Kenya kwandĩkithia arwaru arĩa aingĩ mũno a COVID-19 mathaa-inĩ 24 kuuma rĩrĩa yaingĩrire gũkũ bũrũri-inĩ

Kuri na arwaru angi a COVID-19 1,395 guku bururi-ini thutha wa ithimi 7,635 mathaa-ini 24 mahituku. Ino niyo namba iria nene biu bururi kwandikithia mathaa-ini 24 kuuma riria COVID-19 yaingirire guku bururi-ini mweri-ini wa gatatu.

Ndumiriri iria itumitwo nyumba-ini cia mohoro ni ministry ya ugima wa mwiri, yonanitie athuri nio aingi monekanite na virus ici amu ni 879 na atumia ni 516.

Gatagati ka arwrau aya, uria munini ni mwana wa mieri ina na uria mukuru ari na miaka 94.

Nairobi nikuo gutongoretie na arwaru 569, Nakuru 149, Kiambu 148 gatagati ga kaunti ingi.

No ona gukiri o uguo, arwaru 1,087 nimatoretie murimu uyu na makarekererio kuria 1,019 mararigitagirwo mucii nao 68 marari mathibitari matiganite. Riu, andu 36,963 nio mahonete murimu uyu guku bururi-ini

No uhoro wa kieha ni ati andu 15 nimahotetwo ni murimu uyu na magakua na kwambatiria namba ya ikuu nginyagia 996 guku bururi-ini.

Leave a Reply

Your email address will not be published. Required fields are marked *