Ene irabu kuuga nimagagitio ni borithi , Kayole

Ene irabu na mikawa mwena wa Kayole  guku Nairobi ni makaiire minista wa ugitiri Fred Matiang’i, kurangithia maguru make gicigo-ini kiu, niguo  gukumithia maabitha aborithi aria kuratuika mamagithiitie thaayu na kumahahura o gwakia.,

Mbica cia CCTV ironania  andu aria marerikana ni maabitha a borithi makihobaniria kirabu kimwe na kuamurithia andu maikare thii, na thuutha ucio gucoka kwananga njohi  , ene biacara ici makiuga ona niabore.

Utuku wa ndathukio cia rithathi kirabu-ini kia Spider mwena wa Kayole guuku Nairobi, utumiite ene irabu mauge ciaigana ni ciaigana  , makiuga thithino yao ikoretwo ikirirwo ni maabithaa a borithi aria marenda kugetha kuria matahandiite.

Muthenya wa kiumia ta tha imwe cia hwa-ini, andu aria kuratuika mari maabithaa a borithi mahungurire kirabu giiki na uuru muingi, na makiambia kuhuura rithathi TV na thingo, matagutariria gitumi kiiganu gia hithukira ino, na muthia magitiga maguraria muruti wira uria ututariirie acokire guborwo kiria athukumite.

Matigari ma rithathi iria cienyenyirie thingo utuku ucio, utuku uria aruti wiira maugiite makumburaguo na maai kumatukania, gukirikana andu aya ti maabitha aborithi a Kayole.

Matiina manini kuuma kirabuini giiki ni kirabu gia Kisima ,mbica ici cia CCTV, ikionania hithukira ya andu methaite na micinga , makiamurithia andu maikare thi , hithukira ya keeri iria mwene kirabu arauga ndatariirio mworoto wayo.

Ene irabu ici na ene buciri aria onao macakaite kuagagio ni mandikithitie ndumiriri na ceceni ya borithi ya Kayole, ona gutuika OCPD wa Kayole Henry Kosgei augiite itanya ria birigiceni ino ritirarongoreirie kurehe hathara, na kuna ati ndari na hinya wa kwariria ici makiria…

Leave a Reply

Your email address will not be published. Required fields are marked *