Kamiti ya BBI kurikia kungania mawoni umuthi

Kamiti ya BBI iria yombirwo kurumiriira uiguano gatagati ka President Uhuru Kenyatta na mutongoria wa ODM Raila Odinga iratiriha mihang’o ya kwamukira mawoni ma muingi umuthi.

Kamiti iyo niirikiitie kwamukira mawoni kuuma kaunti ciothe 47 guku bururi-ini, kuria irigiriirwo kwandika riboti iria ikaneanwo kuri president mweri-ini ukiite wa 9.

Muikariri giti wa kamiti ino Yusuf Hajj, augite mawoni maria maramukirire kuma kuri muingi na ikundi, nimo mekumba muthingi wa uhotekeku wa gwika ugaruruku hari icunji cia gatiba, niguo kumurika maundu maria makoretwo makihatiriria muingi.

Kamiti ino niyuritie aria mangikorwo makienda kuhena mawoni mekinyie nyumba ini ya KICC umuthi.

Leave a Reply

Your email address will not be published. Required fields are marked *