Kiriga kia andu kwiruta muoyo, Kirinyaga

Ngero cia andu kuiruta muoyo kaunti-ini ya Kirinyaga niciongererekete na gikiro gia kuguoyohia, kuria muthenya wa umuthi andu 3 a gatagati ka ukuru wa miaka 20 na miaka 45 merutire muoyo icigo-ini cia umbunge cia Ndia na  Gichugu.

Ni ndeto itumuriite wagagu munene kuri muingi hamwe na maabithaa a ruhonge rwa wathani wa matuura, munini wa komicona wa gicigo kia  Ndia Moses Ivuto akiuga arume eeri nio merutire muoyo matuura-ini ma Kiaragana na  Kiania, kuria umwe wao akoriirwo eitiire muti-ini wa mukorobia nake uria ungi eitira gwake nyumba.

Uhoro wa kumakania ni ati kuri na mutumia wiriga kuiruta muoyo na njira ya kwiita ituura-ini ria Kiaragana kuria akuire ari na mwana ngoong’o akiriraga.

Leave a Reply

Your email address will not be published. Required fields are marked *