Gikeno gia bamiri thutha wa cucu wao gukinyia miaka 132

Gikeno na nduhio nicio ihumbite itura ria Enkiito, Kajiado ya ithuiro thutha wa nyumba na arata a cucu Elizabeth Tuuko kugomana hamwe gukunguira miaka 132 kuuma riria  aciarirwo.

Bamiri ya Elizabeth irerahira motaro maria manamukira kuuma kuri cucu wao undu umwe na kiheo kia miaka kiria mwene nyaga amuhete.

Riria ciario cigii kirathimo, aingi mataraga ngaari, nyumba na migunda no ugima mwega wa mwiri na wongerereku wa miaka nicio irathimo iria nene cucu Elizabeth tuuko arakenenera .

Cucu Elizabeth uria umite itura ria Enkiito,Kajiado ya ithuiro arakunguira miaka igana rimwe ria mirongo itatu na iri kuuma riria aciarirwo.

Bamiri na arata aria mekinyitie mucii-ini kwa cucu Elizabeth gukunguira kirathimo kia miaka, nimamutugiritie makiuga kuhimbiria irio cia unduire ni umwe wa maundu maria macangiire hanene hari ugima wake wa mwiri.

Na ukunguiri uyu ndungitirihirwo hatari gutinia keki,kionereria gia ati miaka ni kirathimo.kwa ihinda riri,cucu Elizabeth ena njiarwa inya iria iramukunguira ta gitugi kia mucii wao…

Leave a Reply

Your email address will not be published. Required fields are marked *