Magegania ma mutumia umwe gutanahirwo na ciana 5 rita rimwe, Kakamega

Mutumia umwe  kuuma gicagi kia Sisokhe gicigo-ini kia umbunge kia Nayakholo kaunti-ini ya Kakamega niatanahirwo na twana tutano. Evelyne Namukhulu uria wina miaka 28 atanahirwo na twana tutu turia ni tuiritu tutatu na tuhii twiiri na riu agukorwo na ciana 9 kuona anagia mahatha maita meri. Namukhulu agiire twana tutu tutano na njira ya guthinjwo, na hau kabere anagia mahatha maita meeri.

Andu aingi thibitari ini ucio wa kakamega nimagegitio ni twana tuu, kuona ati riri ni rita ria mbere thibitari uyu kwamukira magegania ma ciana ithano hamwe.

Thirikari ya kaunti iyo ya Kakamega niirire ati niiguka na mutaratara uria ugutigirira twana tutu tutano nitwarumbuyio na njira iria yagiriire.

Riri ti rita ria mbere ria mutumia kurathimwo na twana tutano kuona miaka iri mithiru mutumia ungi kuuma kaunti ya Homa Bay onake ni arathimirwo na ciana ithano iria ciari na gatagati ga kiro  1.6 nginyagia 1.9.

Leave a Reply

Your email address will not be published. Required fields are marked *