Mathiina ma andu aria moruraga matauni-ini

Muturire wa  makiri  ma ciana  iria ciururaga  barabara cia  tauni  ngurani  uthiite na mbere  na  kurituha,  niundu wao kwaga  wiyathi wa kuhuthira  indo cia muthingi muturire-ini. Ituura-ini ria  rongai kaunti-ini ya kajiado, imwana   na airitu aria marokaga tene kwimathira uboco na njira itiganite, marauga makoretwo makiagagio mihang’o-ini yao ya  kuungania giko kiria mendagia, guku makiuria  kuheo mweke wa kuhuthagira cioro cia muingi  matakurihio.

Mambagiriria muthenya wao na mahoya magacoka kuringithia kigoco wamuira o mundu oete ikunia riake na kwanjia kururia maitho kuria angiona kindu angiendia niguo one giakuria. Matanya ma o mundu haha makoraguo mari mbere ndaaya kuhunia nda , na wamuira riua riikuruke mituki ya moko ma mundu niyo imwaragira metha nduma yaingira.

O mundu ni ari haria akenagira ona atindikwo ni mathina, na oho ni ari haria aiguaga ahinyiririka. Aya, thengia ya kuigira gikeno kinini, maraigua marangitwo ciara ni kanju iria matuire mateng’eranagia nayo, makiuga ni maumitwo wiyathi wa kuungania giko na indo ingi iria iteetwo ciara-ini  cia  ituura.

Kaingi ciana ici cia kurura matown-ini ni itunganaga na mihinga ya gukinyira indo cia utungata wa muingi, makiuga marihi ma cioro cia muingi ni murigo uramagumira, uguo makoria kuheo kanya kuhuthagira cioro cia muingi hatari marihi. Ona bururi ukibangaga kuhuthia miikariire ya Akenya, muturire wao ukoretwo  uri muritu kungigakinya niwagomania muthenya. Kenya iri na ciana 300,000 iria ciuraraga matauni-ini na nyingi ciacio iri mucii munene wa Nairobi.

Leave a Reply

Your email address will not be published. Required fields are marked *