Uthuthuria kuuma mathibitari-ini kaunti-ini ya Machakos uronania ati arutwo airitu o makinya 200 a miaka 10-19 nimaroha nda o kiumia o kiumia, namba iria iratimira 4,000 kahinda-ini ka mieri itano mihituku.
Ruhonge rwa ciana kaunti-ini ino, ruragiritania wongerereku wa ciana kuoha nda, kuuma riria cukuru ciahingirwo niundu wa COVID-19, undu uria utumaga ciana ciurure icagi-ini citari na mucirori na uguo guciiga ugwati-ini wa kuhahamwo kimwiri ni aria mari hakuni nacio hamwe na andu a ituura.
Abithaa wa ciana kaunti-ini ino, augite ati aciari nio magondereire ureri-ini akiheana muhiano wa aciari aria maratwara ciana icagi-ini, wira wao ugakorwo no kumatumira giakuria matekwenda kumenya miikarire ya ciana ici.
Riu aciari marorio marahuke ureri-ini na mamenyerere ciana ciao.