Category Archives: news

Kigeranio gia KCPE kurekererio na ciiraniro cia thirikari kuri arutwo kuongerereka

Gutiri murutwo ona umwe gatagati ka arutwo makiria ma mirioni 1 aria marekire kigeranio kia mwaka uyu gia kcpe megukanjirwo moimirira mao. Uu ni kurumirira mitaratara mikinyaniru, iria ministry ya githomo irauga ikiriire, gutiririra gutiri na mianya ihina-ini riria arutwo mareka kigeranio. Minista wa githomo prof George Magoha, augite no meguthii nambere na kwikirira kwararamia macukuru […]

Mukana kurutwo kuri arutwo aria matari mariha HELB

Angikorwo thirikari niyagutamburukiirie uteithio wa ngombo cia mathomo HELB, na nduigana kuriha, hihi ni kuremwo kana kurega, thiku mirongo itatu kuuma umuthi thirikari yugite ni igucabithia maritwa na mbica cia andu ta acio ngathiti-ini maaga kwiyumiria na kwaraniria na ruhonge ruru.ngombo iria citari cia cokio, kuratuika nicikururitie mubango wa guteithia arutwo angi abataru Ona mwaka […]

Aikari gutetia guthuka gwa barabara, Kariiki-Chinga

Aikari a ituura ria chinga matacukitie ikinya ria guithondekera barabara ya Kariiki, thutha wa honge iria ciagiriire kumithondeka kugonderera wira-ini na muthia-ini kureka marima marituhitie mihangó ya ukuui methegee. Marauga ati kwa ihinda iraya matuirio ni ciiraniro itakinyanagira undu uria utumite matacukie ikinya riri Matongoretio ni mca wao, aikari a Chinga Othaya county ya Nyeri […]

Arutwo a JKUAT kururungana magitetia uhaguku wa ugitiri

University ya Jomo Kenyatta niihingitwo kwa ihinda ritoikaine kuumana na mururungano wa arutwo aria  meyumiririe barabara-ini nene ya thika  makimenereria uhaguku wa ugitiri mwena ucio kuria tharikira cia arutwo ciongererekete. Mururungano uyu ucungiriire arutwo 9 guikio ngono na angi aingi kugurara amu borithi kuuma ceceni 4 nio mekinyirie guthararia mururungano uyu kuria ona muingi unyitaniire […]

Mwikinai kwineana gwi borithi, Kiambu

Mwikinai umwe nieneanite moko-ini ma borithi mwena wa Kiambu, na agacokia mucinga muthemba wa pistol uria akoretwo akihuthira kwaagagia muingi. Aikari nimoritie maobithaa a borithi magacirithie ugitiri mwena uyu, kumana na kiria marauga ni wongerereku wa ciiko cia wikinai.kaunti-ini ya kiambu mwikinai umwe nieneanite moko-ini ma borithi, na agacokia mucinga uria urekuirwo akoretwo akihuthira gutabania […]

Ikereka ria muthia ria mehaririria ma githurano kinini, Kibra

Mehariria mothe ma githurano kinini gicigo-ini gia Kibra guku Nairobi mari ikereka-ini ria muthia. Mihang’o iyo iraroka gutabanio muthenya wa ruciu kurumirira gikuu kia uria waari mumbunge wa gicigo kiu Ken Okoth. Kamiti ya ithurano na mihaka bururi-ini IEBC yugite karani aria makarugamirira githurano kiu ni marikitie mehariria mao. Ahuraniri mirongo iiri na ana nio […]

Murutwo umwe kung’athiria kigerio na kuuga ndehariirie wega, Nakuru

Murutwo umwe mwena wa Rongai Nakuru, niamakitie maobithaa aria mararugamirira igeranio, thutha wa kung’athia guthii nambere na kigeranio, akiuga ndehariririe kuigana. Munini wa commissioner wa Rongai Julius Kavita, augite murutwo uyu atariirie arenda gugeka kigeranio giki mwaka uukite, kuona ari na mwana wa mieri itatu uria arenda kwamba kurera. Igeria ria maobithaa aya kumuthaitha aikarire […]

Arutwo guthomera KCSE ‘lodging’

