Itanya ria ihenya ria Beyond Zero mwaka uyu ni guteithiriria atumia aria mari na Fistula

Kiroko kia umuthi makiri ma andu kuuma ng’ongo na ng’ongo magwikinyitie kiharo-ini kia Nyayo niguo kunyita itemi ihenya-ini ria Beyond Zero. Uri na wonje ona uria utari othe makionekana gukenerera wirutiri uyu niguo kunyihanyihia ikuo cia atumia aritu, ciana cia ngenge, na oho guteithiriria aria mari na thina wa Fistula.

Munini wa President William Ruto anyitirira mwaro ihenya ini ria kilomita 21 riria arikirie na mathaa meri, guku President Uhuru Kenyatta akiamukira First Lady thutha wake kurikia ihenya riake ria kilomita 10.

O mwaria akigathiriria bata wa mahenya maya maria tiga guteithiriria Akenya kuiga ugima mwega wa mwiri ni maguteithiriria hanene makiria kuri atumia aria matehotete. Atumia aya makihinyiriirio gwethaga motungata maria maraheanwo ni thirikari matuura-ini mao.

Akigathiriria wirutiri munene wa Akenya mahenya-ini maya, First Lady ataririria bata munene wa bururi wa guthaitira ugima wa mwiri wa atumia aritu ona ciana.

Mahenya maya matabanitio riri thi yothe irakunguira kiumia gia atumia, First Lady agitambura atumia akuru na aria monanitie wendo wao hari bururi kumana na wirutiri wao.

Aria matanahota kwiyumiria makirirwo mweke ungi ta uyu mwaka-ini ukite uria nginyagia President eraniire gukananyita itemi.

Mahenya-ini maya ma Beyond Zero, aingi makoragwo na mweke wa kuonania iheo ciao. Na tiga ngerenwa oro hamwe na mbeca bari bari iria atengeri maumire nacio kuo, thirikari ni iraniire kurugamirira timu ciothe bururi-ini kimbeca niguo kunina mathina maria matumaga ona mate mwihoko.

Kuuma ihenya ria Beyond Zero riambiririo mwaka ini wa 2014, riunganitie mbeca iria iteithiriirie o county kwamukira ngari cia guteithiriria gukinyia motungata ma ugima wa mwiri matuura-ini.

Leave a Reply

Your email address will not be published. Required fields are marked *