Kaunti iria cigwakwo cancer centers

President Uhuru Kenyatta nianirira riciria ria kuongerera labu cia Radiology na Chemotherapy icigo itiganite guku bururi-ini mwarahuko-ini mweru wa mbaara ya kuhotomia king’uki gia cancer.

Akiaria igongona-ini ria kuririkana na gukunguira muturire wa Joyce Laboso mwena wa Bomet, President niagweta ati thibitari wa Moi Teaching and Referral Hospital, Eldoret niukwambatirio ikiro na ningi kuhotithia marigitari guthoma na kuhigirira makiria uhoro wigii cancer.

Oroho, President niahithuria ati chemotherapy centres 10 nicikurugurio miena ya Mombasa, Kisumu Nyeri, Machakos, Nakuru, Kakamega, Meru na Garissa. Thirikari oho niigwaka radiology centers ingi ithatu mwena wa Garissa, Mombasa na Nakuru.

Iri ta njira ya gutiya na kuririkana ngabana wa Bomet Joyce Laboso, Munene wa bururi eranira ati gugikinyiria mweri wa kenda, thibitari wa Longisa niugukorwo wakitwo center ya chemotherapy na radiology.

Kaunti ingi iria cikugunika na cancer centers nit a Kisii, Nyeri na Nakuru. Oroho, thibitari ya Kenyatta University iria itanyitwo kuhingurwo mweri twerekeire onagwo niugukorwo na center ya cancer.

Mbaara ino ya cancer yukite oriri kuri na ritana ria kwanirira murimu wa cancer ta king’uki bururi-ini kuuma kuri ikundi itiganite.

Mbaara ino ya cancer yoete mnwerekera mweru thutha wa atongoria matiganite bururi-ini gukua ni cancer kimera-ini kimwe.

Amwe a aria mbathi ya cancer ikuite nita:Joyce Laboso- Bomet Governor, Ken Okoth(Kibra MP), Nderitu Gachagua (former Nyeri Governor), Francis Nyenze (former Kitui West MP), Grace Kipchoim (former Baringo South MP), Ben Oluoch (former Migori Senator), Prof. Wangari Maathai and Bob Collymore (Safaricom CEO) gatagati-ini ka aingi.

Leave a Reply

Your email address will not be published. Required fields are marked *