Author Archives: Winnie Kimani

Makaya ma arimi a waaru mwena wa Molo, Nakuru

Arimi amwe a waru matuura-ini ma gicigo kia Molo kaunti ya Nakuru, ni maaniriire mukana wa gutiganiria urimi ucio iguru ria kuhatiririo hari uguri wa magetha mao. Makiaria na Inooro Ruciini mwena wa Muchorwi, maugite ni kieha kuona thogora wa waaru no kugua uragua thutha wa ng’aragu iria iraari kuo, no indi indo cia urimi […]

Uthaka na ugemu wa Kenya kuguciriria agendi makiria

Agendi  aria maceerire bururi-ini mwaka muthiru nimongererekire  nginya  milion igiri  na kurehera  bururi  kigina kia muigana wa billion  igana rimwe ria mirongo itano. Riboti ino irekereirio ni ruhonge rwa ugendi guku bururi-ini. Bururi  uthiite nambere kuguciriria  agendi kuuma nja amu namba ya andu aria macerire  mwaka wa 2018 kwiyonera uthaka wa guku bururi-ini nimongererekete. Kumana […]

Ngero ya uici na uthukangia wa waya cia thitima, Kirinyaga

Kambuni ya thitima ya Kenya Power  iratara  hathara  ya  ciringi mirioni 5  o mweri  kaunti-ini ya Kirinyaga tu, kuumana  na uici  na uthukangia  wa  waya cia thitima  na matawa  ma barabara. Obithaa murugamiriri  wa  kambuni  ya Kenya Power ruhonge rwa  Kirinyaga   augite uici uyu  wa indo  cia  thitima  niuhotometie  tabarira  cia ukuria  matura-ini maria  magumiirwo  […]

Aikari kurarakwo ni njohi irenderio hakuhi na cukuru, Amboni-Nyeri

Aikari a ituura ria Amboni, Mweiga, kaunti-ini ya Nyeri, nimarakaritio ni  wendia wa njohi  hakuhi na cukuru wa  thekondari wa St. Joseph Simbara. Ona  arutwo a  cukuru uyu nimaragomire makimenereria  wongerereku wa unyui wa njohi  gatagati-ini ka arutwo na aciari. Obithaa  a  ruhonge rwa wathani  wa  matuura manyititwo  ugeni  ni  muingi wa Amboni na  kuonia  […]

Aikari gukinyiriria murugamo wao na maraka, Kibisi-Bungoma

Aikari a ituura ria Kibisi kaunti ya Bungoma nimareganite na ikinya ria kambuni imwe kwambiriria waaki wa kiganda gia guthondeka thitima gicigo-ini giki.Aikari marauga matioririo maoni mao mubango-ini uyu wa kambuni ya Virunga, iria yambiriirie gwaka kiganda gia guthondeka thitima ward-ini ya Tongaren.Magitabania mururungano wa kuonania marakara mao, aikari aya riu mehitite kuingatithia maabithaa kuuma […]

Ugwati uria ung’etheire makiria ma andu ngiri 40, Tana River

Makiria ma andu ngiri 40 mwena wa Tana River mari ugwati-ini wa kugumirwo ni ng’aragu, kuumana na kuhua kwa ndemu ona thiranga iria imanyotoraga…Arutwo amwe nimatiganiirie mathomo mao niguo mateithanie na aciari ao gwetha irio ciao ona cia mahiu mao. Thukuru-ini wa muthingi wa  Take mwena wa Tana River, gutiri murutwo ona umwe thukuru-ini. Mandiko […]

Kigomano gia COMESA kurugurio ni President Uhuru, Nairobi

President Uhuru Kenyatta augite thirikari  ni irutiire kunyitanira na mabururi mangi niguo gutheremia wonjoria gitaru-ini kia Africa. Akiaria kigomano-ini kia urumwe wa mabururi ma Afrika ya irathiro gia thuguri (COMESA)  kiria kirathiii na mbere nyumba-ini ya micemanio KICC , President augite ati onagutuika mabururi maya nimakoretwo makinyitanira wonjoria-ini, he maundu mangi maingi mangiikuo niguo gukuria […]

Mundu umwe gukua mutino-ini wa barabara mwena wa Embu

Mundu umwe ni akuite na angi ikumi na atatu marahonia nguraro kurumirira mutino wa barabara ya Siakago guthii Ugweri thiini wa kaunti ya Embu. Munene wa borithi Mbeere ya Rugongo Kivinda Kilonzo augite mutino ucio wa hwai urakuruhanirie matatu imwe iria irateire mwerekera na kugaragara. Aria maragurarire maratangikirwo thibitari-ini ya Siakago.

