Hathara ya mwaki gutiga bamiri 40 itari na uikaro, Nyahururu

Makiria ma bamiri 40  itigitwo itari na uikaro thutha wa mwaki munene kuhobaniria gichagi  gia  kia-maina mwena wa Nyahururu kaunti -ni ya Laikipia utuku wa gukia umuuthi.

Aikari a gichagi  gia kia maina mokiririo ni mbu, mikayururuko na ninimbi cia mwaki munene uria ukuririmbukaga na hinya  na gucina kindu o giothe watungana na kio.

Macungiririo nyumba makiria ma mirongo ina ciatigwo iri muhu, gutari ona ki kihonokirio na mirongo ya andu matiguo makigugunwo ni heho ya ruciini, matoi kuria mekurora.

Mwaki ucio urerikana wambiriirie mathaa ma thaa inyanya nyumba-ini imwe ya mbau na kihumo kiaguo gitiri kiramenyakana.

Aikari maitika kuhoria mwaki uria ugwakanaga na marakara no indi no gutherema ugutheremaga. Guthuka kwa barabara mwena uyu gugicerithiria maabithaa a thima mwaki amu mauma na ihinda iritu gwikinyia gichagi-ini giiki.

MCA mwamure Irene Wachuka uria witikire mbu ya aikari aya nioritie thirikari ya kaunti ya Laikipia ithomithie andu ethi mwena uyu njira cia kuhurana na mwaki niguo mahote kuhuranaga na miaki iria ithiite na mbere kurehe hathara mwena uyu.

Oho Wachuka nioritie aikari matige gwaka nyumba itumanite muno kuona ni kimwe gia gitumi kiria gitumire mwaki ucio uthereme muno. Ningi nioritie thirikari ya Laikipia na thirikari nene mateithiririe aikari gwaka manyumba weru.

Leave a Reply

Your email address will not be published. Required fields are marked *