Humphrey Ngari, murimi wa ng’ombe uria uciikiraga iratu, Kirinyaga

Gwikira iratu ni undu ukoragwo wikirirwo, iri njira ya kugitira maguru kumana na mogwati matiganite. No undu wa mwanya ni muriithia umwe wa ng’ombe mwena wa Kutus kaunti ya Kirinyaga uria uthondekeire ng’ombe ciake iratu, iri ta njira kugitira mahungu maacio kumana na mitino.

Murimi wa ngombe Humphrey Ngari,iturai-ini ria Kithiga mwena wa Kutus, na arathambia iratu cia ng’ombe yake niguo yanjie thabari na ciarikia kuuma akaharukia ndegwa-ini yake. Gitumi kinene kia ng’ombe ici gwikirwo iratu ni gukorwo cigeragira mahiga-ini na rami-ini na riria ciagera rami ini  mahungu nimariikaga na ng’ombe itari na kiratu hindi ya mbura ni inyororokga muno  ndoro-ini undu uria urituhagia ukui uyu na njira nene.

Ota mundu ng’ombe ino ndingirekwo irare na iratu amu maguru mayo nimakuganda, arongerera ati thogora wa iratu cia ng’ombe uringanaga na number ya kiratu ota uria iratu cia mundu ithiaga. Turerwo ati ng’ombe ici nociikiragwo thogithi otamundu nigetha ndikariike mahungu na bacteria itikaiingire mahunguiini macio.

Loise Wakaria arauga ati iratu ni itithegariria ng’ombe kuigwa wega otamundu amu ndihihinyagwo mahungu mayo na niundu utumaga iikare wega na guthakara. Mwena wa kirinyaga nikuo ngombe ihuthagirwo na njira itiganiite hari kuhuthia mawira ma oro muthenya ta gukua mirigo utuku, kumiria mirigo migundaiini o hamwe na urimi.

Leave a Reply

Your email address will not be published. Required fields are marked *