Iceera ria William Ruto Migori

Munini wa President William Ruto augite thirikari ya Jubilee ndiguthutukania gicogo ona kimwe mitaratara-ini ya uthii wa na mbere.

Akiaria ari mwena wa Migori, Ruto nianyururutie mirugamo miruru ya atongoria a ODM  aria maugite ati matikurutithania wira nake tondu handu ha kuruta wira, arahunjia uteti akihenania ni uthii wa na mbere aratheremia.

Rita ria mbere kuuma thirikari ya Jubilee ihotane itina ria keri ria wathani, munini wa President William Ruto niambiriirie iceera riake ria thiku igiri mwena wa luo Nyanza, gitugi kia mutongoria wa ODM Raila Odinga, kuria erigiriirwo gutuikania kaunti cia Homabay na Migori.

Iceera ria Ruto riukite thiku nini thutha wa mucemanio wa mwanya gatagati gake, President Uhuru Kenyatta na mutongoria wa ODM Raila Odinga. Guceera gwake mwena wa Migori gukirikana ni thiriti ya uteti arenda gutuma na ngabana Okoth Obado na gutheremia miri yake ya uteti mwena wa luo Nyanza riciria riria Ruto anyararite.

Akiruguria mihang’o ya utambia wa thitima mwena wa Migori na barabara ya  kuuma Muhuru guthii Masara ugereire Kehancha, Ruto augite gibarua kinene kiria thirikari ya Jubilee inakio na igutigirira nikiahinga ni kuiganania uthii wa na mbere icigo-ini ciothe gutekumakania kuria o gicigo giaikirie kura ciakio.

Ruto araumagaritio ni ngabana wa Migori Okoth Obado uria wiyumiritie king’ang’a-ini rita ria keri kuuma arekererio na mbondi na uria kurerikana auma na ubaciriri munene, ndagathii makiria ma kiromita mirongo iri kuuma mucii-ini wake ndakagarare watho wa igoti.

Leave a Reply

Your email address will not be published. Required fields are marked *