Cemania na Doreen Kaari, muiritu muturi wa nduthi woma, Meru

Turi  bata-ini  wa kothi cia moko, umwe  wa  aria mateithikite  nacio  ni Doreen Kaari kuuma kaunti ya Meru. Kaari  ni muthondeki wa nduthi na ni ahotete  kwandika airitu  angi 2  wira. Mihangó  ya  guthondeka nduthi  iingihiire nja  ya  nduka ino ya Doreen Kaari.. Aingi a  aria marehete nduthi  ciao ithondekwo ni anake na athuri …no […]

Githagathago na ndugamano thothoiti-ini ya kahua ya Tekangu, Mathira-Nyeri

Githagathago ni kireyumiririe thothaiti-ini ya kahua ya Tekangu Mathira hindi ya guthurwo kwa urugamiriri mweru wa thothaiti ino na guthomwo kwa budget ya mwaka wa kigina.   Mwahu umwe ukionania kwaga kuiguanira na aria maramarugamirira makiuga mateta mao matirarubuiyo, Arimi a kahuwa aria matwaraga magetha maao githi-ini gia Tegu kiria kiri rungu rwa thothaiti ya […]

Mwanake umwe wa miaka 33 kuohanio na nyororo kwa ihinda ria miaka 25, Wangige-Kiambu

Mwanake  umwe  wa miaka 33  kuuma Wangige kaunti ya Kiambu,  uri na wathe  akoretwo ohanitio na nyororo  kwa ihinda  ria miaka 25  niguo ndakore. Andu a  nyumba yao mougite   manageria kumutwara thibitari itiganite no marigitari makauga ndari na thina wa meciria. Peter  Ngugi  akoretwo  kioho  kia  mucii kwa makiria ya miaka 25   iguru  ria  ndwari  […]

Magigi na magegania thibitari-ini wa Igegania, Gatundu-Kiambu

Aikari a  ituura-ini ra Igegania, Gatundu ya rugongo  ni maratetia thirikari ya  Kiambu ni undu wa  kugwa kwa ikiro cia uheani wa motungata  thibitari-ini iyo. Umwe wa maria  muingi uratetio   ni giko  thibitari-ini  ya Igegania gugituika macini ya gucina giko gia thibitari yathukire miaka 2 mithiru. Giko gia thibitari  gikoretwo gigicokaniririo rumu-ini imwe. Munungo  muuru  […]

Thibitari nene ya Machakos kuingira ibuku-ini ria kiririkano matongoretio ni Dr. Njiru

Thibitari nene ya Machakos ni ingirite mabuku-ini ma kiririkano  thutha wa marigitari  guthinja  tombo wa  murwaru umwe na kurikiriria  wega. Matongoretio ni ndagitari Sam Njiru, marigitari aya marathinjire kiongo kia murwaru wa miaka 52  uikane ta Henry Mutinda hatari marihi.   Thutha ucio ndagitari Njiru atariirie ati maraninire mathaa matatu na  gutiri kihingica  mangitariria maracemanirie […]

Iceera ria Ruto Tharaka Nithi

Munini wa President William Ruto nioritie mangabana kurugamia mubango wao wa guthitanga thirikari nene niundu wa kurenga mbeca iria cigayagirwo kaunti, akiuga ngucanio gatagati kao na thirikari nene niigutuithanio wona maikara thi kwaraniria. Akiaria mwena wa Marimanti kaunti ya Tharaka Nithi , Ruto augite ati wona kanju ya mangabana yathitanga thirikari nene, aria mekugunika ni […]

Ciana ndorania gutugwo Leshau, Nyandarua

Arutwo, arutani, aciari hamwe na anyiti itemi ruhonge-ini rwa githomo nimoritio kugia na ngwataniro njega ya gwetha kihonia kia mathomo maria marahaguka o mwaka gitaru-ini gia gatagati wa bururi. Riitana riri rirutitwo ni atongoria matiganiite county-ini ya Nyandarua, hindi ya gutuga arutwo aria mekite wega thukuru-ini wa anake wa Leshau, Nyandarua ya rugongo. Thukuru-ini wa […]

