Hakuhara tianga, governors kwira aruti a wira ao mamakiriririe

Kanjo ya mangabana yugite micara ya aruti a wira a kaunti ciothe ni igucererwo kuumana na ngucanio gatagata ka bunge cieri. Riboti iria irekereirio ni kanju ino yugite ndiri undu ingihota gwika kuona thirikari cia kaunti itiri na mbeca, na cikahoya wetereri kuuma kuri aria othe marutithanagia wira na thirikari ici. Ene nyumba iria cikaragwo ni aruti wira a kaunti ni mahoetwo matikae kumahingira nyumba wona macererithiria muriha.

Mihang’o iria ihuthagira mbeca thirikari-ini cia kaunti riu niigumiirwo ni ihinda iritu, kuona ndugamano gatagati ka mbunge cieri iguru riigii mbeca iria kaunti ciamukagira noirathegea. Kuhitukira marua kuri nyumba cia mohoro, ndundu ya ngabana yugite yugite riu tigutheke,kuona thirikari cia matura riu citingihota kuriha aruti a wira tondu kigina kiria kiagirirwo kuheo thirikari icio 47, gitiri kirarutwo ni thirikari nene.

Kanjo iyo yugite, mbeca iria ciunganagio ni kaunti citingiigana kuriha aruti a wira na mautungata maria magirirwo kuheyanwo ni kaunti. Ndumiriri iyo iria ikiritwo kiroreni muikariri giti wa kanjo ya mangabana wycliffe oparanya niihoete mbengi ciringwo ni thaa, niguo citikae kuhura baini aruti wora aria mena ngombo, hangikinya handu ati nimegucererithiria kuriha.

Kaunti imwe cikoretwo ikigumirwo ni migomo ya aruti a wira, magiteta gucererithirio micara yao, undu uria uhotometie utungata wa muingi. Muthenya wa ira, mucirithania munene david maraga, arerire mbunge cieri cigwithanirie nja wa igoti uhoro wa kigina kiu kiria kigayanitie mbunge cieri cikinenda kuonani mahinya mao.

Kanjo ino ya mangabana oho niihoete ene nyumba iria ciikaragwo ni aruti wira a kaunti magie na wetereri na matikae kuhingira aruti a wira nyumba, kuona ti wendi wao gucererithiria mahiri ma nyumba ma o mweri.

 Kanjo iyo yugite: “thutha wa ngucanio na gatagati ka bunge nene naya senate, turenda kumenyithia aruti aa wira aa kaunti hamwe na aria turuthithanagia wira nao, ati micara na mbeca ciao ciaya gucererwo. ciama cia aruti aa wira, honge cia andu kiumbe, na akenya aria maheyagwo mautungata ni kaunti, thiku iria ciukite mahinda nimegukorwo me maritu. Nituroria bengi, citakarute, penalty, kuri aruti aa wira aa kaunti nigucererwo ni kuriha mathire mao oho tukoria ene nyumba matikahingire aruti aya nyumba ciao.”

Leave a Reply

Your email address will not be published. Required fields are marked *