Biacara cia kuiganira mirigo, Nairobi

Kwiragwo wira ni wira, na Nairobi ni mugunda wa mahiga, na nikio andu aingi moka guku Nairobi metungumanagia mawira-ini matiganite naari mone kaa nimakeruta. Na niundu wa uria andu maingihirie mihang’o Nairobi, kuri onjoria maambiriirie biacara cia kuigira andu mirigo yao, niguo mahote kuriunga matagukuwania mbigiga.

Iratu, maguta, nguo ,keki mitungi na ngunia no imwe cia indo iria cigithitio nduka-ini ino iria John Kihara ahingurire mwaka umwe muhituku iri ta ndaraca gatagati ka onjoria na aguria ao.

Nduka ino ya Shikilia mizingo iria iri na aruti wira 6 ikoretwo ikinyitirira mirigo ya onjorioa aria matabanagiria biacara ciao nenda-ini cia ukinyaniria, kuona matikoragwo na nduka ciao kiumbe na oho igateithirira kuiga mirigo ya andu aria mena mihang’o mucii-ini munene wa Nairobi no matiri na handu hakumiiga.

Kihara aratutariria ati matithutukanagia mirigo iria maratwarirwo amu moyaga indo ciothe na mahinguraga nduka ino mathaa 14 o muthenya.

Na niguo gutigirira gutiri mundu woya murigo wene, o murigo niuheyagwo namba ya mwanya iria iteithagirirai kumenya mwendia, muguri kana mwene murigo ohamwe na kuhurana na turia nime.

Oho kuona ni andu aingi marehaga mirigo yao haha, Kihara atigiriire nimagathikite kamera cia CCTV niguo kumenya aria mararehe na kugira murigo na oho mbere ya mamukirite murigo nimatigagirira nimauthuthuria niguo gutigirira nduri na kindu kingiguraria muturire wa andu.

Oho onjoria aria makoretwo makiiga indo ciao cia kwendia nduka-ini ino nimamiganite makiuga ikoretwo iri kiguni kinene muturire-ini wao amu niimanyihiirie muigana wa mbeca iria mangihuthira kuhingura nduka na oho ikamateithiriria gukorwo iri ndaraca gatagati kao na aguri ao. Kuona biacara ino itheremete kuumana na riciria rinini riria Kihara agiire nario mwaka umwe muhituku andu ethi kuuma miena itiganite ya bururi nimaratarwo magerie gucaria biacara cia mwanya iria mangiambiriria handu ha kwihoka mawira makwandikwo.

Leave a Reply

Your email address will not be published. Required fields are marked *