Arutwo 3 aria mareka kigeranio gia KCSE thukuru-ini wa airitu wa Moi Eldoret, macungiririrwo gukomaga lodging na kuroka gwika kigeranio o gwakia o mutheya, thutha wa kuingatwo thukuru makirikana ni kwaga mitugo miega. Arutwo aya aria maumite kaunti-ini cia Kisumu na MERU, maugite riu mareka kigeranio rungu rwa uhinyiririku munene, kuona matiri na mabuku ma […]

Gubanga uciari na unyui wa njohi gukuruhanio na unyihu wa andu bururi-ini wa mugikuyu

Bamiri nyingi gicigo-ini gia Gikuyu-ini ni iragia ciana itakirite ithatu undu uria ukuruhanitio na gukundera kwa namba ya muingi kuringana na riboti ya ithabu ria muingi iria irarekererio ni ruhonge rwa ndari. No ona gutuika namba ya muingi thiini wa icigo cia gatagati wa bururi ni yongererekete na andu million imwe na gukinya andu million […]

Muthigari umwe kuraga ithe, nake kurathwo na gukua hau hau, West Pokot

Gukirite kieha itura-ini ria Shabwali mwena wa Shinyalu kaunti-ini ya Kakamega, thutha wa abithaa umwe wa borithi kuuraga ithe mumuciari. Maurice Mang’ong’o arathiite gucerera muriu uria urutaga wira kambi-ini ya AP mwena wa West Pokot, no handu-ini ha kwamukirwo na gikeno arathecangirwo na kahiu na kuuragwo. Hindi iyo nirio abithaa ucio uria ukurikanite ta Kevin […]

Nonginya tunengerwo kiria kiri gitu ta magoti :Maraga kuuga

Hatari nganja, mihangó hakuhi yothe ya ruhonge rwa ucirithania niyonjete na magoti mamwe makambiriria kuhingwo ni undu wa waagi wa mbeca. Mutongoria wa ruhonge rwa ucirithania David Maraga augite ati magoti mothe ma gucokia ciira riko matigucoka kuruta wira tondu gucehurirwo mbeca kwa ruhonge rwa ucirithania rukuhutia acirithania aria matungataga icigo itiganite ihinda kwa ihinda. […]

Riboti ya utarani wa mwaka 2019 kuonania akenya ni mirioni 47.6

Bururi wina akenya mirioni 47.6 kuringana na moumirira ma utarani wa andu wa mwaka wa 2019.   Riboti ino ironania ati kaunti cia Nairobi, Kiambu, Naikuru, Kakamega na Bungoma nicio ciina andu aria aingi muno nacio iria ciina andu anini ni cia Lamu, Isiolo, Samburu Tana River na Taita Taveta.Mieri inyihiire itatu kuuma ruhonge rwa […]

Ugemu wa igongona ria ngurario ya ngabana wa Nyandarua

Ituura ria Kamuru, kaunti-ini ya Nyeri wikendi hituku nikuo igongona ria uhiki wa mwanya wa unduire wa ngabana wa kaunti ya Nyandarua Francis Kimemia riratabaniirio. Makumi ma nyumba na arata marari na mweke wa guthoma unduire wa mugikuyu mutaratara-ini wa kihiko makiuga ni njira ingiguciriria andu kuhimbiria ikinya riri. Ngemi,nduhio na nyimbo cia gukunguira nicio […]

Cemania na Elijah Kariuki murutwo wa miaka 29, Murangá

Riri arutwo a form 4 mararoka gwika kigeranio kiao gia KCSE guothe bururini, county ya Murang’a kuri na murutwo wa mwanya uikaine ta Elijah Kariuki uria ni wa miaka 29, murutwo uria mukuru makiria kaunti-ini ino kigeranio-ini giiki. Kariuki  acokire thukuru wa imwana wa Kangema mwaka muthiru thutha wa guikara nja kwa ihinda ria miaka […]

Murutani munene guikio ngono ni kugiria murutwo gwika KCPE

Borithi mwena wa Kirinyaga, nimaikitie ngono murutani munene wa thukuru umwe kiumbe mwena wa Keruguya , mari hamwe na obithaa wa kurugamirira kigeranio, thutha wa eri aya kuingatithia murutwo uraikaragira kigeranio gia KCPE. Kuringana na murugamiriri wa githomo kaunti-ini iyo Abdikarir Hassan Ali, eri aya marerikana maraingatire murutwo uyu ni undu wa itumi itakurikanite wega, […]

