Ciana guciarwo citakinyitie uritu uria wagiriire, Murang’a

Kwaya gukoruo na ugwati thibitari ini nene ya Murang’a, thuutha wa atumia aingi na airitu gukoruo makigia na ciana citakinyaniirie kilo iria ciagiriire.

Arigitani aria maaraniirie na Inooro TV maugite kaingi thina uyu umanaga na atumia aritu kwaga guthii Clinic kuheo mootaro ma miikarire iria magiriiruo guthingata riria mooha nda.Nurseries cia ciana thibitari-ini uyu ikirie kuihura undu uria ungikoruo uri ugwati.

Gukiri ugwo atumia kana airitu mooha nda nimataaritwo bata wa guthiaga clinics na guthiaga kuheerwo ciana thibitari .No ringi na ringi airitu aya na atumia matikoraguo makimenya gitumi gia kugia na ciana itakinyaniirie kilo.

Thibitari-ini ici, rumu ibataraga utheru wa mwanya, kuona ukiingira noonginya ukaruta iratu na ugeethamba mooko mbere ya uhuutitie kindu oo giothe.

Ciana iria ciaciarwo itakinyitie kilo imwe, noonginya ikagerera macin-ini nginya igakinyia makiria ma kilo imwe na nuthu.

Ni rumu ina macini cia mwanya, iria iteithagiriria hari gukura gwa twana tutu, turia tukoragwo ugwatini wa kugumirwo ni mirimu itiganiite.

Arugamiriri thibitaari ino, nimatariirie bata wa atumia na airitu mooha nda guthiaga clinic na Hindi ya kuohoka yakinya magathii thibitaari..

Leave a Reply

Your email address will not be published. Required fields are marked *