Barabara-ini ya Thika Road. President Uhuru Kenyatta niatongoretie hari gutuma ndumiriri cia […]
Andu 63 nimarakuire thariko-ini ya mbomu muciini munene wa Kabul bururi-ini wa Afghanistan. Kurerikana thariko iyo iratabanirio utuku wa gukia ira, hindi ya igongona ria uhiki, kuria andu angi 180 maragiire na nguraro njuru. Gikundi kia wikinaai kia Islamic State kiugiite nikio kiratabanirie thariko iyo, iria President Ashraf Ghani arakumithiirie na njira nene.
Aikari a ituura ria Kiahiti mwena wa Ndia county-ini ya Kirinyaga mararokire gutungwo ni kimako thutha wa kuona muiri wa mundurume umwe uria urari gitoonga gia ituura riu ucunjuriite muti-ini wa mukorobia. Geoffrey Murimi uria ni wa nyumba yao augiite muhuri biacara ucio Moses Maina wa ukuru wa miaka 31, orire hwaini-ini kuria aratigire nduka yake […]
Mutongoria wa bururi Uhuru Kenyatta umuthi ni atanyitwo kuruguria mihang’o ya utarani wa andu iria iraaririo kwambiriria Jumamothi ya kiumia giukite. Uhuru egutongoria igongona riu nyumba-ini nene ya micemanio ya KICC guku Nairobi. Kugerera kuri ruhonge rwa ndari, thirikari ikuhuthira muigana wa ciringi billion ikumi na inyanya na million magana matandatu hari utarani wa mwaka […]
Aini guku bururi-ini nimaramukirire igai kuuma kuri mbondi ya uramati wa uini ya Kenya Copyright Board. Ona kuri ouguo, namba nene makiria ya aini aya nimonanitie kwaga kuiganira na muigana uria maratumagirwo kuhitukira thimu ciao cia moko, makiuga kigina kiao nikiungumanitio. Orona kuri ouguo, mbondi ino iroiga iratumire muigana wa ciringi Milioni 80 kuri aini […]
Borithi guku Nairobi macungirirwo kurathukia tear gas niguo gutitimura nyanake iria ihithukiire mihang’o ya kuheyana githomo kuri andu aria magatwarithia na mbere mihang’o ya utarani wa andu. Mbatuni iyo irekuira wandikani wa aruti wira ucio wathaganirio na njira cia ngungo na ati aikari a Kangemi matiaheirwo mweke. Githomo kiu gigutwarithagio na mbere thukuru-ini wa muthingi […]
Makanitha, mithigiti ohamwe na nyumba ingi cia ihoero guku Nairobi ni mathengeirio kaimana, marihi ma kungania giko. Ikinya riri ni thutha wa Ngabana Mike Sonko kwagithia kiene watho wa kigina wa mwaka wa 2019 kurumirira makaya ma muingi. Hamwe na aria magunikite na ikinya riu ni ahuri biacara aria mendagia gas aria maragathikiirwo marihi ma […]
Etikia kanitha-ini umwe ituura-ini ria Ruriundu gicigo-ini gia Olkalou, Nyandarua matigitwo na kigagayo thutha wa indo ciao cia utungata kuiywo ni andu matoikaine. Ekuirwo acio maramomorire mambarita ma kanitha na gukuua 39 iria kurehokeka ciendetio irabu-ini cia mwena ucio. Ciiko cia uici wa indo cia makanitha ni ikoretwo ikiyumiria kwa uingi gicigo-ini kia Nyandarua, undu […]
Aruti a wira thirikari-ini mirongo iiri cia matuura mararoka kuiga miro yao thi ruciini ruru magitetia gucerithirio kwa micara yao ya mweri muthiru wa mugwanja. Mugomo ucio utanyitwo kuhutia nginya motungata ma urigitani kuona arigitani na mandagitari ni amwe a aria maraiga miro yao thi. Kaunti cia Nyeri, Murang’a, Laikipia na Nakuru ni kumwe gwa […]
Kamiti ya BBI iria yombirwo kurumiriira uiguano gatagati ka President Uhuru Kenyatta na mutongoria wa ODM Raila Odinga iratiriha mihang’o ya kwamukira mawoni ma muingi umuthi. Kamiti iyo niirikiitie kwamukira mawoni kuuma kaunti ciothe 47 guku bururi-ini, kuria irigiriirwo kwandika riboti iria ikaneanwo kuri president mweri-ini ukiite wa 9. Muikariri giti wa kamiti ino Yusuf […]