Thirikari gwitia uteithio kuuma na nja guthuthuria njama ya kuuraga Ruto

Gwikuanira kuria gwi thirikari-ini nikuo gutumite thirikari itie uteithio wa kuuma na nja guthuthuria hahu ya kiruru kia igeria ria kuraga munini wa President William Ruto kiria gicuhiriire thirikari. Mutongoria wa thitango cia muingi Noordin Haji ougite ati uthuthuria uria moumirira maguo mangitikirika ni miahu iria irakuruhanio na igeria ria kuuraga Ruto, ungitabanio ni ruhonge […]

Munara wa Dedan Kimathi kuirigirwo, Nyeri

Waaki wa munara wa kuririkana uria waari mutongoria kuruira wiyathi Dedan Kimathi niwanjitie, thuutha wa kaunti ya Nyeri kuiga keheri-ini mbeca waaki ucio itari-ini ria mahuthiro ma thirikari iyo ma mwaka wa kigina wa 2019/20. Munara ucio riu niurairigiirwo haria hatuikaga niho Kimathi oragiirwo. Bamiri ya Kimathi ikoretwo ikihoya thirikari ya kaunti gwaka munara ucio […]

Mundurume kugurario ciiga cia thiri, moko na maguru ni hiti, Isinya-Kajiado

Mundurume umwe wa ukuru wa miaka 26 arahonia nguraro thibitari-ini munene wa Kajiado, thuutha wa gutharikirwo ni hiti iria iramuguraririe uuru kuguru, guoko na ciiga ciake cia uciari. Mundurume ucio aratharikiirwo mwena wa Isinya riria aragitagira mahiu make kuumana na tharikira ya hiti iyo. Mundurume ucio augite arakirirwo hinya ni hiti iyo, na thuutha ucio […]

Ugwati wa diapers

Miaka 2 thutha wa  ngwataniro ya NEMA kugathika watho wa kugiria uhuthiri wa maratathi  ma minyore bururi-ini,  gikundi giki  nigikiirio  ihoya  gikiurio kigirie  uhuthiri wa  diaper  cia  kuoha ciana gugituika niikoretwo iri kigio ciara-ini amu itibuthaga. Ihoya  riri  riikitio  ni  obithaa  murugamiriri  wa  maria  maturigiciirie  thirikari-ini  ya  Kilifi  akiuga  thengia  ya   kuhuthia  muturire, diapers niirathukia […]

Aikari a Kanyuambora gukaya, Embu

Aikari aria mahuthagira barabara ya Kanyuambora guthii Kamumu, Mbeere ya rugongo nimacakaite kuumana na guthuka kwa barabara ino. Aikari aya moigite barabara ino ikoretwo ithukite kwa ihinda iraya mateta mao makihingirwo matu ni atongoria aria mabatii guthingatithia guthondekwo kwa barabara ino. Aikari a Kanyuambora, Mbeere ya rugongo kaunti ya Kiambu metagirira mathondekerwo barabara ino indi […]

Kiriro kia ruo rwa ironda cia ngi, Kiharu-Murang’a

Aikari a matuura ma Gitungano na Kaari mwena wa Kiharu kaunti-ini ya Murang’a ni maikitie ihoya metherwo ndawa ya guitwo Kiara-ini kiri gicigo-ini kiu. Ikaya riri riumanite na uria maranyamario ni ngi na rwagi na kumatiga na ironda iria marauga ingikahona marakorwo na ruo ruingi. Icigo-ini ici nikuo giko kiria kirutagwo tauni-ini ya Murang’a gitwaragwo. […]

Prof. Ngugi wa Thiong’o: Hari bata kumenya thiomi cia unduire

Mwandiki wa mabuku wi gatu  Prof.  Ngugi wa Thiong’o  oritie thirikari kuongerera kigina gia kugura mabuku ma thiomi cia kiunduire mutaratara-ini mweru wa githomo. Akiaria hindi ya iceera riake cukuru-ini wa secondary wa Ongata Olorieni kaunty-ini ya Kajiado, Ngugi augite kumenya thiomi cia  unduire ni gutumaga mundu agie na muthingi mwega wa kumenya thiomi iria  […]

