Itoi cia itharikira ria Riverside kuragwo

Ndumiriri ino irutitwo ni president Uhuru Kenyatta, uria uugite ati andu 14 nio maroragirwo ni ito icio.

Mathaa 18 kuuma itoi irakuruhanio na gikundi kia Al-Shabaab gutharikira nyumba ya Dusit D2 hakuhi na Chirimo guku Nairobi, maabithaa a ugitiri ni mahotete kuuraga itoi ciothe 4 iria iratabanirie tharikiro ino. Akiariria muingi thutha wa tharikiro ino, president Kenyatta ougite ni aracakaya hamwe na bururi na  aria marakuiriirwo ni endwa ao tharikiro-ini ino.

Maabithaa aria maratabanagia mihang’o ya gwethana na itoi ici na kuhonokia aria marari nyumba-ini ino ni marahotire kuhonokia andu aingi ta uria mangirahotire.

President Kenyatta ni acokeirie ngatho mbatuni cia ugitiri iria irahanyukire gutangikira aria marahatite nyumba-ini ino hamwe na akenya aria marerutiire na kunyitanira hamwe.

Mugaru na tharikrio ya Westgate mweri wa September mwaka wa 2013, riria akenya matambagia mbica cia miiri mikuo nenda-ini cia ukinyaniria rita riri akenya ni marari na ugiririki undu uria utanahituka ritho ria  President Kenyatta.

No ningi tondu o mundu na o bururi uthomaga kumana na mathiina maria uhitukagira, president Kenyatta ougite gutiri hindi bururi wa kenya ugaturia maru mbere ya itoi oro ciothe na kuuria akenya matigaikare na guoya.

Leave a Reply

Your email address will not be published. Required fields are marked *