China kurega makorobia ma Kenya ati matikinyaniirie ikiro

Hakuhi arimi othe aria a makorobia matingitie ithimi cia urimi iria thirikari ya China igathikite mbere ya itikirie matunda maya gutonya thoko-ini ya bururi-ini ucio. China yuugite uthuthuria wayo wonanitie ati ndawa nyingi iria irahuthirwo ni urimi-ini uyu ni ugwati hari ugima wa mwiri na guitikiria matunda maya matonyio bururi-ini ucio ni kuumbikira andu ayo […]

Kenya niikwendia maguta matangi 500K maria marenjwo Turkana

Bururi wa kenya niutanyite kwendia matangi ngiri magana matano ma maguta maria makoretwo makienjwo mwena wa Lokichar, kaunti ya Turkana.  Thuguri ino itanyitwo gucangira gicunji kia mbeca cia guteithiriria waki-ini wa miberethi ya maguta o undu umwe na wenji wa ithima ingi cia maguta…. Thabari ndaya yambagia na ikinya rimwe na makinya ma kuhingia mworoto […]

Gicanjama mwana akigunario ni nyina na ithe mumuciari

Kurokire gicanjama ituura-ini ria nderi Kikuyu, kaunti ya Kiambu, riria muthuri na uria wari mutumia wake kugucaniria mwana wao.kuratuika ithe wa mwana akuuire kairitu gaka kari ka miaka iri na agikahitha, na riu karacokire mucii thuutha wa miaka mugwanja .Riu ithe arokire kugiira  mwana mucii kwa uria wari mutumia wake  akiuga ucio tiwe nyina… Ni […]

Mwikuirwo uria ucukiirwo kuiya mbeca agitua muruti wira wa Safaricom gukinyio igoti-ini

Mwikuirwo uria ucukiirwo mahitia ma kuiya akenya mamirioni ma mbeca na njira ya gwitua ati ni muruti wira kambuni-ini ya Safaricom, niakinyitio igoti-ini ria Kiambu na kuhingurirwo thitango. Robert Mwaura uria wiriga guikio ngono akiruta mbeca kuuma macini ini ya ATM, arerikana akoretwo agikungiria waara aria ahurira thimu, na njira ya kumatumira namba iria aria […]

Maithori na ihoru iguru ria kirathimo kia mwana.

Bamiri imwe mwena wa Meru iri na gikeno thutha wa mwana wao kurathimwo na mwana wa kairitu thibitari-ini wa Isiolo. No kieha kiria mari nakio ni gukorwo matiui uria mwana uyu egukura kuona nyina ari na wathe wa meciria na guthukia muno aranyitwo ni murimu wa fistula aakigia mwana uyu. Eri aya maikaraga na cuwe […]

Thirikari kwambika mihang’o ya gutangikira andu aria magumiirwo ni muiyuro bururi-ini

Thirikari ni yambikite mubango wa kuheyana uteithio wa irio na indo ingi cia kimuthingi kuri makiri ma bamiri iria ciagithitio uikaro ni muiyuro wa kiguu kurumirira mbura nene iria irathii nambere. Minister wa thirikari cia matuura Eugene Wamalwa augite andu othe aria magumiirwo ni thina ucio ni mekuheo uteithio uria urabatarania. Aheyanite uhoro uyu ari […]

Uheani wa njanjo ya kurigiriria cancer kuri ciana cia tuiritu twa miaka ikumi kwambiriria

Uheani wa njanjo ya kurigiriria murimu wa cancer ya nyungu ya uciari kuri ciana cia airitu cia miaka ikumi, ni uracokereria umuthi mathukuru-ini.Mubango ucio waruguririo muthenya wa gatano kiumia githiru ni mutongoria wa bururi Uhuru Kenyatta mwena wa Mombasa. Kuringana na ruhonge rwa ugima wa mwiri wa muingi, atumia kenda ni makuaga o muthenya kumana […]

