Kambiini ya Donald Trump guthingitha thutha wake na mutumia wake Melania Trump kuonekana na COVID-19

President wa bururi wa Amerika Donald Trump na mutumia wa Melania Trump nimamenyekanite mena murimu wa COVID-19.

Akianirira ndeto ino kuhitukira account yake ya twitter, President Trump augite ati mena mutumia wake meguikara keheri-ini nginyagia riria ithimi ciao cikonania ati nimahurana na murimu uyu na ma utoria.

Riri bururi wa Amerika watigia thiku 31 utonye githurano-ini kia upresident, campaign cia president Donald Trump, uria uratetera giturwa giake na tigiti wa kiama kia republican cithingithitio na njira ya mwanya, thutha wake na mutumia wake melania trump kuonekana mena murimu wa COVID-19.

Kwa ihinda ritanyihiire thiku ikumi na inya, President Trump egubatara guikara nja wa mugithi wa gwetha kura, kuhitukira accounti yake ya twitter we na mutumia wake akiuga matiri na wa guika tiga guikara keheri-ini nginyagia riria ithimi ciao cia murimu uyu igacenjia. Amemba a kiama kia republican riu matigitwo kiharo kuihuria ithenya ria Trump.

President wa Amerika akoretwo agiukirirwo ni kwaga kihariro maita maingi agitongoria hari kwagarara mawatho ma kuhurana na murimu wa COVID-19. Riri murimu uyu wihiriirie bururi-ini wa Amerika, akoretwo akigomithania makiri ma andu hamwe na guthing’iriria arumiriri ake matikehumbe mask na kaingi arakoretwo akinyurururia andu aria mekirite mask na nginya kumacinura king’ang’a-ini.

Bururi wa Amerika niguo wamukirite igutha inene muno kuumana na murimu uyu na gukinyiria riu makiria maa arwaru mirioni mugunja na rekondi ya makiria ma ikuu ngiri magana meri. Akiaria na mwandiki umwe wa mohoro kiambiriria-ini kia mwaka uyu, Trump augire niataukiirwo wega ni uritu wa ngero iria ingicungiriirio ni murimu uyu, indi agicagura kuuhuthiriria ati niguo ndakaguoyohie muingi.

Leave a Reply

Your email address will not be published. Required fields are marked *