‘Tuthondekerei bara’, Aikari gukaira thirikari, Kilimambogo

Aikari a Kilimambogo mwena wa Thika kaunti ya Kiambu ni maikitie ihoya kuri thirikari mathondekerwo barabara ya kuuma Oldonyo Sabuk guthii Tala, iria o uria thiku irathii noguo irathii ithukite. Matereba ma ngari cia gukuua muingi nimambitie kweheria ngari brabara-ini ino niundu wa guthuka, undu uria utumite athii mathinike muno. Marima maria mari barabara ino […]

Ngumo ya mwarimu Wanjiku uria uratugirwo ta mwarimu mwega muno wa ICT

Tiga arutani a mathomo ma computer, arutani a mathomo mangi mahuthagira  mabuku guthomithia  arutwo ao. No kuri na mwarimu  umwe wa Kirinyaga  wa mathomo  ma  gwitheri na CRE wikuraniire niundu wa  gukorwo agithomithia kuhuthira  kompyuta. Mwarimu  Catherine Wanjiku akoretwo agithomithia arutwo ake mathomo maya akihuthira njira cia kiriu undu uria utumite atamburwo na kuheo ngerenwa […]

Cienderio ciothe cia njohi iri hakuhi na micii kana cukuru ihingwo

Maabithaa  a ruhonge rwa wathani, thirikari cia kaunti hamwe na honge cia kuhurana na uhuthiri wa ndawa cia kurebia na njohi, ithingatitwo itigirire gutiri cienderio cia njohi iraruta wira hakuhi  na ciikaro cia muingi kana cukuru, ari njira ya gutigirira arutwo matinagwa  mutego-ini  wa unyui  wa  njohi. Munini wa minista wa ugitiri Kang’ethe Thuku niwe […]

Sheyis Jepkoskei, muiritu wa maheni kuhithukio ati ni mundurume, Eldoret

Maabithaa a borithi tauni-ini ya Eldoret nimahithukitie ati mutenge’eri wi gatu wa mahenya ma gutua ng’ondo Sheyis Jepkoskei ti muiritu ta uria atuuraga augaga na agateng’era mahenya ma airitu, indi ni mundurume. Wara wa Jepkoskei umenyekete thutha wa guikio ngono ningi etuite murigitani thibitari-ini munene wa Moi Teaching Eldoret, na agitwarwo ceceni-ini ya borithi niguo […]

Kigina gia kuhurana na ng’aragu kunyihio mbanjeti-ini ya 2019/20

Kigina kiria kiigitwo keheri gigitanywo guteithia gutigirira kuri na buthi wa irio bururi-ini, nikinyihitio. Kuringana  na gikundi gitari gia githirikari  gitagwo Food  Initiative,  kigina kiria kigairwo mubango-ini uyu thiini wa mbanjeti ya mwaka wa kigina wa 2019/2020 ti kiiganu  gutigirira muingi uri na irio  cia kuigana. Gikundi kimwe kiria kiruagiriria kihoto kia uigananu wa irio […]

Ndumo ya ugikuyu, Kiambu

Mitugo  ya unduire  wa  ugikuyu  kauti-ini ya Kiambu ni  ikoretwo igitugirio  na njira ya kuhe ikundi iria irumbuyanagia na  unduire   mieke  ya  kuonania  mathaga, irio  ona  kuhuthira nyimbo cia unduire  na  marebeta.  Ikundi  ici  ni  irathaganirie  monanio  ma  nyimbo   cia unduire   niguo  kuhimbiria  na  gutugiria  nyimbo  iria ciainagwo  tene. Unduire-ini  wa  agikuyu,   rwimbo  rwainagwo   na  […]

Andu aria mari na mawathe kugunika na uteithio wa indo cia kwambiriria mawira, Eastern

Andu aria makoragwo na wathe kuuma gicigo kia irathiro ria bururi nimagunikite na uteithio wa indo itiganite, cia kumahotithia  kwambiriria mawira.  Ona kuri uguo,  andu aria makoragwo na wathe nimahinyiriirio kwiyandikithia, niguo makagunika na uteithio uria uheanagwo ni thirikari kuri andu aria mari na wathe. Indo cia uthaka, cia urimi o hamwe na cia ubundi, […]