Kigeranio gia KCSE kwambiriria guothe bururi-ini

Kigeranio gia KCSE ni kiambiriirie guothe bururi ini, atongoria matiganite na anyiti itemi ruhonge ini rwa githomo magikinyia mathukuru ini matiganite guku bururi ini kuhingura mathanduku ma igeranio icio.

Kiroko kia umuthi, arugamiriria githomo kuuma icigo ini itiganite magwikinyitie kuria marataathi ma kigeranio gia KCSE maigitwo. Minister wa githomo Amina Mohammed agitumura mathanduku maya mwena wa gicua-ini.

Amina aroiga ari na mwihoko munene ati gutigukorwo na ihingica oro ciothe ingiyumira na arutwo aya no nginyagia manyitirirwo o nginyagia karatathi ka muthia

Ari mwena wa Kisii mwandiki mukaru ministry-ini ya  githomo Profesa Bellio Kipsang niatheretie ndeto igie mathukuru maria mekuagirirwo gukorwo  na andu mabangaga gukungia wara, akiuga ni mathukuru kiumbe no ti ma county iri yothe ta uria kurerikana.

Aria mangikorwo na riciria ria kugeria  gukungia wara makiheo mukana kuona gutiri mundu ugwitikirio guthaka na muturire wa arutwo aya.

Umwe wa ihingica iria ironekanire kigeranio ini gia KCPE ni marataathi kwirikana ni morite thukuru ini umwe mwena wa Narok.

Undu uria umahingurite maitho makiria na riu igeranio ici itiragirwo ni ngari cia andu kiumbe indi ni ngari cia thirikari.

Arimu hamwe na arutwo makiuga mari na mwihoko wa gwika wega kigeranio ini giki, nao maabithaa a kuiga ugitiri nimeraniire ugitiri mugaciru o nginyagia igeranio ici irikirire.

Arutwo makiria ma ngiri magana matandatu nio mareka kigeranio giiki, kiria gikarika muthia-ini wa mweri uyu

Leave a Reply

Your email address will not be published. Required fields are marked *