Kamuingi koyaga ndiri; Aikari kwiyakira ndaraca, Muramati Laikipia

Aikari kuuma mwena wa Muramati gicigo-ini kia umbunge kia Laikipia ya rugongo ni magomanite kwiyakira ndaraca iria ituikite gitango kuri o.

Aikari aya aria maugite thirikari ya county ni yagite kumarumbuiya, riu meyoeire wira uyu moko-ini mao, kuona  makiaga mautungata ma bata maria mamukagira murimo uria ungi kumana na waagi wa ndaraca.

Aikari a kuuma mwena wa Muramati matiri na undu wa gwitiira , kuona maiyukitie wira uria maugite ni wa thirikari moko-ini mao , wa kwiyakira ndaraca iria ihokagwo ni aingi ao kwamukira mautungata murimo uria ungi.

Ndaraca ino iria ituikite gitango kuri aikari aya kuona riri mbura iraura no nginya mongane niguo gukiria ciana cia thukuru murimo uria ungi, kuringana nao ni matiganiiirio ni thirikari niamu o mutongoria uria woka ameragira kumathondekera ndaraca ino ciiraniro iria itahingaga.

Na tondu kwerirwo kamuingi koyaga ndiri, kanini na kanene o mundu arerutira guka na kiria mundu enakio kuuma miti ya, nginya micumari nari mone kana thina wa kwaga gwa gukirira ni uguthira.

Guku makiorotithiriria thirikari ya kaunti ya Laikipia, iria marauga niimariganiirwo.

Riu ni maikitie ihoya kuri thirikari ino na makiria kuri atongoria aria mathurire makienda imaririkane imakire ndaraca ino niguo kumahuthiria muturire.

Leave a Reply

Your email address will not be published. Required fields are marked *