Hihi Gerald Kamotho niekuona kihoto thutha wa guikio nja ya mbathi na gukua?

Thiku igiri thutha wa Gerald Kamotho Wachira gukua  thutha wa  guthinikanio kuuma nja ya mbathi ya ukuui wa muingi mwena wa Kasarani, ngari iyo na mwikuirwo uria wanyititwo ni mareketio. Mbathi  iyo  ya  sacco  ya  Zamzam  ireketio  kuuma ceceni ya  borithi ya Kasarani , borithi makiuga nake mwikuirwo ararekirio na mbondi ya borithi. Kamotho aikirio nja ya mbathi igithiaga.

 mucii kwa James Wachira ni andu a nyumba na arata magicakaya mwana wao Gerald Kamotho. Riboti cia gikuu gia Kamotho ciamakinyiire  thiku igiri thiru thutha wa kiria kurerikana  guthinikanio  ni ikanga  kuuma  mbathi ini  iria  yamukuite   ya sacco ya  Zamzam  iria  yaumaga Githurai kia 45  irorete tauni ya  Nairobi.

Bamiri  yake  ndiri  irataukwo ni uria gwathire  niguo ngero ino ihanike ona gutuika  athii  angi aria maari ngari-ini iyo nio  mahurire riboti ceceni-ini ya borithi ya Kasarani. Mutino ucio  wahanikiire barabara-ini nene  ya  Thika  gatagati  ka Roysambu  na  Githurai  45 kuria  mbathi  iyo  yanyitirwo na  ndereba waayo  agiikio ngono ni borithi a Kasarani.

Bamiri ino igicakaya, yetereire abithaa  a borithi  a ceceni ya Kasarani guteithiriria hari uthuthuria makiria ona  gutuika thiku 2 thutha wa mutino,  matatu iyo ndiri moko-ini ma watho. Tukiaraniria  na njira ya thimu,  OCPD wa Kasarani, aratumenyithia ati  ndereba  niarekereirio  na mbundi  ya borithi ya  ciringi  ngiri  mirongo  itandatu.

Kuringana na  watho  wa  barabara, mwikuirwo no  arekio na bail acoke anyitwo  kurumirira watho wa igoti no ngari yuragite mundu ndibatii kurekererio. Mwaka  muthiru, matatu  ino  niicukagirwo  ati  niyacungiriirie gikuu kia murutwo wa  college  hakuhi  na  kiharo gia Kasarani  na thutha wayo kurekio ikihakwo rangi  ungi.

Njama cia  athii gukuira ngari cia  muingi na kurekererio kwa ngari na aruti a wira aacio  ni  itumite muingi werekerie  marakara  na ciuria kuri honge cia ugitiri na iria ithurimaga mawatho ma barabara.

Leave a Reply

Your email address will not be published. Required fields are marked *