Kigeranio gia KCPE kurekererio na ciiraniro cia thirikari kuri arutwo kuongerereka

Gutiri murutwo ona umwe gatagati ka arutwo makiria ma mirioni 1 aria marekire kigeranio kia mwaka uyu gia kcpe megukanjirwo moimirira mao. Uu ni kurumirira mitaratara mikinyaniru, iria ministry ya githomo irauga ikiriire, gutiririra gutiri na mianya ihina-ini riria arutwo mareka kigeranio.

Minista wa githomo prof George Magoha, augite no meguthii nambere na kwikirira kwararamia macukuru ma secondary, niguo gutigirira arutwo aria marekire kcpe meguthii secondary igana kwa igana.

Mucemanio wa president Uhuru Kenyatta na minista wa githomo prof George Magoha, nikio kiambiriria gia kwamikira  rutha rwa kurekereria moimirira ma kigeranio gia KCPE kia mwaka wa 2019.

Ciikaro-ini cia kanju nene ya igeranio  guku Nairobi, nikuo minista magoha ararekereirie moimirira maya ma arutwo makiria ma mirioni imwe aria marekire kigeranio giki.

Ona kuri o uguo namba ya arutwo aria maragiiire marks 400+ guthii naiguru niinyihite kuuma arutwo 11,559 mwaka wa 2018, nginyaagia arutwo 9,770.

Minista magoha augite nimathiite nambere na gutheria ritwa ria igeranio cia kibururi, riria riaihuirwo ni riboti cia uici wa kigeranio, undu uria watumite igeranio ici ihane ta ciagiirwo bata.

Minista magoha nieriire arutwo othe mweke cukuru-ini cia secondary, mutaratara-ini wa gutigirira gutiri murutwo waaga guthii nambere na githomo niundu wa kwaga kuhituka kigeranio.

Kihingica kia arutwo airitu kuoha nda riria makuhiriirie gwika igeranio, magoha augite nimathiite nambere na gukirigicura na namba ya arutwo aria maragia ciana magika kigeranio, ithiite nambere na gukundera.

Mucemanio-ini na president Uhuru Kenyatta, thirikari niiraniire kuheana uteithio wa githomo kuri arutwo matiganite aria mahitukite kigeranio no matiri na uhoti wa guthii nambere na mathomo, rungu rwa mubango uretwo elimu scholarship program.

Leave a Reply

Your email address will not be published. Required fields are marked *