Hihi homa iguatithanagio atia?

Ugima mwega wa  mwiri ni  wa bata niguo kuhotithia   mundu gukinyaniria   mabataro  ma o muthenya.  Kuri mirimu yonekaga iri minene na ingi ikoneka iri minini. Ona  gutuika no tuhote kurigiriria  homa, kaingi  inyitaga andu kugerera  maria  maturigiciirie na  maundu  maria twiikaga o muthenya. Mweri wa  mugwanja  ni wa heho na andu aingi ni mahotagwo ni homa ta uria mbiu wa wambui aratariria.

Mihangó ini  ya o muthenya, mundu niacemanagia  na andu matiganite, nao mari mihangó-ini yao. Umwe wao  angikorwo ari na homa  aria mamukuhiriria  nao  makoragwo hatika-ini ya  kunyitwo ni  homa kwona homa ni kugwatanio igwatanagio.

Homa no irwarwo ni mundu wothe.  Ndariri  cia  homa ni kuigua heho na  urugari, kumira,gukorora,gwathimura, kunogerera, na mangi. Homa ni itheremaga na njira nene undu andu matamenyaga. Ungiikarania  na mundu wina homa  wira-ini, ngari-ini, mukawa-ini  kana  mucii , na aikare agiathimuraga kaingi,menya onawe wi ugwatini wa kurwara homa kwona irehagwo ni virus  iria ikoragwo riera-ini .

Kuringana  na  hinya  wa  mwiri  wa  mundu  wa  kuhurana na homa, homa no iikare kahinda  ga thiku mugwanja,thiku ikumi na inya mundu angikahona  ona kana yage kuhona na arwarage mahinda kwa mahinda na macungiriro mundu no arware pneumonia. Virus cia homa niitheremaga naihenya  muno  wabici-ini  ona kana ngari-ini.

 No andu aingi moyaga homa na njira itiganite. Na  kuona kurigiriria ni kwega gukira kuhonia, murwaru agiriire kunyua  ndawa gwa kahinda ga thiku  ithano no ndagitari agatara  arwaru matikamenyere  kuhe ciana  ndawa  kuona ni ihotomagia hinya wa mwiri wa kwiruirira hindi iria  mundu arwara.

Mundu  angiremwo ni guthii thibitari, no ethondekere dawa akihuthira mimera ohamwe na kuhihia riera ria  urugari. No ndagitari ni araheana  mukana. Kwihumba  nguo  cia urugari, gwithema  heho, kuiga  moko me matheru na  kuhingura  ndirica  ni mamwe ma maundu maria mundu angithingata niguo kurigiriria  kunyitwo ni homa. Gwathimura ni imwe ya njira iria homa igwatanagio.  Kuri  uria  mundu agiriirwo ni  gwathimura. Homa ni umwe wa mirimu iria igwatanagio na njira nene thi yothe na  imwe ya njira cia kwigitira ni kuiga utheru.

Leave a Reply

Your email address will not be published. Required fields are marked *