Ma-MCA gutetia video iria ironania munini wa spika akihura mundu

Ma-mca amwe a  Nyeri, nimateteire munini wa spika wa kaunti ino Samuel Kariuki, kumana na riboti ati ni ahurire mundu umwe hindi ya ngahiha iria cionekire kiumia, igongona-ini ria harambe riria riatongoririo ni munini wa president William Ruto ituura-ini ria giakanja.

Ma-mca aya maugite mekurugama na kariuki, makiuga kuhurana na munini wa  spika ni kuhurana na mbunge yothe ya Nyeri.

Ni video ikoretwo igithiururuka nenda-ini cia ukinyaniria, ikionania  munini wa spika wa mbunge ya kaunti ya Nyeri Samuel Kariuki, akihura mundu  na ona agwa  thi, akahiukio iboko.  Kwari muthenya wa kiumia  mbere ya igongona ria harambee ya kanitha wa aipca giakanja.

Riu gikundi kia ma-mca  a Nyeri , nimateteire kariuki, makiuga ati ahurire mundu ucio akigeria kumuingatithia, thutha wake kuoneka akihura mutumia, makiuga ati mbica cia video iyo no cikorwo citari cia ma.

Oho maugite ati nimetanite mucemanio, na mundu utari mwite ndagiriirwo ni gwikinyia mucemanio-ini uyu, makiuga riboti ati kariuki ni ehithite ti cia ma.

 komicona wa gicigo gia gatagati wilson nyagwanga, niarutire watho ati kariuki aikio ngono, undu uria utari urakinyanira nginya riu, ma-mca aya makiuga nimeguteithia kariuki gwetha wakiri kungikinyanira ati ni eguthitangwo.

Leave a Reply

Your email address will not be published. Required fields are marked *