Kieha thutha wa bamiri kwaga uteithio wa kuruta miiri ya enda ao ruui

Akenya magithiaga nambere gukunguira thigukuu ya jamhuri, bamiri imwe mwena wa Githunguri kaunti-ini ya Kiambu marecurania ikinya riria mekuoya, ria kumateithiriria kuruta mwiri wa mutumia na mwana wake, aria maguire ruui-ini rwa ruiru muthenya wa kiumia.

Eri aya kuratuika maguire makigeria gukirira ndaraca-ini ya mbao, iria ikiraniirie kuuma murimo wa kwao nginyagia kuria mathiaga.

Ann Wanjiru murutwo urerigiriirwo kuingira kirathi gia kanana mwaka turorete, mari na nyina na muru wa nyina mathiiaga kanitha, na mahuthagira ndaraca ino gukira ruui ruru, ruria rutuikaniirie ituura riao, no kumana na utenderu uria warehetwo ni mbura yaraire ikura, magitindiruka na makigua ruui.

Andu a bamiri yao na aikari a ituura riri, macemanitie gutungania meciria ma uria mekuruta miiri ya, eri aya, makiuga igeria ria gwetha uteithio kuuma kuri atongoria guku niritiringite ihiga.

Aikari marauga ndaraca ino ikoretwo iri ugwati  na makiria riria kwaura, kuona yakitwo na mbao na no imomoke ihinda o riothe magikia ikaya ria kuuria mathonderwo ndaraca numu.

Kairitu kau ka miaka 12, gugituika ni niko karatongoragia mathomo-ini, bamiri ino ikiihoka honge itiganite niikumateithiriria kuruta miiri iyo.

Leave a Reply

Your email address will not be published. Required fields are marked *