Ciondo cia marigu kuuma Kirinyaga kuguciriria thoko ya nja wa bururi

Muthenya umwe thutha wa ceceni ya iNooro TV kumurika uguni wa magoko ma marigu mwena wa Kirinyaga, riu arimi a marigu mena gitumi gia gukena thutha wa kiama kia ahuri biachara Kirinyaga kuga nikianjitie mitaratara ya gucariria arimi thoko ya ciondo iria itumagwo kumana na magoko maya.

Arimi a marigu kaunti-ini ya Kirinyaga riu mari na gitumi gia gukenerera, kuumana na umithio wa urimi uyu, uria umaheithitie thoko njeru nja wa bururi, riu  thoko ya indo ici ninyoneku.

Kuhetukira muikariri giti wa kiama giki kuma kauntiini ya Kirinyaga Njogu Waweru, kaunti ya Kirinyaga ina uhoti wa kuruta ndigi kumana na miramba ya marigu iria yumanaga na urimi uyu na njira nene kauntiini ya Kirinyaga, na uguo kuguna arimi kaunti-ini ino.

Gitari augite ati kwaga uhoti wa kurugamirira uthondeki wa indo ici, nigitumi kinene kiria kirahotomia mihang’o yao, no mwenaini wake, murugamiriri wa kiama kia ahuri biacara kauntiini ya Kirinyaga, akamerira uteithio wao, na kuhoya thirikari ya kaunti ingirire niguo marutithanhie wira hamwe, kugacirithia miturire ya arimi aya.

Arimi aya riu nimanjitie kuona umithio wa urimi wao, kurumirira uguni uria marona kumana na magoto ma miramba, na wendia wa marigu, makiria mwena wa Gichugu.

Leave a Reply

Your email address will not be published. Required fields are marked *