Kambi-ini ya kuhanda miti, Narok

Murugamiriri wa uthuthuria wa icigo iria iri kundu thiini makiria nioritie anyiti itemi othe a guthaitira maria maturigiciirie county-ini ya Narok matigirire ati nimahanda miti gicunji kia ikumi na mugwanja hari  igana.

Akiaria handu-ini ha minister wa maria maturigiciirie Keriako Tobiko, hindi ya kambi-ini ya uhandi wa miti kimeraini giki kia mbura nini, murugamiriri wa uthuthuria wa icigo iria iri kundu thiini Wako Warugute nioritie anyiti itemi a guthaitira maria maturigiciirie marutithanie wira hamwe nigwo gukinyaniria mwiroto wao wa kuhanda miti gicunji kia ikumi na mugwanja hari igana.

Handu-ini ha kanitha, Muthikabu Dr Peter Ole Sakari uria niwe chairman wa makanitha mwena wa Kilgoris, niarakindirire ritana riri na oho aroria thirikari igitire mutito wa Nyakweri uria wi ugwatiini wa kuninwo kaimana niundu wa kurengwo miti mahinda kwa mahinda.

Mwena-ini wake, mwandiki wa Narok County Nature Network Michael Leboo, nioritie thirikari guteithiriria ngurubu cia andu kiumbe ona kana mundu kiumbe aria mareyumiria guthaitira mititu  nigwo kugiririria njui kuniara ta uria kuronekire hau kabere.

Kioneki gia thirikari ya kenya kia mwaka wa 2030, gitanyite kuhanda miti billion ithano nigwo gutigirira niyacokia riri wa mititu uria wathukangirio niundu wa utemi wa miti na macungiriro, guthukia maria maturigiciirie.

Thirikari ya kenya noinyitiriire watho uria yarutire kahinda kahituku, ikigiria utemi wa miti na gucina makara.

Leave a Reply

Your email address will not be published. Required fields are marked *