Mateta ma andu aria mari na mawathe, Kiambu

Andu  aria  mari  mawathe ni  marateta niundu wa  kwaga gukinyirwo ni  uteithio  wa kimbeca  uria  maheyagwo ni thirikari  o mweri  makiuga ati matihotaga gwikinyia kuria magiriirwo ni guthimirwo na kuherwo ciringi icio  2,000  cia o mweri.

Angi nao matiri mahota kwiyandikithia  niguo mataranirio na aria maheyagwo kigina giki.

Mararagia  ituura-ini ria  Bibirioni, Lari  riria maramukagira uteithio wa indo iria mahuthagira ta iti na mikwanju, na oho makauga  ati nimaherithikaga riria megutumwo guthimwo na kwiyandikithia.

Kennet Thuo uria ni muikari wa itura ria Bibirioni Ngarariga akiuga kuri aingi aria  mendaga guteithia  andu aria mari mawathe kuuma mabururi mananja no niundu wa magoti maria indo icio irihagirwo igigakinya bururini makarituhirwo.

Guku akiuria korwo kwahoteka andu aria mari na mawathe mahingurirwo honge cia kwiyandikithia kuria gukuhi nao, na thirikari imateithie kwanjia mawira maria mangimahe uboco wa omuthenya handu ha kigina kia o mweri.

Utongoria wa matura matongoretio ni chief wa Ngarariga makinyita aria matehotete mbaru akiuria korwo wabici cia kwiyandikithia no cirehwo hakuhi nao.

Leave a Reply

Your email address will not be published. Required fields are marked *