Kurimira Taranda

Oo mundu ni ari taranda yake, e muithi kana ari mugima, indi ni aingi maremaguo guukiriria taranda icio na gucirutithia wira ona kana taranda icio igatungana na ihingiica na uguo ikaaga gukinyanira. Muthuri umwe wa kuma Murang’a akoragwo na taranda ya mwanya ya gutamuka migambo ya nyamu ngurani no acokire akimitiganiria na akianjia wira wa gutura maburi.

Ona gutuika oo mundu aciaragwo ari na taranda yake, kuria angimihuthira wega no imuheage uboco wake atakuigumira muno, no gicunji kinini tu kia muingi uria uriagiira taranda icio thuutha wa guciruta utheriini, guku namba nene makionekana gukomera taranda icio , hihi kuumaana na gutuunga mihinga ona kana gucihuthia.

Ona kuri uguo ndurumeni  ya gucunji giki  ni imerekagiria kuri kaundu mangiika kuihe uboco ,aria ni hamwe na kuingira mawiraini mangi ta biacara, imwe ikionekana ta itari umuthio indi huthu niyo iiyui.

Tauni-ini ya Kenol county-ini ya Murang’a turatungana na muthuuri ti John Mwangi, muciarwo wa mwaka wa 1953, ari umwe gatagati-ini ka mamirioni  ma akenya aria manyootagira taranda ciao , iria ciathikanire ndumaini ndumanu na akiingira biacara-ini ya gutura  maburi  iria ateriraga kumiruta.

Muthuri uyu wa miaka 65 atuire ariagiira taranda yake ya gucanjamura andu na njira  kuruta thauti ya indo nguurani, no indi kurumiriira mathiina nguurani taranda ino ikiaga bata muturireini wake.

Arauga biacara ino ndangienda kumitiga anginyitwo guoko kuumana na uumithio wayo.

Matiina manini oo tawni-ini ino, tugatungana na mundurume ungi  uikaiine na ritwa ria wiira ta Wamakuburi,  uyu eendagia makuburi na taranda yake ya uini atuire augaga yahingiriirio ni mutumia wake.

Mwena-ini wake arauga thengia ya taranda yake kuaga kuriruka, muno ataimaga mweri uyu na niguo endagia kuburi nyingi riria andu marathii maabura ma thigukuu.\

Aya ni gatagatii-ini ka aingi aria mateire mwihoko thutha wa taranda ciao gutuba, no thengia ya maundu maya, no metiiragia makumbi ma muturire na njira nguurani, amu wira ni wira ritwa nirio riuru.

Leave a Reply

Your email address will not be published. Required fields are marked *