Cemania na Elijah Kariuki murutwo wa miaka 29, Murangá

Riri arutwo a form 4 mararoka gwika kigeranio kiao gia KCSE guothe bururini, county ya Murang’a kuri na murutwo wa mwanya uikaine ta Elijah Kariuki uria ni wa miaka 29, murutwo uria mukuru makiria kaunti-ini ino kigeranio-ini giiki.

Kariuki  acokire thukuru wa imwana wa Kangema mwaka muthiru thutha wa guikara nja kwa ihinda ria miaka ina amu ekire kigeranio gia KCSE mwaka wa 2010 no akinyita c.

Augite acokire thukuru ari na itanya ria kunyita grade ingimuhotithia guthii university niguo kiroto giake gia gugatuika surveyor kihinge

Arutwo ngiri mirongo iiri na inya na magana kenda ma mirongo iiri na ana, nio mareka kigeranio gia kcse mwaka uyu county ini ya Murang’a, kuria mehaririria moothe makinyite muthia.noo gatagati wa arutwo aya ni Elijah Kariuki kuma thukuru wa imwana wa Kangema, uria ni wa ukuru wa miaka 29, na atigire mutumia wake na kana mwaka muthiru na agicoka thukuru form 3, na niwe murutwo uria mukuru muno kigeranio-ini giiki kaunti-ini ino.

Kariuki uria aumiite ituura ria komboini county ini ya kirinyaga na ni mwana wa ndigwa, ekire kigeranio gia form 4 secondary ya kiaga mwaka wa 2013,  indi akinyita grade ya c minus iria itamukenirie. Thuutha wa guikara nja gwa kahinda ka miaka ina agitwraithagia nduthi, agiciria acooke thukuru amu endaga gugatuika survayor

Arutani thukuru ini uyu matwiriite kariuki akoretwo ari murutwo mwathiki na kionereria kiega hari arutwo aria angi. Mwihoko munene wa murutwo uyu nikunyita makiria ma B plus, marks iria angienda ikamuhotithia guthii university, niguo kiroto giake gia gugatuika surveyor kihinge

Leave a Reply

Your email address will not be published. Required fields are marked *