China kurega makorobia ma Kenya ati matikinyaniirie ikiro

Hakuhi arimi othe aria a makorobia matingitie ithimi cia urimi iria thirikari ya China igathikite mbere ya itikirie matunda maya gutonya thoko-ini ya bururi-ini ucio.

China yuugite uthuthuria wayo wonanitie ati ndawa nyingi iria irahuthirwo ni urimi-ini uyu ni ugwati hari ugima wa mwiri na guitikiria matunda maya matonyio bururi-ini ucio ni kuumbikira andu ayo mutego wa gikuu.

Mieri itandatu mithiru nirio arimi a avacado mareheirwo itumi cia gukunguira, thutha wa kuirwo ati president uhuru kenyatta niateithiriirie kuhingura thoko ya andu mirioni imwe kuuma bururi-ini wa china no kiria matahithuriirio ni mikana ya thoko ino, iria ikinyitie muthia ndumo ya arimi.

Ngerwa ya mbere na iria itaringagwo itheru ni china, ni ya kugitira andu ayo, na kindu gia kuria gigitonyio thoko-ini ino nonginya gikorwo gitari nam ugwati o wothe. No ndawa iria cihuthagirwo ni arimi a avocado guuku bururi-ini ni ugwati hari ugima wa mwiri, na matingitikira citonyio guuku bururi-ini

Mumbunge wa uasin gishu gladys shollei niambiriirie  mubango wa kuiguithia mbunge iingate guuku bururi-ini kambuni imwe cia ndawa ici, akiuga ati uhuthiri wa indo ciacio niguo utungitie arimi na ahuthiri a magetha mao ngero cia mirimu.

Mikana ingi thirikari ya china igathikite ni ya gutigirira ati avocado yagethwo, iriunuragwo ngothi igacoka ikaigwo heho-ini ya thi wa negative 30 degrees c na yanjia thabari yerekeire bururi-ini wa china heho ino ikagwa nginya negative 18 degrees celsius. Arimi anini matingihota kugura macini cia mamirioni ma mbeca gukinyaniria mukana uyu, na hari kambuni 100 iria iraikitie ihoya ria gutwara avocado china, no imwe tu ingiheo rutha.

Mangabana ma gitaru kia gatagati nimetikirite ati nimanyitite riboti ino, makiorotwo ni guikirira kuhee arimi mbegu handu ha kumabundithia njira cia urimi iria ciguitikirika. Thirikari irokirirwo ni guitikiria ndawa ta ici ithii na mbere kuhuthika guuku bururi-ini igikuirwo nicio itonyetie andu aingi ugwati-ini wa kunyitwo ni mirimu wa cancer

Leave a Reply

Your email address will not be published. Required fields are marked *