Mutumia uria wathinjirwo nyondo uru thibitari-ini ya Karatina ni murutwo gukua

Mutumia uria waathinjirwo na njira itari nginyaniru thibitari-ini ya Karatina mwena wa Nyeri, ni akuite thutha wa gutoorio ni mathina maria maumanire na urigitani ucio muuru. Rosemary Wangu akuite kiumia kimwe thutha wa kamiti thuranire igii ugima wa mwiri mbunge-ini ya bururi kwambika utuiria iguru ria giko kiu. Wangu kuuma mwena wa Kirinyaga athinjirwo nyondo […]

Andu 5 gukua mutino-ini iiri ngurani mwena wa Ikamba ini

Andu atano ni makuite kurumirira mitino iiri ngurani ya barabara mwena wa Ikamba-ini. Mutino wa mbere ucungiriire ikuu cia andu atatu thutha wa ngari yao guthererio ni kiguu itura-ini ria Kakumuti barabara-ini ya Kitui guthii Matinyani. Munene wa borithi mwena wa Matinyani John Sawe augite mundu wa kana uria uuma ngari-ini iyo ari muoyo no […]

Urathi wa riera kuuga mbura nene niitanyitwo gatagati ga bururi

Mbura nene iria ikurumirirwo ni huho ni itanyitwo guthandana kuuma muthenya wa kana nginya muthenya wa kiumia o kiumia giiki , gukirikana  ikaringa na uritu munene wa mirimita 40 , na yaya gutamba nginya  icigo iria itamukagira mbura  nene. Ruhonge rwa urathi wa riera ni rurutiiire  mukana aria maikaraga kundu kuria kugomagirwo ni matwika na […]

Eliud Kipchoge gutugwo na njira ya mwanya, Eldoret

Thutha wa njamba nguthi ya marathon Eliud Kipchoge kuonania ati nima gutiri undu njogu, na undu muritu no uria utari mwanjiririe, munini wa ngabana wa Uasin Gishu Daniel Chemno nieraniire ati mibango ya gugathagana na gukunguira Kipchoge kuuma mwena wa Vienna, Austria niyambiirie. Kipchoge, arakunguirwo thii yothe thutha wa gubunja rekondi ya mundu umwe wa […]

Thutha wa thiku 13…

Ti thiku imwe kana igiri, no thutha wa thiku 13 rungu wa iria ria uhindi, ngari hamwe na miiri iri, Mariam Kighenda wa ukuru wa miaka 35 hamwe na mwana wake wa ukuru wa miaka 4 Amanda Mutheu, niirikitie kurutwo ndagika onini tu thutha wa thaa ikumi cia hwaini umuthi. Ngari ino, KCB 289C muthemba […]

Kipchoge agiriirwo ni gutengera mita 5 hari sekondi imwe

Eliud Kipchoge abataire guteng’era mita ithano turuma inyanya  hari sekondi imwe niguo gukinyaniria kahinda ka ithaa rimwe na ndagika mirongo itano na kenda hari kilomita 42 kiroko  kia Jumamothi. Vienna, Austria ari guo mucii uria kambuni ya Ineos iracagurire guteng’ererwo ihenya ria marathon ria ineos 1:59. Mwene kambuni ya Ineos  Sir Jim Ratcliffe kuuma Ngeretha […]

Ene irabu kuuga nimagagitio ni borithi , Kayole

Ene irabu na mikawa mwena wa Kayole  guku Nairobi ni makaiire minista wa ugitiri Fred Matiang’i, kurangithia maguru make gicigo-ini kiu, niguo  gukumithia maabitha aborithi aria kuratuika mamagithiitie thaayu na kumahahura o gwakia., Mbica cia CCTV ironania  andu aria marerikana ni maabitha a borithi makihobaniria kirabu kimwe na kuamurithia andu maikare thii, na thuutha ucio […]

Ndereti ya Punguza Mizigo ikirie guthira, hihi mendekithia maya nimekuhituka?

Mbunge 39 cia matuura itiri irahetukia kana kuregana na ndereti ya gucenjia gatiba ya Punguza Mizigo, oriri ihinda riao ritigaritie kiumia kimwe. Nginyagia riu ciikaro mugwanja cia mbunge cia matuura ni iteyaniirie ndereti iyo ya kiama gia Thirdway Alliance, no Uasin Gishu ikamihetukia. Kuringana na gatiba ya bururi, ndereti iyo irabatara gukorwo iheyanirwo mwerekera mbere […]