Gakuyo kwendia imwe cia indo ciake niguo arihe mathiiri ma aigithia sacco-ini yake

David Kariuki mwene Gakuyo Real Eastate ni arendia imwe cia indo ciake niguo ahote kuriha mathiiri ma billion imwe na million magana matatu. Mathiiri maya nima andu aria maigithitie sacco-ini yake ya Ekeza Sacco. Gakuyo ekirite kimenyithia gia kwendia indo ici ngathiti-ini imwe guku bururi-ini. Ikinya riri riukite thutha wa amember a sacco ino kururungana kanitha-ini yake makienda macokerio mbeca ciao.

Sacco ino yahingirwo ni komishoni uria urugamiriire sacco ciothe bururi-ini mwaka muhituku thutha wa aigithia guteta makiuga mari na nganja na mbeca ciao. Makiria ya uguo, urugamiriri wa ekeza sacco ndwakoragwo na micemanio ya o mwaka na riria micemanio ino yatabanio gutiakoragwo na mutaratara wa maria mariririo.

Umwe wa maundu maria mangi matumire sacco ino ihingwo ni mwene David Kariuki kana Gakuyo gutukania mbeca ciayo na cia kambuni iria ingi ciake. Riu ougite ndari na uuru na ni egucokia mbeca ciothe.

  • Imwe cia indo iria arenda kuhitukira kimenyithia arekirite ngathiti-ini imwe ni:
  • Mucii wa kiiriu wa guikara uria uri hakuhi na village market
  • Mukawa uikaine ta Lillies uria uri Juja county ya Kiambu mita 500 kuuma haria thukuru wa JKUAT uri.
  • Nyumba ingi ya kiiriu iria iri mugunda-ini wa nuthu acre mwena wa Thika Kiambu
  • Nyumba ya wonjoria ya ngoroba 4 iri makongeni Thika mugunda-ini wa 40 by 60
  • Mugunda wa acre 50 uria uri Kilimambogo county ya Machakos,
  • Mugunda wa acre 100 uria uri Konza city irakwo
  • Mugunda ungi wa acre 100 uria uri Kabati Murang’a
  • Quarry iria nayo iri kabati hakuhi na Triple A growers ya acre 50.

Ekeza sacco iri na honge 26 icigo itiganite bururi-ini.

1 Comment

Leave a Reply

Your email address will not be published. Required fields are marked *