Kungu maitu, aciari gutugwo ni ciana na thabari ya ndege kuuma Eldoret nginya Nairobi

Anake na airitu kuuma itura ria Meritwet kaunti ya Uasin Gishu nimagegetie aingi thutha wao guuka hamwe na kurihira aciari ao thabari ya ndege kuuma Eldoret nginya Nairobi, iri ta njira ya kumacokeria ngatho. Aciari aya nimatariirie gikeno gia gukuo ni ndege, riri ari rita ria mbere kurio o  kuingira ndege-ini, na kuria amwe, magicera mucii-ini wa Nairobi rita ria mbere.

Itura-ini ria Meritwet, Uasin Gishu, turakora atumia mari mihang’o-ini ya kwihariria niundu wa thabari iria iri mbere yao. Gikeno kiao gicorete mothiu-ini mao. Amwe maikurukite ruii kuhura nguo iria magukua rugendo-ini. Esther Koech, uria wina ukuru wa miaka 55 ni hindi arathondeka njuiri yake tondu rugendo rukirie gukura riri rigukorwo riri rita riake ria mbere gukuo ni ndege na ria mbere o ringi gucera mucii munene wa Nairobi angikihitha gikeno gaike atia?

Guku magiitigira gutigwo ni ndege, atumia mohete thabari ya kilometre mirongo iri na ithano makihurana na heho ya thaa kenda cia utuku o nginya kiharo kia ndege na guikara hau o nginya mathaa ma rugendo ruria metereire gukinya.  Maihuirwo ni gikeno thutha wa gutonya ndege thiini, mararingithia nyimbo cia gukunguira wega uria mekitwo ni ciana ciao.

Thutha wa ndagika 45, ndege iromba kiharo-ini kia Jomo Kenyatta, Nairobi ageni matari makinyithia maguru mao tirii-ini uyu marakinya na gikeno kinene makamukirwo ni ciana ciao. Aingi ao magitariria uria thabari ya ndege itarii na maratabania mahoya niundu wa kugia na thabari njega.

Leave a Reply

Your email address will not be published. Required fields are marked *